23
(Mar 12:38-39; Luk 11:43-46, 20:45-46)
1 Cun mi zapi le a hnuzul hna cu Jesuh nih,
2 “Phung cawnpiaktu hna le Farasi hna cu Moses òhutnak i a òhumi an si;
3 cucaah an in chimhmi hna paoh cu tuah u law zul ko u, an tuahmi bantuk bel tein tuah ve hlah u; zeitintiah an chimning in an tuah lo.
4 Thilrit pipi phorh har ngai an tuah i midang liang cungah an khin; sihmanhsehlaw annih nih cun an kut par hmanh in an tawng duh lo.
5 An tuahmi paoh hi mi hmuh awkah an tuah i an cal i khihmi bawmte kha an nganter i an puan hmum an fualter.
6 Rawldanghnak ah òhutdan sang an duh i sinakok ah òhutnak òha bik an ngen,
7 dawrthluan ah upatnak he biakchawnh an uar i cawnpiaktu saya ti i auh kha an tlaihchan.
8 Nannih cu cawnpiaktu in ti hna hlah seh, zeitintiah cawnpiaktu pakhat lawng nan ngei i nannih cu a cawngmi nan si.
9 Vawlei ah hin ahohmanh ka pa va ti hna hlah u; zeitintiah van i a ummi Pa pakhat lawng nan ngei.
10 Bawipa, in ti fawn hna hlah seh; zeitintiah Bawi pakhat lawng nan ngei.
11 Nan lak i a ngan bik cu nan miòhi a si lai.
12 Mah le mah aa hlorhmi paoh cu toiah chiah an si lai. Mah le mah aa niamtermi cu hlorh an si lai,” tiah a ti.
(Mar 12:40; Luk 11:39-42-44,52; 20:47)
13 Jesuh nih, “Phung cawnpiaktu le Farasi ziathiam hna, bialo nan si! Vancung pennak cu mi nan kharkanh hna; nanmah zong nan lut duh fawn lo i midang luh zong nan sianh fawn hna lo.
14 Phung cawnpiaktu le Farasi ziathiam hna, bialo nan si! Nuhmei inn nan chuh hna i zapi hlennak ah sau pipi in thla nan i camter.
15 Cu ruangah cun hlawt chinchin nan si lai. Phung cawnpiaktu le Farasi ziathiammi hna, bialo nan si! Nan phun hrawmh awkah rili le vawlei nan cul dih i nan va hmuh tikah nanmah nak let hnih in hell fa nan siter hna.
16 “Hruaitu mitcaw hna, bialo nan si! Biakinn chalh in chiatser cu zeihmanh a si lo nan ti; asinain, biakinn chung i sui chalh in chiatser cu a chiatserhnak nih a tlaih, nan ti.
17 Mitcaw mihrut hna! A zei cu dah a biapi deuh? Sui cu maw sui thiantertu biakinn cu dah?
18 Biakòheng chalh in chiatser cu zeihmanh a si lo nan ti, biakòheng cung i laksawng chalh in chiatser cu a chiatsernak nih a tlaih, nan ti.
19 Mitcaw hna! Laksawng cu maw a biapi deuh, laksawng thiantertu biakòheng cu dah?
20 Biakòheng chalh in chiatser cu biakòheng le a cung i a ummi vialte cem in chiat a serh a si.
21 Biakinn chalh in chiatser cu biakinn le a chung i a ummi vialte cemchih in chiatserh a si i,
22 van chalh in chiatser cu Pathian bawi òhutdan le a cung i a òhumi cemchih in chiatserh a si.
23 “Phung cawnpiaktu le Farasi ziathiam hna, bialo nan si! Puòinan le khamhmuai le aithing hna hmanh cheuhra cheukhat nan pek tawn nain a biapi deuh tiah phung nih a timi dinnak, zaangfahnak le zumhnak tehna nan tlolh òung; a dang zong tlolh hlei loin mah hna cu nan tuah deuh awk a si.
24 Hruaitu mitcaw hna, fikfa nan zawt nain kalauk nan dolh.
25 “Phung cawnpiaktu le Farasi ziathiam hna, bialo nan si! Hrai le kheng lenglei cu nan òawl tawn nain a chung lei cu hakkauhnak le i sum lonak in an khat.
26 Farasi mitcaw hna, hrai le kheng an chunglei cu òawl hmasa u law an lenglei zong a thiang ve lai.
27 “Phung cawnpiaktu le Farasi ziathiam hna, bialo nan si! Sirang thuhmi thlan, a lenglei a dawh ko nain a chunglei ah mithi ruh le a thumi in a khatmi bantuk nan si.
28 Nannih zong a lenglei cun a ding ngaiin mi hmuh ah nan lang; sihmanhsehlaw a chunglei ah cun ziathiamnak le sualnak in nan khat.
29 “Phung cawnpiaktu le Farasi ziathiam hna, bialo nan si! Profet hna cu thlan nan serh hna i miding hna lungdonh cu nan òamh.
30 Kan pupa chan ah rak um u si law profet hna thi chuah ah khan kan i tel hnga lo, nan ti.
31 Asinain nanmah lila nih profet nawngtu fale nan si kha nan langhter.
32 Nan pupa hna nih an rak thawkmi cu lim lawlaw ko u.
33 Rul hna, rulhrin hna, hell biaceihnak cun zeitindah nan luat khawh lai?
34 Cucaah cun profet le mifim le cawnpiaktu ka run thlah hna lai. A cheu nan thah hna lai i vailam ah nan tah hna lai. A cheu sinakok ah nan tuk hna lai i khua khat hnu khua khat in nan dawi nan hrem hna lai.
35 Cun miding ngai Abel thi chuakmi thawk in hmun thiang le biakòheng karlak i nan thahmi Barakhiah fapa Zekhariah thisen nan luantermi tiang khan, vawlei cung i miding thi nan chuahmi vialte kha nan cungah a tla lai.
36 Bia ngaite kan chimh hna, cu thil vialte cu atu chan hna cungah hin a tlung lai.
(Luk 13:34-35)
37 “Maw Jerusalem, Jerusalem, profet hna thattu, na sinah thlahmi hna lung in a cheptu! Arpi nih a fale a thla tangah a huh hna bang voi zeizat dik na fale kha huh ka tim nain na duh lo?
38 Nan inn cu òiotakmi hmunking ah a cang.
39 ‘Bawipa min in a rami cu thluachuak si ko seh’ na ti hlan paoh cu atu thawk hin na ka hmu ti lai lo,” a ti.