SALM 11
Bawipa I Bochannak
David Hla
1 Ka himnak dingah Bawipa cu
kaa bochan.
Nang nih naa thawh i,
“Va bantukin tlang ah zuang tuah,
2 zeicahtiah miòhalo nih
an likuk kha an i hruai i
muihnak i a ummi miòha kha
kah awkah
an cantiang cu an i tinh.
3 Thil aa nincan lo tikah hin miòha nih
an tuah khawhmi zeihmanh
a um lo,” tiah na ka ti tikah hin
4 Bawipa cu a biakinn thiang
chungah a um ko i
a bawiòhutdan cu van ah khin
a um ko.
Mi vialte kha a zoh hna i
an tuahmi vialte kha a hngalh dih.
5 Miòha zong, miòhalo zong
òha tein a dothlat hna;
zaang-ennak a duhmi kha
a thinlung dihlak in a huat hna.
6 Miòhalo cungah meiòil le
kaat kha a surter;
a alhmi mei in dan a tat hna.
7 Bawipa cu a ding i tuahsernak
ding kha a duh,
mi dingmi nih a hmai kha
an hmuh lai.