3
(Mar 1:1-8; Luk 3:1-18; Jhn 1:19-28)
1 Cu lio hrawngah cun Baptisma petu Johan a hung chuak i Judea peng ramcar ah khan phung a chim.
2 “Nan nun òhin u, vancung pennak a phan deng cang,” a ti hna.
3 Profet Isaiah nih:
“Ramcar chung i mipa authawng cu
Bawipa lam kha rak sial u;
A kalnak lam kha ding tein rak ser u,”
a timi kha, Johan nih a chim duhmi cu a rak si.
4 Johan cu kalauk hmul angki aa hruk, saphaw taisawm aa sawmh i khaubok le khuaihliti in a nung.
5 Jerusalem le Judea peng khua zakip le Jordan va kam rammi dihlak nih an fuh;
6 an sualnak kha an i phuang i Jordan tiva ah baptisma a pek hna.
7 Farasi le Sadusi tampi kha baptisma in awk i an rat kha a hmuh hna tikah a thawh hna i, “Rul hrin hna, a ra laimi Pathian thinhunnak in luat awkah aho nih dah ralrin an pek hna?
8 Nan nun nan òhinhnak cu nan theitlai ah langhter ngat u.
9 Nanmah le nanmah kha Abraham hrinthlak kan si tiah i ruat sual hlah u. Hihi kan chimh hna, Pathian nih cun hi lung hmanh hi Abraham hrin ah a ser khawh ko hna.
10 Atu hmanh ah thinghram ah hreitlung chiah a si cang. Theiòha a tlai lomi kung paoh cu hau i mei ah paih an si lai.
11 “Kei nih cun nunòhinh langhternak caah ti in baptisma kan pek hna. Sihmanhsehlaw ka hnuah a ra lio mipa cu keimah nakin a ngan deuh. Kei cu a kedan putu hmanh ah ka tlak lo. Anih nih cun Thiang Thlarau le mei in baptisma an pek hna lai.
12 Facang zahnak sisiap cu a put lai i a zah dih hna lai; a fang cu buk ah a rawn lai i ahi cu mit lo mei in a khangh hna lai,” tiah a ti.
13 Cu caan ah cun Jesuh cu Galilee ram in Jordan tiva ah khan baptisma in awkah Johan sinah a vung kal.
14 Johan nih cun, “Keimah pei nangmah nih baptisma na ka pek awk a si cu, nangmah lehtuk ka sin i na rat,” tiah a rak al.
15 Asinain Jesuh nih, “Atu cu hitihin si ko seh, zeitintiah dinnak a simi paoh cu kan tuah a herh ko,” tiah a leh. Cucun Johan cu a hna a tla ve.
16 Jesuh nih baptisma a in dih tikah ti chungin a hung chuak; zohhmanh u, van aa hung i Pathian Thlarau kha òhuro bantukin a rung i a cungah aa fut kha a hmuh.
17 Zohhmanh u, van in aw a rung thang i hitihin a ti, “Hihi ka dawtmi ka Fapa a si. Ka lung a ka tongmi a si,” a ti.