20
David Nih Rabbah A Lak
(2Sam 12.26-31)
1 Òhal a hung chuak i siangpahrang hna nih raltuknak hmun i an kal tawn caan ah khan, Joab nih ralkapbu kha a kalpi hna i Ammon mi hna ram kha an hrawh i an ra i Rabbah kha an dum. Sihmanhsehlaw David cu Jerusalem ah a um ko. Cun Joab nih Rabbah cu a tuk i a tei. Ref 20.1: 2Sam 11.1
2 Cun David nih an siangpahrang bawi luchin cu a lu cung khan a lak; mah cucu talen pakhat a rih kha le a chung i lungvar mansung a um kha a hmuh; cun cucu David kha an chinh. Cun cu khua hranchaw kha a lak, a tam ngaingai ko.
3 Cun a chung i a ummi hna kha a chuah hna i hluah le thir turung le hreitlung in rian a òuanter hna; cu bangin Ammon mi hna khua vialte cungah khan a tuah dih. Cun David le a mi vialte cu Jerusalem ah an kir òhan.
David Mi Hna Nih Mingan Pipi An Thah Hna
(2Sam 21.18-22)
4 Cun mah hnuah hin Filistin mi he i dohnak Gezer ah a tho òhan; Hushath mi Sibbekai nih mingan hna tefa a simi Sippai kha a thah;
5 cun Filistin mi he i dohnak a um òhan hoi; Jair fapa Elhanan nih Git mi Goliath unau Lahmi, a feihlung thiamtlang bantuk a simi cu a thah. Ref 20.5: 1Sam 17.4-7
6 Cun Gath ah i dohnak a um òhan hoi; cuka ah cun mipa pakhat a pum a ngan ngaingaimi, a kut ah kutdong paruk veve le a ke ah kedong paruk veve, a dihlak ah kul le pali a ngeimi a um i amah zong cu mi ngan hna tefa kha a si ve.
7 Cun amah nih Israel mi kha a hauh hna tikah David u Shimea i fapa Jonathan nih khan a thah.
8 Hi hna hi Gath khua i a ummi mingan hna hrinthlak kha an si; David kut le a sinum hna kut in an thi.