SALM 12
Bawmh Halnak Thlacam
David Hla
1 Ka khamh tuah, maw Bawipa!
Miòha an um ti lo i lihchim lomi
an um ti lo.
2 Pakhat le pakhat an i hleng i
hlepar faknak hmur le lung hnih
3 Maw Bawipa, hlepar fak thiam
lei cu daihter law
tluang a khawng lengmangmi
kaa cu phit hna.
4 Annih nih an i thawh i,
“Kan duhmi paoh kan chim ko lai,
ahohmanh nih an kan kham kho
lai lo.
Aho nih dah, cucu nan chim awk
a si, tiah an kan chimh khawh lai?”
5 Bawipa nih aa thawh i,
“Sifakmi cu an hrem hna i
retheimi cu aihram lengmang in
an tuah hna caah
atu cu ka ra lai i an ngaihmi
himnak cu ka pek hna lai,” a ti.
6 Bawipa biakamnak cu
zumhawktlak an si;
somei chungah voi sarih tiang
erletmi ngun tlukin an thiang.
7-8 Miòhalo cu a kenkip ah an um i
mi zeipaoh nih thilòhalo kha
an hlawrh,
Maw Bawipa, hi mi hna sin hin
kan kilveng law
him tein kan umter zungzal ko.