SALM 99
Pathian Siangpahrang Ngan Bik
1 Bawipa cu siangpahrang a si,
mi vialte cu an ther dih;
cherubim cung i a bawiòhutdan
cungah khan a òhu,
vawlei cu aa hnin dih. Ref 99.1: Exo 25.22
2 Bawipa cu Zion ah
lianngan ngaiin a um,
miphun vialte kha a uk dih hna.
3 A lian a ngan i rumra a ngeimi
a min cu mi vialte nih
an thangòhat lai.
4 A liannganmi Siangpahrang,
nang cu ahmaanmi thil
a duhmi na si;
Israel mi cungah ding tein le
a tlari in thil na tuah.
5 Bawipa kan Pathian cu thangòhat u;
a bawiòhutdan hmaiah khan
amah cu bia u!
6 Moses le Aaron cu
a tlangbawi an si,
Samuel cu a sinah thla
a rak cammi pakhat a si;
Bawipa cu an auh i a leh hna.
7 Khuadawm tom chungin
a chawnh hna,
a pekmi hna nawlbia le phunglam
kha an zulh. Ref 99.7: Exo 33.9
8 Bawipa kan Pathian, na mi nih
na sinah thla kan camnak kha
na kan leh;
nangmah cu sualnak a ngaithiam
khotu Pathian na si kha
na kan hngalhter i
kannih cu a sual lo ah na kan rel.
9 Bawipa kan Pathian cu thangòhat u,
a tlang thiang cungah cun
amah cu bia u.
Zeicatiah Bawipa kan Pathian cu
Mithiang a si!