17
Pathian Nih David Sinah Biakamnak A Ser
(2Sam 7.1-29)
1 Cun David cu a inn ah khan a um i cu tikah, David nih cun profet Nathan cu a thawh i, “Zohhmanh, kei vial sidar thing inn chungah ka um i Bawipa Biakamnak Kuang tu cu puan thlam tangah a um,” tiah a ti.
2 Cun Nathan nih David cu a thawh i, “Na lung chung a ummi paoh cu tuah ko, zeitintiah Pathian cu na sinah a um,” tiah a ti.
3 Sihmanhsehlaw cu zan òhiamòhiam ah cun Bawipa bia cu Nathan sinah a ra i,
4 “Va kal law ka sal David kha, ‘Hi bangin Bawipa nih a ti: Ka umnak dingah inn ka sakpiak hlah.
5 Zeicahtiah Israel kha ka hun hruai ni thawk in atu tiang inn chungah ka um lo, sihmanhsehlaw thlam khat in thlam khat ah, umnak hmun pakhat in umnak hmun dang pakhat ah ka kal lengmang.
6 Israel mi vialte he kaa chawhnak hmun dihlak ah, ka mi hna congh awk i nawl ka pekmi Israel mi biaceihtu hna aho sin tal ah, “Zeicahdah sidar inn na ka sakpiak lo?” tiah bia kaa khat tal ka chim maw? a ti,’ tiah va chim,” tiah a ti.
7 Cucaah atu cu ka sal David kha hi bangin na va chimh lai, ‘Hi bangin ralkapbu Bawipa nih a ti, Nangmah cu ka mi Israel mi cungah bawi si awkah, phong lak, tuu na zulhkhalh hnanak khan kan lak:
8 cun na kalnak kip ah nangmah sinah ka um i na hmai in na ral vialte kha ka hloh dih hna; cun vawlei cung milianngan hna min bantukin min kan serpiak lai.
9 Cun ka mi Israel mi hna caah hmun pakhat ka tuah lai i anmah hmunte ah cun an um nakhnga le hnahnawh an si ti nakhnga lo, ka phun hna lai,
10 hlan lio i ka mi Israel mi hna cungah biaceihtu ka rak chiah hna caan bantuk khan, zaang-en hmangmi hna nih an hrawkhral ti hna lai lo; cun na ral vialte cu kan teipiak lai. Cuhleiah Bawipa nih nangmah cu inn pakhat an serpiak lai tiah kan thanh.
11 Na pupa hna sin i um awkah na ni kha a tlin tikah, na hnuah na tefa, na fapa hna lak i pakhat cu a chan ka thawhter lai i a pennak cu ka fehter lai.
12 Keimah caah inn pakhat a sak lai i a bawi òhutdan cu zungzal in ka fehter lai.
13 Keimah cu a pa ka si lai i amah cu ka fa a si lai; nangmah hlan i a rak ummi sinin a fekmi ka dawtnak ka rak lak bantuk khan a sinin ka la lai lo; Ref 17.13: 2Kor 6.18; Heb 1.5
14 sihmanhsehlaw ka inn chungah le ka pennak chungah amah cu ka fehter lai i a bawi òhutdan cu zungzal in a hmun lai,’ a ti,” tiah a ti.
15 Hi bia vialte ning le hi langhnak vialte ningin, Nathan nih David sinah cun a chim.
(2Sam 7.18-29)
16 Khi tikah David cu a lut i Bawipa hmaiah khan a òhu i, “Maw Bawipa, Pathian, keimah cu ahodah ka si i ka innchungkhar zong hi zeidah an si, hi tiang nangmah nih na ka hruai hi?
17 Cun mah hi cu nangmah mit ah cun, a hmemi thil a si ko, maw Pathian; na sal innchungkhar kong zong hi hmailei caan saupi ca tiangin na rak chim chung cang i hmailei ciruang ding hna zong kha na ka hmuhsak cang, maw Bawipa, Pathian!
18 Cun na sal upatnak pek awk caah hin David nih zeidah chim awk ka ngeih ti? Zeicahtiah na sal cu nangmah nih na hngalh ko.
19 Maw Bawipa, na sal ruangah le nangmah na lungthin ning tein, hi thil lianngan vialte hngalhternak ah hin hi thil liannganpi hi na tuah.
20 Kannih nih kan hna in kan theihmi vialte ah nangmah bantuk ahohmanh an um lo, maw Bawipa, nangmah hleiah Pathian dang an um ti lo.
21 Pathian nih amah mi si awk ca i tlanh awkah a kalhnawh hna i, thil lianngan le thil òihnung in nangmah caah min pakhat i ser i Izipt ram chungin na mi hna hmai in miphun hna kha na dawipiakmi na mi Israel mi hna bantuk hi vawlei cungah zei miphun dah a um ti?
22 Cun nangmah nih na mi Israel mi hna cu zungzal in na mi si awkah na ser hna i maw Bawipa, nangmah cu an Pathian ah na cang cang.
23 Cun atu cu maw Bawipa, na salpa kong le a innchungkhar kong i na rak chimmi kha zungzal ca in fehter ko law na rak chim bangkhan tuah ko;
24 cun ‘Ralkapbu Bawipa, Israel Pathian cu Israel i Pathian a si,’ tiin na min cu zungzal in fehter a si lai i thangòhat a si lai i na sal David innchungkhar cu na hmaiah fehter a si lai.
25 Zeitintiah nangmah nih maw ka Pathian, na sal cu innchungkhar pakhat kan sakpiak lai tiah ka sinah na phuan cang caah na sal nih hin nangmah hmaiah thla ka cam ngam.
26 Cun maw Bawipa, nangmah cu Pathian na si i hi thil òha cu na sal kha na ka kamh cang;
27 cucaah na sal innchungkhar hi nangmah hmaiah zungzal in a hmunh nakhnga, thluachuahnak pe ko sawh; zeitintiah maw Bawipa, nangmah nih thluachuah na pek cangmi cu zungzal in thluachuakmi a si ko,” tiah a ti.