SALM 98
Vawlei Uktu Pathian Thangòhat U
1 Bawipa cu hla thar in thangòhat
tuah u,
khuaruahharmi thil kha
a tuah hna!
A òhawnnak le a thiangmi
a thazang in ral kha a tei hna.
2 Bawipa nih cun ral a tei hnanak
thawng kha a thanh i
a khamhnak òhawnnak kha
miphun vialte a hngalhter hna.
3 Israel mi bia a kamhmi hna kha
a zulh i
an cungah a fekmi dawtnak
a ngei i zumhawktlak in a um.
Kan Pathian nih ral a teinak kha
mi vialte nih khuazakip ah
4 Vawlei mi vialte hna, lunglawm in
Bawipa cu hla in
thangòhat tuah u;
lawmhnak hla in thangòhat u law
a au in au u!
5 Bawipa thangòhatnak hla cu sa u,
thangòhatnak hla cu tingtang he
òhuan hna u.
6 Muko le tuukawng ki tum hna u law
Bawipa, siangpahrang
hmaiah cun lunglawm in au u.
7 Rili le a chung i a ummi thilnung
vialte hna, awn tuah u!
Vawlei le a cung i a ummi thilnung
vialte hna, hlasa tuah u!
8 Maw rilipi hna, nan kut beng tuah u;
maw tlang hna, Bawipa hmaiah cun
lunglawm in hlasa tuah u,
9 zeicahtiah amah cu vawlei
uk awkah a ra cang.
Vawleicung mi vialte cu dinnak le
ruannak in a uk hna lai.