10
Miding le Miòhalo An I Dannak
1 Solomon phungthluk bia hna:
Fapa fim nih a pa a lawmhter,
sihmanhsehlaw fapa hrut cu
a nu caah ngaihchiatnak a si.
2 Òhat lonak in hmuhmi chawva cu
a miak lo,
sihmanhsehlaw dinnak cu thihnak
chungin chuahtertu a si.
3 Bawipa nih miding cu rawlòam in
umter a siang hna lo,
sihmanhsehlaw miòhalo duhnak cu
a donh tawn.
4 Kut thathu nih cun pamnak
a chuahter,
sihmanhsehlaw miteima kut nih cun
rumnak a chuahter.
5 Òhal caan lioah thil aa khonmi cu
fapa fim a si,
sihmanhsehlaw rawlòuan caan lio i
a it komi fapa cu ningzahnak
a chuahtertu a si.
6 Thluachuahnak cu miding hna
lu cungah a um,
sihmanhsehlaw miòhalo hna
kaa nih cun
zaang-ennak kha an i hmawm.
7 Miding cu thluachuahnak an si tiin
hngalh camcin an si,
sihmanhsehlaw miòhalo hna
min cu philh zau a si.
8 A fimmi nih cun nawlbia kha
a lung chungah aa ken,
sihmanhsehlaw mihrut mikatam cu
ngaihchiatnak a phan lai.
9 Ding tein a kalmi cu him tein a kal,
sihmanhsehlaw a lam kha
a ningcang loin
a tuahmi cu a langh lai.
10 Palhnak a um tikah tladedep tein
a mit a òhepmi cu
harnak chuahtertu a si,
sihmanhsehlaw ralòhat in mi
a chimhringmi cu daihnak
umtertu a si.
11 Miding kaa cu nunnak cerhti a si,
sihmanhsehlaw miòhalo hna
kaa nih cun zaang-ennak kha
an i hmawm.
12 Huatnak nih rem lonak kha
a thawhter,
sihmanhsehlaw dawtnak nih cun i
tisualnak vialte kha a khuh dih. Ref 10.12: Jei 5.20; 1Pet 4.8
13 Hngalhthiamnak a ngeimipa
hmur ah cun fimnak a um,
sihmanhsehlaw fungfek cu
ruahthiamnak a ngei lomipa
keng caah a si.
14 Mifim nih cun hngalhnak kha
an i khon,
sihmanhsehlaw mihrut nih bia
an chim hluahmah tikah khan
rawknak kha a nai.
15 Mirum hna an ralhruang cu
an chawva a si,
misifak hna an rawhnak cu
an sifahnak hi a si.
16 Miòha nih an hmuhmi laksawng cu
nunnak a si,
sihmanhsehlaw sualnak nih cun
sualnak lawng a chuahpi lengmang.
17 Chimhhrinnak a ngaimi paoh cu
an nung lai,
sihmanhsehlaw ka palh
a ti duh lomi cu
lamping ah an kal.
18 Huatnak a paw chungah a thupmi nih
a hmur in lih a chim,
hawi thangchiatnak a chimmi cu
mihrut an si.
19 Bia tam deuh na chim paoh ah
tam deuh in
na sual ve sual ko lai,
cucaah na fim ahcun
bia naa sum lai.
20 Miòha hna bia cu
ngun òha bantuk an si,
sihmanhsehlaw miòhalo hna
lungthin cu hnawmtam
bantuk an si.
21 Miòha bia nih cun mi tampi
a cawm hna,
sihmanhsehlaw mihrut cu a hruh
ruangah a thi tawn.
22 Bawipa thluachuahnak cu
rumtertu a si i
ngaihchiatnak zeihmanh
a ratter chih hna lo.
23 Òhat lonak tuah hi mihrut caah cun
lentecelh bantuk a si i
sihmanhsehlaw hngalhthiamnak
a ngeimi caah cun fimnak hi
a nuammi a si.
24 Miòhalo cu a òihmi thil kha
a cungah a tlung lai,
sihmanhsehlaw miding nih cun
a saduhthah kha a co lai.
25 Thlichia nih miòhalo cu a choih hna,
sihmanhsehlaw miding cu an him.
26 Ha ca i a thormi bantuk le
mit ca i meikhu bantuk khi
mithathu cu a bawipa caah a si.
27 Bawipa òihnak nih hin
chan a sauter,
Sihmanhsehlaw miòhalo hna
chan cu a tawi.
28 Miding hna ruahchannak cu
lunglawmhnak a phan,
Sihmanhsehlaw miòhalo hna nih
an i ruahchihmi cu
pakpalawng ah a cang.
29 Bawipa nih a sual lomi cu
a huhphenh hna,
sihmanhsehlaw òhat lonak
a tuahmi cu a hrawh hna.
30 Miding cu hlonh an si bal lai lo,
sihmanhsehlaw miòhalo cu
ram chungah hin
khua an sa kho lai lo.
31 Miding kaa nih cun fimnak kha
a chim,
sihmanhsehlaw lei òhalo cu
tan a si lai.
32 Miding nih cun hi caan he hin
zei bia hi dah chim awkah
aa tlak ti kha an hngalh,
sihmanhsehlaw miòhalo nih cun
mi ca i fahnak a chuahtertu bia
lawnglawng kha a chim zungzal.