SALM 140
Huhphenhnak Ca Thlacam
David Hla
1 Maw Bawipa, miòhalo hna kut
chung khan ka khamh ko;
mipuarhrang hna sin khan
him tein ka umter ko.
2 Òhat lonak khua lawng kha
an khang zungzal ko,
siknak lawng kha an chuahter
zungzal ko.
3 An lei cu rul lei bantuk a si i
an bia cu rawchok sivai bantuk a si. Selah
Ref 140.3: Rom 3.13
4 Miòhalo mi hna kut chung khan
ka huppheng law, maw Bawipa,
ka tluknak ding lawng a tuaktan
lengmangmi hna mipuarhrang
hna sin khan him tein ka umter ko.
5 Miruamkai pawl nih khan
rap an ka chiahhnawh,
mihrokhrawl pawl nih khan
sur rap cu an chiah i
lam ah khan keimah foihnak
dingah cun an phah. Selah
6 Bawipa cu ka thawh i,
“Nangmah cu ka Pathian na si,” ka ti.
Bawipa, nangmah bawmhnak
hal in ka aunak cu ka theihpiak ko!
7 Maw Bawipa ka Pathian,
nangmah cu ka khamhtu
òhawng na si,
raltuknak hmun ah na ka huhphenh.
8 Maw Bawipa, miòhalo cu
an duhmi thil kha hmuhter hna hlah;
thil òhalo an khanmi kha
9 Ka ral kha teitu siter hna hlah,
an ka tlerhnak cu
anmah cung lila ah tlakter.
10 Meiòil sen nih tlak hna seh law,
chuak kho ti loin khor thuk
chungah tla hna seh.
11 Lih in midang sual a puhmi cu,
mi sual an puhnak hna ah khan
thluachuak hna hlah seh;
mipuarhrang cu òhat lonak nih khan
tlak hna seh law hrawk hna seh.
12 Bawipa, nangmah nih
misifak cu na òanpi hna i
mirethei cu an hmuh awk hnga
a simi kha na hmuhter hna,
ti kha ka hngalh.
13 Miding nih cun an in thangòhat
taktak lai,
na hmaika ah khan khua
an sa zungzal lai.