24
(Mar 13:1-2; Luk 21:5-6)
1 Jesuh cu biakinn khan a chuak i a kal lioah khan a hnuzul hna cu a sinah an ra i biakinn sakning hna kha an sawh i an hmuhsak.
2 A thawh hna i, “Hi vialte hi nan hmu ko lo mei? Lung aa rual òhepòhupmi hi chimh le hrawh lomi pakhat hmanh a um te lai lo, tiah kan chimh hna,” a ti.
(Mar 13:3-8; Luk 21:7-11)
3 Oliv tlang i a òhut ko lioah khan a hnuzul hna cu anmah lawngin a sinah an ra i, “Cucu zeitik ah dah a si te lai? Na rat òhannak ding le chan dongh chingchiahnak zeidah a um lai? Rak kan chim,” tiah an hal.
4 Jesuh nih a thawh hna i, “Ahohmanh nih an in pialter hna nakhnga lo i ralring u.
5 ‘Khrih ka si’ tiah mi tampi an chuak lai i an in pialter hna lai.
6 Raltuknak le dohnak thawngpang bia chokvai nan theih lai; lau hlah u, cu bantuk cu a um awk a si ko; sihmanhsehlaw chan donghnak cu a si rih lo.
7 Ram khat le ram khat, peng khat le peng khat an i do lai. A kenkip ah mangòam a tlung lai i li aa hnin lai;
8 hi thil vialte hna hi nau nganfah hramthawknak lawng a si rih.
(Mar 13:9-13; Luk 21:12-19)
9 Cu tikah cun temhnak ing dingin tlaih i chanh nan si lai i an in thah hna lai.
10 Cun mi tampi an tlu lai, pakhat le pakhat an i rawi lai i an i hua lai.
11 Profet deu an tho lai i mi tampi an hlen hna lai.
12 Òhat lonak a karh chin caah mi tam deuh hna cu an dawtnak a ziam lai.
13 Sihmanhsehlaw a dongh tiangin a ing khomi cu khamh an si lai.
14 Cun hi pennak thawngòha hi miphun vialte theih awkin vawlei cung pumpuluk ah chim a si lai, cu hnuah cun donghnak cu a phan te lai.
(Mar 13:14-23; Luk 21:20-24)
15 “Cucaah profet Daniel nih a rak chimmi hrawktu fihnung òeifiak cu hmunthiang i a dir kha nan hmuh tikah (a relmi nih a sullam thei ko u),
16 Judea ram i a ummi hna cu tlang ah zam ko hna seh;
17 inncung i a ummi cu innchung thil lak awkin òum hlah seh.
18 Lo kalmi zong puan lak awkin tlung hlah seh.
19 Fapawi le hnuktlai lio nu caah cun a har ko lai!
20 Nan zam caan cu khuasik le Sabbath ni ah a si nakhnga lo thlacam u.
21 Zeitintiah vawlei hramthawk in atu tiang zongah a um bal lomi, hmailei zongah a um ti lai lomi, harnak a si lai.
22 Cu caan cu tawiter rak si hlah seh law, aho mi hmanh an luat hnga lo; sihmanhsehlaw thimmi hna caah cu caan cu tawiter a si lai.
23 Cun Khrih cu hika ah hin a um, khika ah khin a um, an ti zongah va zum hlah u.
24 Zeicahtiah khrih deu le profet deu an tho lai i a si kho ding a si ahcun, thimmi hna hmanh kha tlukter awkin, hmelchunhnak le khuaruahhar pipi an tuah lai.
25 Ngaihmanh u, a hlankan in kan chimh chung hna.
26 Cucaah, ‘Ramlak ah a um,’ an ti zongah va kal hlah u; ‘Inn chungah a um’ an ti zongah va zum hna hlah u.
27 Nichuahlei in nimtlau a lek i nitlaklei tiang a ceuh bantukin Mi Fapa a rat òhannak zong a si te lai.
28 Saruak umnak paoh cu langta nih an pumh hnawh lai.
(Mar 13:24-27; Luk 21:25-28)
29 “Cu temhinnak a dih cangka cun ni a mui lai i thlapa a tlang lai lo, van in arfi an tla lai i van huham cu aa hnin lai.
30 Mi Fapa hmelchunhnak cu van ah a lang lai; khi tikah vawlei miphun vialte kha an òap lai i Mi Fapa cu lianhngannak le sunparnak he vanrang in a òum kha an hmuh lai.
31 Muko fakpi tum thawng he vanmi kha vawlei kili ah a thlah hna lai i a mithim hna kha vanrang toi khuazakip in a pumh hna lai.
(Mar 13:28-31; Luk 21:29-33)
32 “Theipi kung umtuning ah zohchunh awk nan ngei; a nge a hung lul i hnah no a hung corh tikah òhal caan a nai cang ti nan hngalh.
33 Cu bantuk òhiamòhiam cun hi thil vialte hna hi nan hmuh tikah Mi Fapa cu kutka hram a phan cang ti nan hngalh lai.
34 Hihi philh hlah u, atu chan a liam hlanah hin hi thil vialte hi a tlung lai.
35 Van le vawlei an liam lai nain ka bia cu an hmun lai.
(Mar 13:32-37; Luk 17:26-30, 34-36)
36 “Sihmanhsehlaw cu ni le a suimilam caan cu ahohmanh nih an hngal lo, vanmi zong nih an hngal lo, Fapa zong nih a hngal lo, Pa lawng nih a hngalh.
37 Mi Fapa ratnak cu Noah chan bantuk khan a si lai.
38 Buanchukcho tlun hlan, Noah lawng chung i a luh tiang kha an ding an ei, an i òhi an i um;
39 buanchukcho a hung tlung i a fenh dih hna tiang kha cu zeihmanh an hngal lo. Cu bantuk òhiamòhiam cu Mi Fapa a rat òhan tik zongah a si lai.
40 Cu tikah cun lo ah pahnih a kalmi hna cu pakhat kha lak a si lai i pakhat cu nganhtak a si lai.
41 Sum sumi nu pahnih lakah pakhat cu lak a si lai i pakhat cu nganhtak a si lai.
42 Nan Bawipa a rat lai ni cu nan hngalh lo caah ralring tein um ko u.
43 Inntekpa nih zan i mifir rat lai caan kha hngal seh law a rak i ralring hnga i a inn cu a baohter hnga lo.
44 Cucaah nannih zong timhcia tein um ko u; Mi Fapa cu na ruah lo caan te ah a ra lai.
(Luk 12:41-48)
45 “Cucaah a Bawipa nih a inn chungkhar zohkhenhtu le a caan ning tein rawl petu dingah a sermi mifim le zumhtlak sal cu ahodah a si?
46 A Bawipa a hung tlun i zumhtlak ngai in rian a rak òuantu sal a hmuhmi cu mithluachuak a si.
47 Zeitintiah a ngeihmi vialte zohkhenhtu ah a ser lai, tiah kan chimh hna.
48 Sihmanhsehlaw miòhi òha lo nih cun ‘Ka Bawipa hi a rau rih lai,’ tiah,
49 a sal hawile kha a rak velh hna i zuri he an ei an ding;
50 aa rin lo caan le a hngalh lo ni ah a Bawipa cu a rak tlun ah cun
51 dan a tat lai i mi ziathiam hna he a chiah lai, cuka ah cun òap in a hacang a rial lai.