10
1 An cakhenhnak in a khenhtu hna cu hi hna hi an si:
Hakaliah fapa Nehemiah, ram uktu bawi le
Zedekiah,
2 Seraiah, Azariah, Jeremiah,
3 Pashhur, Amariah, Malkhijah,
4 Hattush, Shebaniah, Malluk,
5 Harim, Meremoth, Obadiah,
6 Daniel, Ginnethon, Baruk,
7 Meshullam, Abijah, Mijamin,
8 Maaziah, Bilgai, Shemaiah, mah hna hi tlangbawi an si.
9 Cun Levi mi ah cun:
Azaniah fapa Jeshua, Henadad fapa hna lak i Binnui le Kadmiel,
10 cun an unau hna Shebaniah, Hodiah, Kelita, Pelaiah, Hanan,
11 Mika, Rehob, Hashabiah,
12 Zakkur, Sherebiah, Shebaniah,
13 Hodiah, Bani, Beninu.
14 Mi zapi hna bawi hna cu: Parosh, Pahath-moab, Elam, Zattu, Bani,
15 Bunni, Azgad, Bebai,
16 Adonijah, Bigvai, Adin,
17 Ater, Hezekiah, Azzur,
18 Hodiah, Hashum, Bezai,
19 Harif, Anathoth, Nebai,
20 Magpiash, Meshullam, Hezir,
21 Meshezabel, Zadok, Jaddua,
22 Pelatiah, Hanan, Anaiah,
23 Hoshea, Hananiah, Hasshub,
24 Hallohesh, Pilha, Shobek,
25 Rehum, Hashabnah, Maaseiah,
26 Ahiah, Hanan, Anan,
27 Malluk, Harim, Baanah an si.
28 A dang a tangmi mi zapi hna, tlangbawi hna, Levi mi hna, kutka cawngtu hna, hlasatu hna, biakinn rian òuantu hna cu an nupile le an fanule hna le an fapale hna he tiah, hngalh khawhnak a ngeimi paohpaoh hna le Pathian phungbia ruangah cu ram mi hna sinin aa thleidangmi vialte nih an unau hna lak i hruitu deuhdeuh cu an fonh hna i
29 Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.
30 “Hi ram mi hna kha kan fanule cu nupi caah kan pe hna lai lo i an fanule hna zong kan fapale hna nupi caah kan la hna lai lo;
31 cun hi ram mi hna nih sabbath ni ah thilri siseh, rawl siseh, zuar awkah an ratpi ahcun kannih nih sabbath ni le nizarh ni ahcun kan caw hna lai lo; cun kum sarihnak kum theipar hna cu kan la hna lai lo i leiba ca biahrennak ca i hrenmi hna cu kan chuah dih hna lai.
32-33 Cun kan Pathian inn rian òuannak ca le hun camcinmi changreu ca le pekchanh camcinmi changvut thawinak ca le pekchanh camcinmi khangh thawinak ca le sabbath hna ca le thla thar hna ca le caan a ngeimi puai hna ca le thil thiang hna ca le Israel mi hna ca i remnak tuahnak ca i sual thawinak ca le kan Pathian inn rian òuannak dihlak ca i kumfate in shekel cheu thum cheu khat thawh awk zong kha, atu hin kan thawh lai, tiah kan ti.
34 Kannih tlangbawi hna le Levi mi hna le mi zapi hna nih khan thing thawhlawm caah camcawh fung khiahnak kan tuah, kan tining ah cun, innchungkhar cio nih aa chang lengmang in thiahmi caan cio ah khan kum khat hnu kum khat in Bawipa kan Pathian biakòheng cung i khangh awkah, nawlbia chungah aa òial bangin, kan Pathian inn chungah khan kan rak phorh hna lai, kan ti.
35 Kan lo chung thlai thar hna le kan thei kung theitlai hmasa bik hna cu a kum fate in Bawipa inn i rak put awkah bia kan i kam;
36 cun phungbia chungah aa òial bangin, kan fapa hna lakah a chuak hmasa bik hna le kan saòil hna lakah hrin hmasa bik hna le kan cawrun le tuurun hna chungah a chuak hmasa bik hna cu, kan Pathian inn ah, kan Pathian inn chung i rianòuantu hna tlangbawi hna sinah khan ratpi awkah bia kan i kam fawn;
37 cun tlangbawi hna sinah kan changvut cet kan nawn hmasa bikmi le theikung tlai hmasa bik vialte, mitsur hang thar le chiti hna cu kan Pathian inn i thil chiahnak dal chungah khan rak put awkah bia kan i kam; cun kan lo chungin a chuakmi rawl cheuhra cheukhat cu lothlomi khua nih an thawhmi cheuhra cheukhat a khawltu Levi mi hna sinah khan rak chuahpi awkah bia kan i kam fawn.
38 Levi mi hna nih cheuhra cheukhat an kholh tikah Aaron chung a simi tlangbawi pakhat kha aa tel ve lai; cun Levi mi hna nih cun cheuhra cheukhat cu kan Pathian inn ah khan, thil chiahnak dal chung i an ca i chiahmi khaan cio ah khan an rak chiah hna lai.
39 Israel mi le Levi mi hna nih cun rawl thawhlawm le mitsur hang thar thawhlawm le chiti thawhlawm kha hmunthiang umkheng chiahnak khaan hna le rian a òuantu hna tlangbawi hna le kutka cawngtu hna le hlasatu hna an umnak ah khan an rak put hna lai.
Kannih nih kan Pathian inn cu kan daithlanh awk a si lai lo,” an ti.