28
Ahaz Pennak
(2Sia 16.1-20)
1 Ahaz cu pen hram a thawk ah kum 20 a si i Jerusalem in kum 16 a pen. A hringsortu David bangin Bawipa mithmuh ah thil ding a tuah ve lo,
2 sihmanhsehlaw Israel siangpahrang hna lam tu kha a zul. Baal hna caah khan thletmi milem hmanh a ser hna;
3 Hinnom fapa nelrawn ah khan zihmui a khangh i Bawipa nih Israel mi hna hmai in a dawimi miphun hna nih fihnung phunglam an tuahmi hna ning khan a fapale hna cu raithawinak ah a khangh hna.
4 Cun khuahrum bo hna le tlang hna le thingkung hring tang kip ah raithawinak kha a tuah i zihmui kha a khangh.
(2Sia 16.5)
5 Cucaah Bawipa a Pathian nih amah cu Siria siangpahrang kut chungah a pek i amah nih cun a tei i a mi tampi hna cu sal ah a tlaih hna i Damaskas ah a kalpi hna. Israel siangpahrang kut chung zongah amah cu pek a si i Israel siangpahrang nih cun a tei i tampi a thah hna. Ref 28.5-6: Isa 7.1
6 Bawipa, an pupa hna Pathian kha an hlawt caah Remaliah fapa Pekah nih khan ni khatte ah Judah ram chungah cun 120-000 a thah hna, an dihlak in miralòha lawngte an si.
7 Cun Efraim miòhawng Zikhri nih siangpahrang fapa Maaseiah le siangpahrang inn uktu Azrikam le nawl ngeihnak leiah siangpahrang a hun dottu Elkanah kha a thah hna.
8 Israel mi hna nih cun an rualchan hna chung cun nu le fapa le fanu hna 200-000 sal ah an tlaih hna; cun an sin cun hranchaw zong tampi an lak i hranchaw cu Samaria ah an kalpi.
9 Sihmanhsehlaw khika ah khan Bawipa profet pakhat a rak um i a min cu Oded a si; Samaria i a kalmi ralkapbu ton awkah cun a chuak i annih cu a thawh hna i, “ Bawipa, nan pupa hna Pathian cu Judah cungah a thin a hun caah annih cu nan kut chungah an pek hna, sihmanhsehlaw nannih nih van tiang a phanmi thinhunnak in nan thah hna.
10 Cun atu cu nannih nih Judah mi hna le Jerusalem mi hna cu pa he nu he nan sal i zuat hna awkah nan i tim. Nannih tah Bawipa nan Pathian cungah nan sualnak a um ve lo maw?
11 Cucaah ka bia ngai u, Bawipa thinhunnak òihnung cu nan cungah a um caah, nan rualchan hna chungin nan tlaihmi sal hna cu kua òhan hna u,” tiah a ti.
12 Efraim mi hna chung i bawi a cheu hna Johanan fapa Azariah le Meshillemoth fapa Berekhiah le Shallum fapa Jehizkiah le Hadlai fapa Amasa hna zong nih raltuknak in a rami kha an rak donh hna i,
13 annih cu an thawh hna i, “Nan ral tlaihmi hna cu hika ah hin nan runpi hna hnga lo, zeicahtiah atu lio kan sualnak le mawhnak lengah hin nannih nih Bawipa cungah mawh phorhter chin nan kan timh. Kan mawhnak cu a ngan cang i Israel mi cungah thinhunnak òihnung a um cang,” tiah an ti.
14 Cucaah hriamnam aa putmi hna nih khan hrengtangmi hna le hranchaw hna cu bawi hna le aa pummi vialte hna hmaiah khan an kaltak hna.
15 Cun an min in an thiahmi hna nih khan an tho i hrengtangmi cu an lak hna i an lak i hnipuan lo i a ummi cu hranchaw chung khan hnipuan an aih hna; hnipuan an aih hna, kedan an pek hna, ei awk le din awk an pek hna i sathau an thuh hna; cun annih lak i a derthawmmi vialte kha laa an citter hna i ungkung khua an timi Jeriko khua ah cun an unau hna sinah an kalpi hna.
Ahaz Nih Assyria Bawmhnak A Hal
(2Sia 16.7-9)
16 Khi caan ah cun Siangpahrang Ahaz nih Assiria siangpahrang sinah bawmhhal awkah mi a thlah hna.
17 Zeicahtiah Edom mi nih Judah ram cu an chim òhan hoi i an tei hna i sal ah an i kalpi diam hna.
18 Cun Filistin mi hna nih Judah ram chung chimram le Negeb i a ummi khua hna kha an hranh hna i Beth-shemesh, Aijalon, Gederoth, Soko le a khuate hna, Timnah le a khuate hna, Gimzo le a khuate hna kha an lak hna i khika ah cun an um colh.
19 Bawipa nih Israel siangpahrang Ahazc Ahaz: Ahaz hi Judah siangpahrang a si nain Israel siangpahrang hna bantukin a sual ve caah Israel siangpahrang tiah bia-eng in an tinak a si. thawngin Judah cu a òumchukter, zeicahtiah Judah ram chungah khan thlahthlam in a um i Bawipa sinah khan zumhawktlak in a nung lo.
20 Cucaah Assiria siangpahrang Tiglath-pileser nih khan a rathnawh i òhawnter lei loin hremnak tu kha a pek.
21 Ahaz nih khan Bawipa inn le siangpahrang le bawi hna inn khan a ramh hna i Assiria siangpahrang kha ngunkhuai a pek; sihmanhsehlaw cu nih cun a bawm lo.
22 Hi Siangpahrang Ahaz òhiamòhiam cu, a lung retheih caan ah hin Bawipa sinah khan zumhawktlak lo chinchin in a um.
23 Zeitintiah amah a teitu Damaskas pathian hna sinah khan rai a thawi i, “Siria siangpahrang hna pathian hna nih an bawmh hna caah, keimah zong an ka bawmh ve nakhnga an sinah raithawinak ka tuah lai,” tiah a ti. Sihmanhsehlaw annih cu amah le Israel mi vialte rawhralnak an si.
24 Cun Ahaz nih Pathian inn i umkheng hna kha a khawmh hna i Pathian inn i umkheng hna cu a den dih hna i Pathian inn i innka hna cu a phih dih hna; cun Jerusalem khua a kenkip ah khan biakòheng aa serh hna.
25 Judah ram chung khua kip ah khan pathian dang hna sin i zihmui khanghnak caah khuahrum bo a ser hna i Bawipa, a pupa hna Pathian cu a thin a phawh.
26 A tuahsernak a tang rihmi hna le a lam zulhmi vialte cu a hramthawk in a donghnak tiang Judah le Israel Siangpahrang hna Cauk chungah an i òial.
27 Cun Ahaz cu a pupa hna sinah a it i khua chungah, Jerusalem khua chungah cun an vui; Israel siangpahrang hna thlan ah khan cun an ratpi lo. Cun a fapa Hezekiah cu amah hmun ah khan a hung bawi. Ref 28.27: Isa 14.28