14
1 Nu fim nih an inn kha an sak,
sihmanhsehlaw nu hrut nih
anmah kut lila in an òheh dih hna.
2 Miding nih cun Bawipa kha an òih,
sihmanhsehlaw midepde nih cun
zei ah an rel lo.
3 Mihrut biachimmi cu
amah keng ca fungfek a si,
sihmanhsehlaw mifim cu
an hmurka nih a huhphenh hna.
4 Cawtum um lonak ah cun buk cu
a lawng in an um ko,
sihmanhsehlaw cawtum thazang
chungin rawl tampi a chuak.
5 Zumh awk tlakmi tehte nih cun
lih kha a chim lo,
sihmanhsehlaw tehte dinglo nih cun
lih kha a thaw ah aa chuahchih.
6 Miporhlaw nih cun fimnak kha
a kawl nain a hmu lo,
sihmanhsehlaw hngalhthiamnak
a ngeimi caah cun fimnak cu
a fawitemi thil a si ko.
7 Mihrut cu hrial ko hna,
zeihmanh an in cawnpiak khawh
ding a um lo.
8 Zeicahdah mifim cu a fim?
Zeidah ka tuah lai ti kha
aa hngalh caah a fim.
Zeicahdah mihrut cu a hruh?
Ka hngalh tiah aa ruah caah a hrut.
9 Mihrut cu an sual ah an zei a poi lo,
sihmanhsehlaw miòha nih cun
ngaihthiamnak hmuh kha an duh.
10 Na lunglawmhnak cu nangmah
tate a si,
na ngaihchiatnak zong nangmah
tate a si,
Ahohmanh na hrawm kho hna lai lo.
11 Miòhalo inn cu hrawh a si lai,
sihmanhsehlaw miding inn cu
a hungcho lai.
12 Lam dik tiah na ruahmi kha
thihnak lei kalnak lam a si kho ko. Ref 14.12: Phut 16.25
13 Minung cu a nih len ko zongah
a lungchung tein a ngaih
a chia ko hnga,
lunglawmhnak a loh cang ahcun,
ngaihchiatnak a um zungzal ko.
14 Miòhalo nih a hmuh awk hnga
a simi kha a hmuh lai,
miòha nih a tuahmi thawng khan
laksawng a hmuh lai.
15 Mi lungthin tlawm nih cun
zeipaoh kha a zumh,
sihmanhsehlaw mifim nih cun
a lamh ding kha òha tein a zoh.
16 Mifim cu ralring tein a um i
òhat lonak kha a hrial,
sihmanhsehlaw mihrut cu
aa ralring lo i
khulrang tuk in a tuah tawn.
17 Mithintawi nih cun thil hrut kha
an tuah tawn,
sihmanhsehlaw mifim deuhmi cu
an lung a sau.
18 Mihrut nih cun an hruhnak nih
a hmuh awk hnga a simi kha
an co.
Mifim cu hngalhnak kha
bawi luchin ah chinhter an si.
19 Miòhalo cu miòha hna hmaiah khan
an bawk,
miòhalo cu miding hna kutka ah
khan an kun.
20 Misifak cu ahohmanh nih an duh lo,
sihmanhsehlaw mirum cu hawikom
tampi a ngei.
21 Lunglawmmi si na duh ahcun
misifak kha va zaangfah hna,
mi zeihmanh zeirello i um kha
sualnak a si.
22 Òhatnak caah rian na òuan ahcun
mi nih an in zumh lai i
an in upat lai,
sihmanhsehlaw chiatnak caah
na tuah ahcun na palh hrimhrim ko.
23 Rianòuan harnak nih hin
òhathnemnak a chuahpi,
kaa chim men lawng nih cun
sifahnak lawng a chuahpi ko.
24 Mifim hna bawi luchin cu thil
a chunglei an hmuh khawhnak
hi a si,
mihrut hna pangpar òhirual cu
an hruhnak hi a si.
25 Biatak a chimmi tehte nih
nunnak kha a khamh,
sihmanhsehlaw lih a chimmi cu
mi rawitu a si.
26 Bawipa òihzahnak ah
a òhawngmi le zumhtlak a simi cu
a tefa hna caah himnak a si.
27 Thihnak in luat na duh maw?
Bawipa òih hi nunnak cerhti a si.
28 Siangpahrang cu ukmi tampi
a ngeih tikah a lianngan,
ukmi a ngeih lo ahcun a bawinak cu
a lo ko.
29 Dai tein a um khomi cu mifim a si,
sihmanhsehlaw mithintawi nih cun
zeitluk in dah a hruh ti lawng kha
a langhter.
30 Lung daihnak nih pum kha
a ngan a damter,
sihmanhsehlaw nahchuahnak cu
khensar zawtnak bantuk a si.
31 Misifak kha nan serhsat hna ahcun
anmah a Sertu Pathian
nan serhsat kha a si,
nan zaangfah hna ahcun cucu
Pathian biak a si.
32 Miòhalo cu amah òhat lonak nih
a thluk,
sihmanhsehlaw miding cu
a dinnak nih khan a huhphenh.
33 Fimnak a ngeimi hna lung chungah cun
fimnak cu nuam tein a cam,
sihmanhsehlaw mihrut hna lung
chungah cun aa nuam lo.
34 Miphun a lianhngantertu cu
dinnak a si,
sualnak cu zei miphun paoh caah
ningzahnak a si.
35 Siangpahrang nih a felmi
rianòuantu kha an lawmh hna,
sihmanhsehlaw an rian a tlolhmi cu
dan a tat hna.