SALM 86
Bawmh Halnak Thlacam
David Thlacamnak
1 A derthawmmi le santlai lomi
ka si caah
ka thlacamnak cu ka ngaihpiak law
ka let tuah, Maw Bawipa.
2 Nangmah kha an tlaihchanmi
ka si caah
thihnak in ka khamh ko;
nangmah sal ka si ca le nangmah
an bochanmi ka si caah
3 Nang cu ka Pathian na si caah
ka cungah zaangfahnak ngei ko,
Maw Bawipa;
chun nitlak in na sinah thla ka cam.
4 Ka thlacamnak cu na sinah a kai
lengmang caah
na salpa hi ka lung ka lawmhter ko.
5 Nangmah sin i thla a cammi hna
cungah cun na òha i
ngaihthiamnak le a fekmi
dawtnak in na khat,
6 Bawipa, ka thlacamnak cu
ka ngaihpiak law
nangmah bawmhhal in ka aunak hi
ka theihpiak tuah.
7 Ka thlacamnak kha na ka leh
tawn caah
harnak caan ah nangmah kha
8 Bawipa, nangmah bantuk pathian dang
ahohmanh an um lo,
nangmah tuahmi bantuk
a tuah khomi pakhat hmanh
an um lo.
9 Nangmah nih na sermi
miphun vialte hi an chuak lai i
na hmaiah an kun lai.
Na lianhngannak kha
an thangòhat lai, Ref 86.9: Biat 15.4
10 zeicahtiah Pathian,
nangmah lawnglawng hi
a òhawngmi na si,
nangmah lawnglawng hi
khuaruahhar a tuah khotu na si.
11 Bawipa, tuah seh ti
na ka duhmi kha
ka cawnpiak law na nawl kha
fel tein ka zulh lai;
ka lungthin a dih-umnak in
na rian ka òuan nakhnga
ka cawnpiak ko.
12 Ka lungthin dihlak in
kan thangòhat lai,
Maw Bawipa ka Pathian;
na lianhngannak cu a zungzal in
ka chim lai.
13 A fekmi na dawtnak cu
zeitluk in dah ka caah a ngan!
Thlan tawne in na ka khamh.
14 Maw Pathian, miruamkai pawl nih
an ka fuh,
nangmah zei i an rel lomi miòhalo
pawl nih thah an ka zalh.
15 Bawipa, nang cu
zaangfahnak le dawtnak in
a khatmi Pathian na si;
thin a fual i zaangfahnak
a ngei zungzal i
zumhawktlak a si zungzalmi na si.
16 Keimah leiah i mer law
ka zaangfah tuah;
ka nu nih a rak in biak bantukin
kei zong nih kan biak ve caah,
thazang òhawnnak ka pe law
ka khamh tuah.
17 Bawipa, na òhatnak kha
ka cungah langhter ko,
cu tikah keimah a ka huami hna
nih khan
hnangamnak le bawmhnak
na ka pek kha an hmuh lai i
an ning a zak lai.