4
(Mar 1:12-13; Luk 4:1-13)
1 Cun Jesuh cu khuachia tukforh awkin Thlarau nih ramcar lakah a kalpi.
2 Ni sawm li le zan sawm li rawl a ulh caah a rawl a òam ngaingai.
3 Tukforhtu cu a sinah a ra i, “Pathian Fapa na si ahcun hi lung hna hi changreu hlum ah canter hna ngat,” tiah a ti.
4 Sihmanhsehlaw Jesuh nih, “Cathiang nih pei,
‘Minung hi rawl lawngin a nung lo,
Pathian ka in a chuakmi bia lawngin a nung,’
a ti kha,” tiah a leh.
5 Khuachia nih Jesuh cu khuathiang ah a kalpi i biakinn parpahlek ah a òhutter.
6 “Pathian Fapa na si ahcun vawlei ah khin vung zuang tuah ngat; zeicahtiah Cathiang nih,
‘Amah nih a vanmi kha a fial hna lai,’ i,
‘An kut in an in domh lai,
Na ke cu lung ah naa khawng lai lo,’ a ti kha,” tiah a ti.
7 Jesuh nih a thawh ve i, “ ‘Bawipa na Pathian cu va hneksak hlah,’ tiah Cathiang nih a ti,” tiin a leh.
8 Khuachia nih cun tlang sangpi cungah a kaipi òhan i vawlei cung peng le ram vialte le an sunparnak kha a hmuhsak.
9 “Khukbil in na ka biak ahcun hi vialte hi kan pek lai,” tiah a ti.
10 Cun Jesuh nih, “Satan, kal. Cathiang nih,
‘Bawipa na Pathian kha na biak lai i,
Amah lawng kha na rianh lai,’ a ti kha,”
tiah a leh.
11 Khuachia nih a kaltak i vanmi nih Jesuh cu an rung bultawl.
(Mar 1:14-15; Luk 4:14-15)
12 Johan an tlaih ti kha Jesuh nih a theih tikah Galilee ram ah lo diam in a kal.
13 Nazareth khua kha a chuahtak i Kapernaum khua tuah a va um; cucu Zebulun le Naftali peng rili kam i a ummi a si i,
14 profet Isaiah chimmi a tlinnak ah a si.
15 “Zebulun ram le Naftali ram,
Jordan tiva khattelei ral
Rili lei hoih ah a ummi
Jentail mi hna umnak Galilee
16 Khuamui chung i a ummi phun nih
Ceu lianngan an hmuh; thihnak chung i a ummi hna le
Thihnak thladem tang ummi hna caah ceunak a tlung,”
tiah a rak ti.
17 Cu thawk cun Jesuh nih, “Nan nunòhin u, vancung pennak a phan deng cang,” tiah phungchim hram a thawk.
(Mar 1:16-20; Luk 5:1-11)
18 Jesuh cu Galilee rili kam aa chawh lioah khan ngatlai unau pahnih Simon (Peter an timi) le a nau Andru kha nga an tlai i, sur an rak cheh len ko kha a va hmuh hna.
19 “Rak ka zul u law mitlaitu ah kan ser hna lai,” a ti hna.
20 An sur cu an kaltak zau i an zulh.
21 A va kal deuh i Zebedi fale Jeim le Johan unau pahnih a va hmuh hna. An pa Zebedi le tiah lawng chungah an sur an rak tholh len ko. A auh hna i
22 an lawng le an pa cu an kaltak i amah cu an zulh colh.
(Luk 6:17-19)
23 Galilee ram dihlak a tlawng i an sinakok ah a cawnpiak hna, vancung pennak thawngòha kha a chimh hna i an lak i zawtfahnak phunphun le hrirai phunphun in a zawmi hna kha a damter hna.
24 A thawng cu Siria ram vialte ah a thang dih i a dam lomi vialte zawtnak le fahnak a phunphun a ingmi, khuachia tuahmi, mitlu le mizeng tampi kha a damter hna.
25 Galilee, Dekapolis, Jerusalem, Judea le Jordan varal ram in mi tampi nih amah cu an rak zulh.