9
Fimnak le Hruhnak Nih Sawmnak
1 Fimnak nih a inn kha a sak cang,
a tung pasarih kha
a phun cang hna.
2 A sa kha a thah cang hna i
a mitsur hang zong kha
a cawh cang hna i a cabuai
zong kha a ser cang hna.
3 Khuachung hmun sang bikbik khan
au awkah a sinum kha a thlah hna i,
4 “Lungthin a tlawm deuhmi paoh cu
hika ah hin ra tuah u,” an ti.
Ruahnak a ngei set lomi cu
a thawh hna i,
5 “Ra u law changreu kha ei u law
mitsur hang ka cawhmi kha
ding tuah u.
6 Hruhnak lam kha kaltak u law
nung cang tuah u,
fimnak lam kha zul tuah u,” a ti.
7 Miruamkai a chimhringtu nih cun
rak nihsawhnak kha a in tawn,
miòhalo nun a chimtu nih cun
hma a in tawn.
8 Miruamkai cu nun chim hlah,
an huat sual lai,
mifim cu nun chim law an dawt lai.
9 Mifim cu cawnpiak law
a fim chin lai,
miding cu cawnpiak law
a thiamnak aa chap lai.
10 Bawipa òih cu fimnak
hramthawknak a si,
A Thiang Mi hngalh cu
a thukmi thil
hmuh khawhnak a si. Ref 9.10: Job 28.28; Slm 111.10; Phut 1.7
11 Zeicahtiah keimah thawngin
na ni hna cu an karh lai i
na nunnak ah kum tampi
chap an si lai.
12 Na fim ahcun nangmah ca
òhatnak a si ko,
miruamkai na si ahcun
mawhchiat awk cu
13 Nu hrut cu a lung duh ning
paoh khan a um i
ngakchia bantuk a si i zeihmanh
a hngal lo.
14 A inn innka ah khan a òhu,
khua chung hmun sang bik hmun i
òhutdan ah khan a òhu i,
15 Lam i a kalmi, anmah lamte i
ding tein a kal komi hna kha,
16 “Lungthin a tlawm deuhmi paoh cu
hika leiah hin ra tuah u,”
a ti hna.
Ruahnak a ngei set lomi kha
a thawh hna i,
17 “Firmi ti cu a thlum i
a thli tein eimi changreu cu
a thaw,” tiah a ti hna.
18 Sihmanhsehlaw khika ah thihnak
a um ti kha an hngal lo i
a sawmmi a hawile hna cu Sheol
a thuknak i a ummi an si kha
an i hngal lo.