1 Israel mi cu Izipt ram in Moses le Aaron nih an hruai hna i an bubu in an chuah tikah, mah hihi an riahhmun lengmang cu an si. 2  Bawipa nawlbia bangin, Moses nih an i thawhnak hmun hna cu aa chang lengmang in a òial hna i, mah hna hi an i thawhnak hmun hna ning in an riahnak hmun hna cu an si. 3 Thla khatnak thla, cu thla khatnak thla a ni hleinga ni ah, Rameses in an i thawh; Lanhtak a thaizing ah Israel mi hna cu Izipt mi vialte hmuh ah teinak in an kal. 4 Cu lioah cun Izipt mi hna cu annih lak i Bawipa nih a thahmi an fater hna kha an vui hna; an pathian hna cung zongah Bawipa nih biaceihnak a tuah.

5 Cucaah Israel mi cu Rameses in an i thawh i Sukkoth ah an riak. 6 Sukkoth in an tho i ramlak ri i a ummi Etham ah an riak. 7 Cun Etham in an tho i Baal-zefon in nichuahlei ah a ummi Pi-hahiroth ah an kir i Migdol hmaiah an riak. 8 Cun Hahiroth hmai cun an tho i rili cu an tan i ramlak ah cun an lut i Etham ramlak ah cun ni thum an kal i Marah ah an riak. 9 Marah cun an chuak i Elim an phan; Elim ah cun cerh hleihnih le ung kung 70 an um i cuka ah cun an riak. 10 Cun Elim in an tho i Rili Sen pawngah an riak. 11 Rili Sen cun an tho i Sin ramlak ah an riak. 12 Sin ramlak cun an tho i Dofkah ah an riak. 13 Cun Dofkah in an tho i Alush ah an riak. 14 Alush in an tho i Refidim ah an riak; cuka ah cun mi caah din awk ti a um lo. 15 Refidim cun an tho i Sinai ramlak ah an riak. 16 Sinai ramlak cun an tho i Kibroth-hattaavah ah an riak. 17 Kibroth-hattaavah cun an tho i Hazeroth ah an riak. 18 Hazeroth in an tho i Rithmah ah an riak. 19 Rithmah in an tho i Rimmon-perez ah an riak. 20 Rimmon-perez in an tho i Libnah ah an riak. 21 Libnah in an tho i Rissah ah an riak. 22 Rissah in an tho i Kehelathah ah an riak. 23 Kehelathah in an tho i Shefer Tlang ah an riak. 24 Shefer Tlang in an tho i Haradah ah an riak. 25 Haradah in an tho i Makheloth ah an riak. 26 Makheloth in an tho i Tahath ah an riak. 27 Tahath in an tho i Terah ah an riak. 28 Terah in an tho i Mithkah ah an riak. 29 Mithkah in an tho i Hashmonah ah an riak. 30 Hashmonah in an tho i Moseroth ah an riak. 31 Moseroth in an tho i Bene-jaakan ah an riak. 32 Bene-jaakan in an tho i Hor-haggidgad ah an riak. 33 Hor-haggidgad in an tho i Jotbathah ah an riak. 34 Jotbathah in an tho i Abronah ah an riak. 35 Abronah in an tho i Ezion-geber ah an riak. 36 Ezion-geber in an tho i Zin ramlak ah an riak (mah cucu Kadesh a si). 37 Cun Kadesh in an tho i Hor Tlang, Edom ramri ah khan an riak.

38 Cun tlangbawi Aaron cu Bawipa nawl pek bangin, Hor Tlang ah cun a hung kai i, Izipt ram in Israel mi nih an chuah hnu kum sawm linak, thla nganak thla, ni khat ni ah cun khika ah a thi. Ref 33.38: Nam 20.22-28; Deu 10.6; 32.50 39 Aaron cu Hor Tlang cung i a thih tikah kum 123 a si.

40 Cun Kanaan miphun Arad siangpahrang, Kanaan ram chung Negeb i a ummi nih Israel mi an rat thawng kha a theih. Ref 33.40: Nam 21.1

41 Hor Tlang in an tho i Zalmonah ah an riak. 42 Zalmonah in an tho i Punon ah an riak. 43 Punon in an tho i Oboth ah an riak. 44 Oboth in an tho i Moab ram chung i a ummi Iye-abarim ah an riak. 45 Iyim in an tho i Dibon-gad ah an riak. 46 Dibon-gad in an tho i Almon-diblathaim ah an riak. 47 Almon-diblathaim in an tho i Nebo hmai i a ummi Abarim tlang ah an riak. 48 Abarim tlang in an tho i Moab nelrawn Jordan tiva kam Jeriko zawn ah an riak; 49 Jordan tiva kamah cun Beth-jeshimoth in Abel-shittim tiang, Moab nelrawn ah cun an riak.

50 Cun Bawipa nih Moses cu, Moab nelrawn Jordan tiva kam Jeriko zawn ah cun a chawnh i, 51 “Israel mi sinah hi bangin va chim tuah, Jordan tiva nan tan i Kanaan ram chungah nan luh tikah, 52 nan hmai in cu ram i a ummi vialte cu nan dawi hna lai i an lung òial vialte kha nan hrawh lai i, thletmi an siasal vialte kha nan hrawh lai i, an khuahrum bo vialte kha nan chimh dih lai. 53 Cun ram cu nan co lai i a chungah nan um lai, zeitintiah, co awkah cu ram cu kan pek cang hna. 54 Ram cu nan hrinning cio in camcawh fung khiah in nan co lai; phun ngan deuh cu ro ngan deuh nan pek lai i phun hme deuh cu ro hme deuh nan pek lai; ahohmanh nih camcawh fung khiah in a hmuhmi hmun paoh cu, cu hmun cu amah ta a si lai; nan pupa hna phun ning cio ah nan co lai. Ref 33.54: Nam 26.54-56 55 Sihmanhsehlaw cu ram i a ummi hna cu nan hmai in nan dawi hna lo ahcun, nan taantermi hna cu nan mit chungah hling le nan hrappang ah chuntu bantuk an si lai i nannih nan umnak ram chungah cun harnak an in pek hna lai. 56 Cun an cung i tuah awk ka ruahmi kha nan cungah ka tuah lai,” tiah a ti.