SALM 114
Lanhtak Puai Hla
(Exo 14.1-31)
1 Israel mi nih Izipt ram in
an chuah tikah,
Jakob tefa pawl nih cu ram cun
an chuah tikah, Ref 114.1: Exo 12.51
2 Judah cu Bawipa mithiang ah
a cang,
Israel cu amah ta ah a cang.
3 Rili Sen nih a rak zoh hna i
an zamtak hna,
Jordan Tiva cu luang loin a rak um. Ref 114.3: Exo 14.21; Jos 3.16
4 Tlang cu meheh bantukin
an i hlok i tuu bantukin
an pet i an choi.
5 Rili, zei nih dah an zamter?
Jordan Tiva, zeicahdah
luang loin na um?
6 Tlang hna zeicahdah
meheh bantukin nan i hlawh?
Fing hna, zeicahdah
tuu bantukin nan peh i nan choi?
7 Maw vawlei, Bawipa
a rat caah cun ther ko,
Jakob Pathian hmaiah cun ther ko.
8 Amah nih cun lungpi kha
tili ah a canter hna i
lungpang kha cerhti put ah
a canter hna. Ref 114.8: Exo 17.1-7; Nam 20.2-13