1 Khrih chung i nun hi nan caah a òhahnem i dawtnak nih nan tha a thawhter i Thlarau he hawikomhnak nan ngeih i zaangfahnak le tlaihchannak nan ngeih ahcun 2 lungthin khat le dawtnak lung ngetnak nan ngeihnak in kaa lawmhnak cu tlinter ko u. 3 Mah ca lawng i huihthaihnak le porhlawt ruamkainak zeihmanh tuah loin, toidornak in midang kha nanmah nak òha deuh ah ruat hna u. 4 Mah ca òhatnak lawng kawl loin midang òhatnak zong kawl ve u. 5 Khrih Jesuh lungput in lung pu ko u. 6 A hram thawk tein Pathian sining a ngei ko nain Pathian he i tluk cu i cuh dingah a ruat bal lo; 7 a sining vialte kaltak in miòhi ah aa cang i minung ah hrin a si. Minung sinak ngei in, 8 mi toidor ah aa chia i thih tiang hmanh in nawl a ngai i vailam ah a thi. 9 Cucaah Pathian nih a sang bik ah a hler i min vialte ah min cungnung bik a pek. 10 Cu Jesuh min cu thangòhat in van i a ummi vialte le vawlei cung le vawlei toi i a ummi vialte nih an khuk an i bil lai i 11 Pathian kan Pa sunlawiter dingah holh phun kip in ‘Jesuh Khrih cu Bawipa a si,’ tiah an phuan lai.

12 Cucaah cun ka dawtle hna, nan sin ka um lio i ka nawl nan ka ngaih bantuk khan ka um lo zongah nan ngaih chinchin a hau lai. Nan khamhnak caah òih le therphang buin òuan ko u; 13 zeitintiah a duhning nan i tinh khawh nakhnga le nan tuah khawh nakhnga nan chungah a òuantu cu Pathian a si.

14 Phunzai lo le alhnial loin zeipaoh òuan ko u. 15 Atu chan hrokhrawl le sualnak lakah hin, a sual lo Pathian fa, mi lung thiang le sawi awk um lo nan si khawh nakhnga le vawlei ceutertu nan si khawh nakhnga 16 nunnak bia cu fek tein i tlaih ko u. Cuti a si ahcun Khrih Ni ah ka hmaihngalnak nan si lai i ka tliknak le ka retheihnak cu pakpalawng an si lo ti a lang hnga. 17 Nan zumhnak pekchanh thawinak caah ka nunnak hi toih va si seh law kaa lawm hnga i kaa lawmhnak cu nanmah zong kan hrawmh ve hna hnga. 18 Cuticun nanmah zong i lawm u law nan i lawmhnak cu ka hrawmh ve u.

19 Nan thawng theih i lungòha tein ka um khawh nakhnga Timote cu nan sinah ka run thlah khawh lai, tiah Bawipa Jesuh thawngin ruahchannak ka ngei ko. 20 Keimah bantukin nan zawn an ruat taktakmi hna cu amah lawng hi a si. 21 Midang cu anmah zawn lawng an i ruat i Jesuh Khrih rian an ruat lo. 22 Timote santlaih ning le thawngòha caah pa le fa bantukin kan òuan òinak kha nan hngalh. 23 Ka ningcang kaa hngalh cangka nan sinah ka rak thlah lai, 24 Bawipa bochan in nan sinah ka ra tuan lai tiah ka zumh.

25 Keimah bawmtu dingah nan rak thlahmi kan unau Epafroditas, ka rianòuan pitu le ka ral doh hawi hi nan sinah rak thlah a herh, tiah ka ruah. 26 Hmuh an duh ngaingai ve hna i a zaw ti nan theih kha a lung a òha lo. 27 A zaw taktak i a thih zong a thi dengmang, sihmanhsehlaw Pathian nih a zaangfah, amah lawng si loin, keimah zong ka cungah ngaihchiatnak pakhat hnu pakhat aa thuat nakhnga lo a ka zaangfah a si. 28 Nan sin i run thlah cu ka duh chinchin, zeitintiah nan rak hmuh cun nan i lawm lai i ka lungretheih a zia deuh lai. 29 Bawipa ah lunglawmhnak in rak cohlang u law kha bantuk mi kha upat hna u; 30 nanmah nih nan ka bawmh khawh lomi bawmh awkah thih a ngamh i Khrih rian ah a thih zong a thih phah dengmang.