SALM 85
Ram Òhatnak Ca Thlacam
Korah Hla
1 Bawipa, na ram cu na zaangfah ko,
Israel cu a kumvui na òhatter òhan.
2 Na mi hna an sualnak kha
na ngaihthiam hna i
an palhmi vialte kha
3 An cung i na thinhunnak kha
na damter i
na thinlinhnak kha na daihter.
4 Maw Pathian, kan Khamhtu,
kan kirpi òhan law
kan cungah lungsi loin um ti hlah.
5 Kan cungah zungzal in maw
na thin a hun ko lai?
Na thin cu a dam bal lai lo maw?
6 Thazang thar kan pe law,
na mi nih kan in thangòhat lai.
7 Maw Bawipa, a fekmi
na dawtnak cu
kan hmuhsak ko,
na khamhnak zong kan pe fawn.
8 Bawipa Pathian i a chimmi
bia cu ka ngai lai,
hruh lam a simi lam, kan lam kha
kan zulh òhan lo caah
a mi kannih hi daihnak kha
a kan kamh.
9 Amah a upatmi khamh awkah khan
aa tim zungzal ko i
kan ram chungah hin a sunparnak
cu a um zungzal lai.
10 Dawtnak le zumhawktlak sinak cu
an ra òi lai;
dinnak le daihnak cu
an i tong lai.
11 Minung nih zumhawktlak
a sinak kha van leiah a kai lai i
Pathian dinnak nih vancung khin
a run zoh lai.
12 Bawipa nih kumvui òha
a kan pek lai i
kan ram nih rawl tampi
a chuahter lai.
13 Bawipa hmaiah khan
dinnak cu a kal lai i
a lam kha a rak sialpiak lai.