15
1 Lehnak nem nih thinhunnak
a damter,
sihmanhsehlaw biahrang nih cun
thin a phawh.
2 Mifimpa lei nih hngalhnak kha
a karhter,
sihmanhsehlaw mihrut nih cun
pakpalawng bia kha a chim.
3 Bawipa nih khuazei ka i
thil a ummi hmanh kha a hmuh dih,
òhatnak kan tuah ah siseh,
chiatnak kan tuah ah siseh,
a kan hmuh dih ko.
4 Bia nem cu nunnak thingkung a si,
sihmanhsehlaw òhat lonak a tuahtu
lei nih lungthin kha a khuai tawn.
5 Mihrut nih a pa chimhhrinnak kha
zei ah a rel lo,
sihmanhsehlaw mawhchiatnak
zei ah a relmi cu mifim a si.
6 Miding nih an chawva kha
an i chiah khawh,
sihmanhsehlaw harnak caan
a phak tikah
miòhalo nih cun an thlau hna.
7 Mifim hmurka nih hngalhnak kha
an òhanter,
mihrut lungthin tu cu, cu bantuk
a si lo.
8 Miòhalo hna raithawinak cu Bawipa
caah fihnung a si,
sihmanhsehlaw miòha hna
thlacamnak cu a lawmhmi a si.
9 Miòhalo hna ziaza cu Bawipa caah
fihnung a si,
sihmanhsehlaw dinnak
a kawlmi kha a dawt hna.
10 Palhnak kha na tuah ahcun fak piin
dantatnak na hmuh lai,
chimhhrinnak kha na duh lo
ahcun na thi lai.
11 Sheol le Abaddon hmanh
Bawipa hmaiah cun an lang ko,
minung lungthin chinchin cu
zeitluk in dah a langh lai!
12 Miporhlaw nih cun chimhhrinnak
kha a duh lo,
mifim hna sinah khan ruahnak
va hal awkah a kal bal lo.
13 Lungchung lawmhnak nih
hmai a panhter,
sihmanhsehlaw lungfahnak nih
lungthin a khuai tawn.
14 Mifim nih cun hngalh chin
lengmang kha an duh,
sihmanhsehlaw mihrut cu
an hruhnak ah khan an i za ko.
15 Harnak a ingmi hna caah cun
nifate hi ni har an si dih ko,
sihmanhsehlaw
lung aa lawmmi hna caah cun
nunnak hi a nuam zungzal ko.
16 Bawipa òih bu tein tlawmte ngeih hi
tampi ngeih i hnahnawk ngai i
um nakin a òha deuh.
17 Dawtnak aa telnak zanriah cu
an hringso he lawng hmanh
siseh law,
a thaumi caw sa in tuahmi zanriah,
huatnak aa telmi nakin
a òha deuh.
18 Thintawi nih siknak a chuahter,
sihmanhsehlaw lungsaunak nih
rem lonak a damter.
19 Mithathu lam cu hling nih
a buathnawh,
sihmanhsehlaw teimami lam cu
lampheipi a si.
20 Fapa fim nih a pa kha a lawmhter,
sihmanhsehlaw a hrutmi mino nih
a nu kha a nehsawh.
21 Mihrut cu an hruhnak ah khan
an i lawm ko,
sihmanhsehlaw mifim nih cun
ahmaanmi thil kha an tuah.
22 Ruahnak i cheuhnak a um lo ahcun
khuakhannak kha a ping ah
a kal tawn,
sihmanhsehlaw ruahnak cheutu
an tam ahcun a hlawh
a tling tawn.
23 Mipa nih a lehnak kha
aa lunghmuih ko lai,
sihmanhsehlaw a caan he
ahmaanmi bia fang khat cu
zeitluk in dah a òhat deuh!
24 Mifim cu nunnak lam leiah khin
an hung kal,
thihnak lam leiah cun an vung kal lo.
25 Bawipa nih aa porhlawmi inn cu
a òheh,
sihmanhsehlaw nuhmei thilri kha
a humhak hna.
26 Bawipa nih miòhalo hna ruahnak cu
a huat,
mithiang hna bia cu
a lawmhmi an si.
27 A hak a kaumi nih a innchungkhar
cungah harnak a tlunter,
sihmanhsehlaw nawhthuh a duh lomi
cu saupi a nung lai.
28 Miòha nih cun bialehnak
an tuah hlanah an ruah hmasa,
miòhalo nih cun khulrang in an leh,
sihmanhsehlaw an lehnak nih cun
harnak a chuahter.
29 Miòha nih thla an cam tikah
Bawipa nih a ngaihpiak hna,
sihmanhsehlaw miòhalo cu
zei ah a rel hna lo.
30 Hmaipanh nih mi a lawmhter,
thawngòha nih mi a lawmhter chinchin.
31 Chimhhrinnak a òhami kha
òha tein a ruatmi cu
mifim hna bu chungah khan
aa tel ve lai.
32 Chimhhrinnak zei ah na rel lo ahcun
nangmah le nangmah
harnak naa pe,
sihmanhsehlaw chimhhrinnak kha
na cohlan duh ahcun
na fim chin lai.
33 Bawipa òih hi fimnak ding caah
cawnpiaknak a si,
upatnak phaknak lam cu
toidornak a si.