27
Jotham Pennak
(2Sia 15.32-38)
1 Jotham cu pen hram a thawk ah kum 25 a ti i Jerusalem in kum 16 a pen. A nu min cu Jerushah a si, amah cu Zadok fanu a si.
2 A pa Uzziah nih a tuahmi vialte ning khan Bawipa mithmuh ah thil dik kha a tuah § Bawipa biakinn bel kha a luhhnawh lo. Sihmanhsehlaw mi zapi nih khan òhat lonak kha an tuah lengmang ko.
3 Bawipa inn cunglei kutka kha a ser i Ofel vampang cungah khan inn tampi a sak.
4 Cuhleiah Judah tlangram ah khan khua a ser hna i thing hmawnnak tlang ah khan ralhruang le innsang a sak hna.
5 Ammon mi hna siangpahrang he khan an i do i a tei hna. Cun cu kum ah cun Ammon mi hna nih, ngun talen 100 le changvut phor 10-000 le barli phor 10-000 an pek. Ammon mi nih cu zat òhiamòhiam cu a kum hnihnak le a kum thumnak ah an pek.
6 Jotham cu a kalning kha Bawipa a Pathian hmaiah a ningcang tein a tuah caah miòhawng ah a cang.
7 Jotham tuahsernak a tang rihmi hna le a raldohnak vialte le a kalning hna cu, zohhmanh, Israel le Judah Siangpahrang hna Cauk chungah an i òial.
8 Pen hram a thawk ah kum 25 a si i Jerusalem in kum hleiruk a pen.
9 Cun Jotham cu a pupa hna sinah a it i David khua ah an vui; cun a fapa Ahaz cu amah hmun ah khan a hung bawi.