4
1 Cucaah ka dawt i ka ngaihmi u le nau hna, kaa lawmhnak le ka suiluchin nan si, ka dawtle hna, Bawipa ah cun fek tein hmun ko u.
2 Euodia le Sintikhe, Bawipa ah lungkhat tein um ko u, tiah kan nawl hna.
3 Cun, ka hngawngkual bahpitu zumhtlak nannih zong, kha nu hna kha bawm hna u, zeitintiah thawngòha karhternak rian ah, Klemat le ka òuanhawi dang vialte, nunnak cauk ah an min òialmi hna he a ka bawmtu an si.
4 Bawipa ah cun i lawm camcin ko u, i lawm ko u tiah ka nolh òhan.
5 Nan lungsaunak cu zapi nih thei ko hna seh. Bawipa cu a ra tuan lai.
6 Zeihmanh ah nan lung rethei hlah u. Zeipaoh ah thlacam in nan herhbaumi paoh kha lunglawmhnak he hal u.
7 Cun minung nih hngalh cawk lomi Pathian daihnak nih cun nan lungthin le nan ruahnak cu Khrih chungah a hmunhter lai.
8 A donghnak ah, ka u le ka nau hna, a dikmi, hmaizahtlak, bia ding, a thiangmi, duh a nungmi le vel a ngeimi paoh, a òha khunmi le thangòhat awk tlakmi an um ahcun cu hna cu ruat hna u.
9 Ka sinin nan cawn i nan cohlan cangmi le nan theih i nan pomhlawmmi hna cu tuah u law daihnak Pathian nih cun an umpi ko hna lai.
10 Naite i ka zawn nan ka ruahnak nan hun langhtermi caah khan Bawipa ah cun kaa lawm hringhran. Nan ka hramhnak kha langhter nan duh tawn ko nain a caan nan hmuh lo ruangah a si.
11 Ka chambaunak ka chim duh cu a si lo. Zei ti ka si paoh ah umzia ka thiam cang.
12 Canfak ngaiin umzia ka thiam cang i ngeinung ngai i umzia zong ka thiam cang. Zeilei paoh ah chamhbaunak, duhdimnak, òamhalnak le rum ning biathli ka thiam cang.
13 A ka òhawntertu amah thawngin zeipaoh ka tuah khawh ko lai.
14 Asinain ka harnak nan i hrawm caah kaa lawm ko.
15 Thawngòha chim kaa thawk lio i Masidonia ka chuah tak ah khan nanmah Filipi khuami dah ti lo cu Khrihfabu dang ahohmanh peòhentu ka ngeih lo cu nan hngalh.
16 Thesalonika khua ah khan voi khat lawng hmanh si loin ka herhnak ah bawmhnak nan ka kuat tawn.
17 Nan laksawng kha ka tumtahmi cu a si lo. Sihmanhsehlaw nan caah miaknak aa chap chin cu ka duh.
18 Atu cu kaa za cang i a hlei hmanh in ka ngei. Epafroditas nih nan laksawng a run phorh i ka herhmi paoh cu a tling cang. Cucu Pathian duhmi rimhmui thawinak cohlan awk tlakmi Pathian lunglawmhtertu an si.
19 Ka Pathian nih Khrih Jesuh thawngin a rumnak ning in nan chamhbaumi vialte an pek hna lai.
20 Kan Pathian le kan Pa cu a zungzal in lianngan ko seh. Amen.
21 Jesuh Khrih ah mithiang vialte nan kut kan tlaih hna. Ka sin i a ummi unau hna zong nih nan kut an in tlaih ve hna.
22 Hika mithiang mi vialte hna zong nih a lang in nan kut an in tlaih ve hna. Sizar inn chungkhar hna nih abikin nan kut an in tlaih hna.
23 Bawipa Jesuh Khrih vel cu nan cungah um ko seh.