9
Mi Zapi Nih An Sualnak An Phuan
1 Cun hi thla ni li ni ah Israel mi hna cu rawl ul le khumpuan i aih le an lu i vawlei dip i phulh in an i pum.
2 Cun Israel mi hna cu ramdangmi hna sin khan an i dang i an dir i an sualnak le an pale òhat lonak kha an phuan.
3 Cun an hmun cio ah khan an dir i Bawipa an Pathian phungbia cauk chung khan ni cheu li cheu khat chung cu an rel i a dang cheu li cheu khat chung cu sual phuannak le Bawipa an Pathian biaknak caah an hman.
4 Levi mi hna hleiah khan Jeshua, Bani, Kadmiel, Shebaniah, Bunni, Sherebiah, Bani le Khenani kha an dir i Bawipa an Pathian kha fak piin an auh.
5 Cun Levi mi Jeshua, Kadmiel, Bani, Hasshabneiah, Sherebiah, Hodiah, Shebaniah le Pethahiah nih hi bangin an thangòhat:
“Dir u law Bawipa nan Pathian cu ‘Zungzal in zungzal tiang, sunparnak na min cu thangòhat a si i thangòhatnak vialte le hlorhnak vialte nakin a cungnung deuh.
6 Nangmah lawnglawng hi Bawipa cu na si; nangmah nih van cu na ser, a sang bik van cu a chung i a ummi thil vialte he na ser hna i vawlei le a cung i a ummi thil vialte zong hi na ser hna i rili le a chung i a ummi thil vialte zong hi na sermi an si dih. An dihlak hin nangmah nih na hmunhter hna i van i a ummi thil vialte nih khin nangmah cu an in biak.
7 Nangmah cu Abram kha a thim i Khaldi mi hna khua Ur khua in a chuahpi i a min ah Abraham a saktu Bawipa Pathian cu na si. Ref 9.7: Gen 11.31; 12.1; 17.5
8 Cun amah cu nangmah sinah zumhawktlak a si kha na hmuh i a tefa hna cu Kanaan mi hna le Hit mi hna le Amor mi hna le Periz mi hna le Jebus mi hna le Girgash mi hna ram kha pek awkah amah sinah khan biakamnak kha na ser; cun nang cu na din caah na biakamnak cu na tlinter. Ref 9.8: Gen 15.18-21
9 “Cun kan pupa hna nih Izipt ram ah hremnak an inmi kha na hmuh i Rili Sen i an aunak kha na theihpiak hna i Ref 9.9: Exo 3.7; 14.10-12
10 kan pupa hna kha zeirello in an ti hna kha na hngalh caah Faro le sinum hna le a ram mi vialte hna cungah hmelchunhnak le khuaruahhar kha na tuah i nihin ni tiangah a si bang hin min pakhat naa ser. Ref 9.10: Exo 7.8§12.32
11 Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a òhawngmi ti chungah lung a tlak bangin, a thukmi ti chungah na paih hna. Ref 9.11: Exo 14.21-29; 15.4-5
12 Chun ah minmei tung in na hruai hna i zan ah an kalnak lam ceuhpiaktu dingah mei alh tung in na hruai hna. Ref 9.12: Exo 13.21-22
13 Sinai Tlang cungah khan na rung òum i vancung khin annih cu na run chawnh hna i phunglam dikdik le phungbia taktak le phung òhaòha le nawlbia òhaòha kha na pek hna i Ref 9.13-14: Exo 19.18§23.33
14 annih cu a thiangmi na sabbath kha na hngalhter hna i nawlbia le phung le phungbia kha na sal Moses sinin na pek hna.
15 Cun an rawlòamnak daihter awkah vancung in changreu na pek hna i an tihal riamhter awkah lungpi chungin ti na pek hna, cun annih cu pek awkin chiat na rak sermi ram ah khan va kal i va co awkah nangmah nih na chimh hna. Ref 9.15: Exo 16.4-15; 17.1-7; Deu 1.21
16 “Sihmanhsehlaw annih le kan pupa hna nih cun porhlawt ngaiin thil an tuah i an hngawng kha an i rengh i na nawlbia kha an ngai lo; Ref 9.16-17: Nam 14.1-4; Deu 1.26-33
17 annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh òhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo. Ref 9.17: Exo 34.6; Nam 14.18
18 Annih nih thletchommi cawfa kha an i ser i, ‘Izipt ram in a kan chuahpitu kan Pathian cu mah hihi a si,’ tiah an ti i na min an in thangchiat hmanh ah khan, Ref 9.18: Exo 32.1-4
19 na zaangfahnak a ngan ruangah ramlak ah khan na hlaw ta hna lo; lam a hruaitu hna minmei tung nih khan chun ah a kaltak hna lo i annih kalnak ding lam a ceuhtu mei alh tung nih khan zan ah a kaltak hna lo. Ref 9.19-21: Deu 8.2-4
20 Annih cawnpiaknak caah na thlarau òha kha na pek hna i na manna kha sianh loin na um hna lo i an tihal a riamh nakhnga ti kha na pek hna.
21 Kum 40 ramlak ah na cawm hna i zeihmanh an bau lo; an thilpuan kha a òet lo i an ke kha a phing lo.
22 Cun annih cu pennak le miphun kha na pek hna i hranchaw bantukin na phawt hna. Cuticun Heshbon siangpahrang Sihon ram le Bashan siangpahrang Og ram cu an lak hna. Ref 9.22: Nam 21.21-35
23 An tefa hna cu van i arfi zat khin na karhter hna i an pupa hna cu, “Va lut u law va co u,” tiah na rak timi hna ram chungah khan na luhpi hna. Ref 9.23: Gen 15.5; 22.17; Jos 3.14-17
24 Cucaah an tefa hna cu an lut i ram cu an co i an hmaiah cun cu ram a rak hlumtu Kanaan mi hna kha na tei hna i annih cu an duhduh in an tuah hna nakhnga an kut chungah an siangpahrang hna le cu ram mi hna cu na chanh hna. Ref 9.24: Jos 11.23
25 Cun annih nih kulhmi khua hna le a rummi ram kha an tlaih hna i thil òha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na òhatnak a nganmi ah khan an i lawm. Ref 9.25: Deu 6.10-11
26 “Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah leiah merter òhan awkah ralrinnak a petu hna profet hna kha an thah hna i thangchiatnak nganpi kha an tuah. Ref 9.26-28: Biac 2.11-16
27 Cucaah an ral hna kut chungah khan na chanh hna i annih nih an hrem hna. Sifahnak an in tikah nangmah cu an in auh i vancung khin na run theih hna; na zaangfahnak a ngan bantukin an ral hna kut chungin a khamhtu hna khamhtu kha na pek hna.
28 Sihmanhsehlaw dinhnak an hmuh tikah na hmaiah òhat lonak an tuah òhan i an ral hna kut chungah khan na kaltak hna i cucaah annih nih an uk hna; asinain an i mer i nangmah kha an in auh tikah nangmah nih vancung khin na run theih hna i na zaangfahnak thawngin voi tampi na chuah hna.
29 Cun na phungbia leiah khan merter awkah ralrinnak na pek hna. Sihmanhsehlaw porhlawt ngaiin thil an tuah i na nawlbia kha an ngai lo; na phunglam zulhnak thawngin nunnak a simi na phunglam tu kha an buar hna i an liang kha an i òhawnter i an hngawng kha an i rengh i na nawl ngaih kha an duh lo.Ref 9.29: Lev 18.5
30 Kum tampi na in hna i na thlarau in na profet hna sin khan ralrinnak na pek hna; sihmanhsehlaw an hnapet hmanh nih a ngai duh lo. Cucaah ramdang miphun hna kut chungah na chanh hna.Ref 9.30: 2Sia 17.13-18; 2Cha 36.15-16
31 Sihmanhsehlaw nangmah cu vel a ngei i zaangfah a thiammi Pathian na si caah le na vel ngeihnak cu a ngan caah an donghnak kha na phakter hna lo i na hlaw hna lo.
32 “ ‘Cucaah atu cu kan Pathian, a lian a ngan i a òhawng i òih a nungmi Pathian, biakamnak a tlinter i a fekmi dawtnak a langhtertu, kan cung le kan siangpahrang hna le kan bawi hna le kan tlangbawi hna le kan profet hna le kan pupa hna le na mi dihlak cungah, Assiria siangpahrang hna chan in nihin tiang a tlungmi harnak vialte hi thil hmetuai ah rel sawh hna hlah.Ref 9.32: 2Sia 15.19, 29, 17.3-6; Ezr 4.2-10
33 Zeitin a si hmanh ah, kan cung i a tlungmi thil vialte kong ah nangmah cu na ding ko, zeicahtiah nang nih cun zumhawktlak tein na tuah i kannih nih cun òhalo piin kan tuah;
34 kan siangpahrang hna, kan bawi hna, kan tlangbawi hna le kan pupa hna nih na pekmi hna na phungbia kha an ul lo i na nawlbia hna le ralrinnak na pekmi hna kha zei ah an rel lo.
35 Nangmah nih na òhatnak a ngan ca i na pekmi hna an ram chung le an hmaiah na chiahmi ram ngan le ram rum chungah khan nangmah rian kha an òuan lo i an rian òhalo kha an mertak hna lo.
36 Zohhmanh, nihin ah hin kannih cu sal kan si ko; a theitlai le a laksawng òha hna kha i lawmhpi awkah kan pupa hna na pekmi ram chungah hin kannih cu zohhmanh sal kan si ko.
37 A theitlai hna cu, kan sual ruang i kan cung i na chiahmi siangpahrang hna sinah khan a kal dih; an duh duh in kan takpum cung le kan saòil cung zongah khan nawl an ngei i kannih cu kan re a thei ngaingai ko,’ ” tiah a ti.
Mi Zapi Kha Bia An I Kam
38 Hi thil vialte hna ruangah hin a fekmi biakamnak kha caòial in kan ser i kan bawi hna le kan Levi mi hna le kan tlangbawi hna nih an cakhenhnak in an khenh.