SALM 139
Pathian Nih A Hngalh Dih
1 Bawipa, na ka kawl dih hirhiar i
na ka hngalh dih cikcek!
2 Ka tuahmi vialte cu na hngalh dih,
lamhlatpi khin ka ruahnak vialte cu
na hngalh dih ko hna.
3 Rian ka òuan ah siseh, kaa dinh ah
siseh, na ka hmuh,
ka tuahmi vialte kha na hngalh dih.
4 Ka chim hlan in ka chim ding vialte
kha na hngalh dih.
5 Ka hnulei le ka hmailei in
na ka cawngh i
ka cungah na kut na zar.
6 Na ka hngalhnak hi a thuk
tuk hringhran,
ka ruahnak nih a phak khawh
leng a si.
7 Na thlarau sin hin khuazei ah dah
ka zam khawh lai?
Na hmaika hin khuazei ah dah
kaa thuh khawh lai?
8 Vancung ah khin hung kai ning tiah,
cuka ah cun na rak um ko lai,
mithi khua ah khin vung
it ning tiah,
cuka zongah cun na rak um
òhiamòhiam ko lai.
9 Nichuahlei ah khin lo diam in
hei zuang hnik ning law,
asiloah nitlaklei a hlatnak bik
hmun zongah khin
hei um hnik ning law,
10 cuka zongah cun a ka hruaitu
dingah nangmah na rak um
òhiamòhiam ko lai,
a ka bawmtu dingah na rak um
òhiamòhiam ko lai.
11 Muihnak kha ka thup tuah,
ka hei ti ko hnga,
asiloah ka velchum i ceunak kha
zan ah cang, ka hei ti ko hnga,
12 asinain cucu zeihmanh
a òhahnem hlei hnga lo,
zeicahtiah muihnak cu
nang caah cun a mui lo i
zan hmanh kha chun tlukin
a ceu ko.
Nang caah cun muihnak le ceunak cu
13 Ka pum chung thil vialte hi
nangmah sermi an si dih;
ka nu pawchung i a ka semtertu cu
nangmah na si.
14 Hi bantuk thil thuk le khuaruahharmi
thil ruangah hin
nangmah cu kan lawmh:
keimah kong i khuaruahhar
a simi thil le
nangmah nih na tuahmi thil
khuaruahhar a simi hna kong ah
hin kan lawmh.
Nangmah nih na ka hngalh dih
cikcek ko;
15 Ka pum hi nang caah cun
khuaruahhar awk a si lo,
zeitindah a thli tein muisam
ka hun ken le
ka nu pawchung ah zeitindah
ka hung òhan ti kha
nang na caah cun khuaruahhar
a si lo.
16 Ka chuah hlan in na rak
ka hmuh diam cang.
Ka ca i na sermi ni hna cu
na cauk chungah
an rak i khumh diam cang,
hram an i thawk hlan hmanh khan
an i òial diam cang.
17 Maw Pathian, na ruahnak cu
ka caah zeitluk in dah hngalh a har,
na ruahnak cu a tam tuk ah
a dongh in a dong kho lo.
18 Rel tim hnik hna ning law thetse
nak tam an si òung;
an dihlak in rel dih dingah cun,
nangmah chan can nun
19 Maw Pathian, miòhalo kha cu
that ko hna, ti ka duh.
Mipuarhrang pawl nih hin
ka kaltak hna seh, ti ka duh
hringhran ko.
20 Nangmah kong ah thil òhalo lawng
an chim i
na min chiatnak lawng kha
an chim lengmang.
21 Bawipa nangmah an huatu cu
ka huat ve hna,
nangmah an dohtu cu zei ah
ka rel ve hna lo.
22 Huat taktak in ka huat hna i
23 Maw Pathian, ka pur cikcek law
ka lungthin hi hngal ko;
ka hneksak law ka ruahnak hi
hmu ko.
24 Ka chungah hlenthawinak
a um sual hnga maw?
a um sual ahcun ka hmuhpiak law
zungzal hmunmi lam ah khan
ka hruai ko.