3
Remh Awkah An I Phawt Ciomi
1 Khi tikah tlangbawi ngan Eliashib kha a unau tlangbawi hna he khan an tho i Tuu Kutka kha an remh. An thianter i a innka kha an bunh hna; Za Innsang timi tiang khan an hei remh, Hananel Innsang timi tiang khan, cun an thianter.
2 Eliashib a hun changtu ah khan Jeriko mi hna nih khan an remh i cu hna a hun changtu ah cun Imri fapa Zakkur kha a si.
3 Cun Hassenaah fapa hna nih khan Nga Kutka timi kha an remh; a kaan kha an khaan i a innkhar hna le a hrenhnak awng hna le a hrenhnak fung hna kha an bunh hna.
4 Cun anmah a hun changtu ah cun Hakkoz fapa Uriah i fapa Meremoth nih khan a remh. Cun cu hna a hun changtu ah cun Meshezabel fapa Berekhiah fapa Meshullam nih khan a remh. Cun anmah a hun changtu ah cun Baana fapa Zadok nih khan a remh.
5 Cun anmah a hun changtu ah cun Tekoa mi nih khan an remh; sihmanhsehlaw an bawi hna nih khan cun an Bawipa rian ah khan an lu an hlinh lo.
6 Cun Paseah fapa Joiada le Besodeiah fapa Meshullam nih khan Kutka Hlun kha an remh; a kaan hna cu an khan hna i a innkhar hna le a hrenhnak awng hna le a hrenhnak fung kha an bunh hna.
7 Anmah changtu ah cun Gibeon mi Melatiah le Meronoth mi Jadon le Tiva Ral ram uktu uknak chung i a ummi Gibeon mi hna le Mizpah mi hna nih an remh.
8 Anmah a hun changtu ah Harhaiah fapa sui soser hna lak in pakhat a min Uzziel nih a remh. Amah a hun changtu ah zihmui sertu hna lak i Hananiah nih a remh; cun Jerusalem cu Vampang Kau tiang khan an remh.
9 Anmah a hun changtu ah cun Jerusalem peng hnarcheu a uktu Refaiah, Hur fapa nih khan a remh.
10 Anmah a hun changtu ah cun, Harumaf fapa Jedaiah nih khan amah inn zawn kha a remh; cun amah a hun changtu ah Hashabneiah fapa Hattush nih khan a remh.
11 Harim fapa Malkhijah le Pahath-moab fapa Hasshub nih Changreu Rawhnak Innsang khattelei kam kha an remh.
12 Cun amah a hun changtu ah, Hallohesh fapa Shallum, Jerusalem peng hnarcheu a uktu le a fanule hna nih khan an remh.
13 Hanun le Zanoah khuami hna nih khan Nelrawn Kutka kha an remh; an ser òhan i a innkhar hna le a hrenhnak awng hna le a hrenhnak fung hna kha an bunh hna, cun kulhnak vampang kha dong 1-000, Hnawmpon Kutka tiang an remh.
14 Rekhab fapa Malkhijah, Beth-hakkerem peng a uktu nih khan Hnawmpon Kutka kha a remh; amah nih cun a ser òhan i a innkhar hna le a hrenhnak awng hna le a hrenhnak fung hna kha a bunh hna.
15 Cun Kolhozeh fapa Shallum, Mizpah peng a uktu nih khan Cerhti Kutka kha a remh; amah nih cun a ser òhan i a khuh i a innkhar hna le a hrenhnak awng hna le a hrenhnak fung hna kha a bunh hna; cun amah nih cun siangpahrang dum chung i Shelah Tidilnak vampang cu David Khua i a vung kalmi lamhbak tiang khan a remh.
16 Amah a hun chang ah cun Azbuk fapa Nehemiah, Beth-zur peng hnarcheu a uktu nih khan, David thlan zawn tiang le serchommi tidil le miòhawng hna inn tiang khan a remh.
17 Amah a hun chang ah cun Levi mi nih an remh: Bani fapa Rehum; amah a hun changtu ah cun Keilah peng hnarcheu a uktu Hashabiah nih amah peng caah khan a remh.
18 Amah a hun changtu ah cun a unaupa nih khan a remh: Amah cu Henadad fapa Bavvai, Keilah peng hnarcheu uktu kha a si;
19 amah a hun changtu ah Jeshua fapa Ezer, Mizpah uktu nih vampang chunglei ah aa kuaihnak i ral hriamnam chiahnak zawn i a ummi tan kha a remh.
20 Amah a hun changtu ah cun Zabbai fapa Baruk nih khattelei tan, vampang chunglei ah aa kuaihnak in tlangbawi ngan Eliashib inn i innka tiang kha a remh.
21 Amah a hun chang ah cun Hakkoz fapa Uriah i fapa Meremoth nih Eliashib inn innka in khattelei tan kha Eliashib inn dongh tiang a remh.
22 Amah a hun chang ah cun Nelrawn mi tlangbawi hna nih khan an remh.
23 Anmah a hun chang ah cun Benjamin le Hasshub nih an inn zawn kha an remh. Anmah a hun chang ah cun Ananiah fapa Maaseiah i fapa Azariah nih amah inn pawng kha a remh.
24 Amah a hun chang ah cun Henadad fapa Binnui nih khattelei tan, Azariah inn in vampang chunglei ah aa kuaihnak le
25 lenglei ah a hei i kuaihnak kil tiang kha a remh. Uzai fapa Palal nih vampang chunglei ah aa kuaihnak hmun le ralvengtu hna hmun i siangpahrang inn cungnung in a hung chuakmi innsang zawn kha a remh. Amah chang ah cun Parosh fapa Pedaiah le
26 Ofel i a ummi biakinn rian òuantu hna nih khan nichuahlei i Ti Kutka le a hung fongmi innsang zawn tiang kha an remh.
27 Amah a hun chang ah cun a hung fongmi innsang nganpi zawn i a ummi tan kha Ofel vampang tiang Tekoa mi nih an remh.
28 Rang Kutka chak ah khan tlangbawi hna nih anmahle an inn zawn cio kha an remh.
29 Anmah chang ah cun Zadok fapa Immer nih khan amah inn zawn kha a remh. Amah chang ah cun Shekaniah fapa Shemaiah, Nichuahlei Kutka a cawngtu nih khan a remh.
30 Amah chang ah cun Shelemiah fapa Hananiah le Zalaf fapa paruknak Hanun nih tan dang kha an remh. Amah chang ah cun Berekhiah fapa Meshullam nih amah khaan zawn kha a remh.
31 Amah chang ah cun suiser a si vemi Malkhijah nih Pumhnak Kutka zawn i a ummi biakinn rian òuantu hna inn le chawdawr hna inn le vampang lenglei i aa kuaihnak i a ummi cungdot tiang khan a remh.
32 Cun vampang lenglei i aa kuaihnak le Tuu Kutka karlak kha suiser hna le chawdawr hna nih an remh.