SALM 115
Pathian Taktak Pakhat
1 Kanmah si loin, na min
lawnglawng hi
sunparnak pek awk cu na si,
Bawipa,
zeicahtiah na dawtnak cu
a fek i zumhawktlak na si.
2 Zeicahdah miphun dang hna nih,
“Nan Pathian cu khoika ah dah
a um?” tiah an kan hal lai?
3 Kan Pathian cu vancung ah khin
a um i
a duhmi paoh kha a tuah ko.
4 Annih pathian tu cu sui le
ngun in sermi an si,
minung kut nih a sermi an si. Ref 115.4-8: Slm 135.15-18; Biat 9.20
5 Kaa cu an ngei, sihmanhsehlaw
an holh kho lo,
mit cu an ngei, sihmanhsehlaw
an hmu kho lo.
6 Hna an ngei,
asinain khua an thei lo,
hnar an ngei,
sihmanhsehlaw rim an thei lo.
7 Kut an ngei, sihmanhsehlaw
zeihmanh an tawng kho lo,
ke an ngei, sihmanhsehlaw
an kal kho lo;
an hrom nih aw zeihmanh
a ser kho lo.
8 Siasal a sertu hna le siasal
aa bochanmi hna cu
an sermi siasal bantuk cu si ve
9 Maw Israel mi hna,
Bawipa cu i bochan u,
amah nih an bawmh hna lai i
an huhphenh hna lai.
10 Pathian tlangbawi hna,
Bawipa cu i bochan u,
amah nih an bawmh hna i
an huhphenh hna.
11 Bawipa a òihmi vialte hna,
amah cu i bochan u,
amah nih an bawmh hna i
12 Bawipa nih a kan philh lo i
thluachuah a kan pek lai;
Israel mi le Pathian tlangbawi
vialte kha thluachuah
a pek hna lai.
13 Amah a òihmi vialte cu
thluachuah a pek hna lai,
a hme a ngan thleidang loin
a pek hna lai. Ref 115.13: Biat 11.18; 19.5
14 Bawipa nih nangmah le na fale cu,
tefa in pe ko hna seh!
15 Van le vawlei a sertu
Bawipa nih cun,
thluachuahnak in pe ko hna seh!
16 Vancung khi Bawipa ta a si,
sihmanhsehlaw vawlei hi cu,
mi kha a pek hna.
17 Bawipa a thangòhattu cu
mithi an si lo,
holh lo i dai tein umnak
hmun ah a vung kalmi nih
an thangòhat kho lo,
18 sihmanhsehlaw kannih
a nungmi nih amah cu
kan lawmh lai,
atu in zungzal tiang
Bawipa cu thangòhat u!