4
(Mat 13:1-19; Luk 8:4-8)
1 Galilee rili kamah a cawnpiak òhan hna. Mi tam tuk nih an kulh caah rili cung lawng chungah khan a kai i a òhu; mizapi cu rili kam nelrawn ah khan an um.
2 Bianabia in thil tampi a cawnpiak hna. A cawnpiakmi hna ah cun hitihin a chim,
3 “Ngaihmanh u, thlaici vorhtu pakhat cu thlaici vorh awkah aa thawh.
4 A vorh tikah a cheu cu lam hrilah an tla, vate an chuak i an char dih.
5 A cheu cu lung cungah an tla; vawlei a pan caah an kho zau,
6 ni a hung tlan tikah a emh hna i an hram a feh lo caah an car dih.
7 A cheu cu hling lakah an tla, hling a hung òhang i a ngerh hna caah a thah hna i an tlai lo.
8 Cun a cheu cu lei òhatnak ah an tla; an kho i an hung òhan cun let sawm thum, let sawm ruk le let za in an vui.
9 Theihnak hna a ngeimi nih cun thei ko hna seh,” a ti.
(Mat 13:10-17; Luk 8:9-10)
10 Amah lawngte i a um lioah a pawngkam i a ummi hna le hleihnih hna kha a sinah an ra i bianabia kong kha an hal.
11 Jesuh nih a thawh hna i, “Pathian pennak biathli cu nan sinah pek a si i a lenglei mi hna ca tu ah cun bianabia in zeizong te kha chimh an si;
12 cucaah an zoh ko nain an hmu lai lo, an thei ko nain an hngal lai lo; cu lo ahcun an lung an i thleng hnga i ngaihthiam an si sual hnga,” a ti hna.
(Mat 13:18-23; Luk 8:11-15)
13 Jesuh nih cun, “Hi bianabia hi nan hngalthiam lo maw? Zeitindah bianabia vialte cu nan hngalhthiam kun lai?
14 Thlaici vorhtu nih cun bia a vorh.
15 Lam hril ah a tlami cu hitihin a si; bia an theih cangka in Satan a ra i an chungah vorhmi bia cu a lakpiak dih hna.
16 Cu bantuk cun leihria i a tlami cu hitihin a si; bia cu an theih cangka lunglawm ngaiin an cohlan;
17 sihmahsehlaw an chungah hram a thlak lo caah saupi a nguh lo i bia ruang i harnak le hremnak a tlun cangka an tlu colh.
18 Hling lak i a tlami cu hitihin a si; bia cu an cohlan; asinain vawlei cung lungretheihnak,
19 rumnak in nuamhhnaihnak, thil dang duhnak te hna an hung lut i bia cu a ngerh i a òemòawn caah theipar a ngei lo.
20 Sihmanhsehlaw lei òha ah vorhmi cu hitihin a si; bia cu an theih i an cohlan i theipar an ngei, let sawm thum, let sawm ruk le let zakhat in a vuimi an si,” a ti hna.
(Luk 8:16-18)
21 Cun a chim òhan i, “Meiinn cu a vannak ah chia loin sei khuh awk le ihkhun toi i chiah awkah an vang bal maw?
22 Zeitintiah zeihmanh langhter loin thuhmi a um lo; zeihmanh phuan loin biathli a um fawn lo.
23 Theihnak hna a ngeimi nih cun thei ko hna seh.” a ti.
24 A thawh hna i, “Nan theihmi cu òha tein ngai u; nan tahpiak hna bantukin tahpiak nan si ve lai i tam deuh hmanh in pek nan si lai.
25 A ngeimi cu chap an si lai i a ngei lomi cu a ngeih chun hmanh lakkanh an si lai,” tiah a ti hna.
26 Cun a thawh òhan i, “Pathian pennak cu mi pakhat nih a lo ah thlaici a tuhmi bantuk a si.
27 Zan ah a it i chun ah a tho; thlaici cu zeitindah a khoh i a òhan ti a hngal lo.
28 Vawlei nih amah tein theipar a hun ngeihter tawn ko; a hmasa bik ah a kung, a changtu ah a vui, cu hnuah a fang.
29 A fang cu a hmin tikah òuan a zat cang caah faah in a ah colh,” tiah a chimh hna.
(Mat 13:31-32; Luk 13:18-19)
30 Hitihin a chim òhan, “Pathian pennak cu zei he dah kan tahchunh khawh lai? Zei bianabia hmang in dah kan chim lai?
31 Anòamci bantuk a si; vawlei ah an vorh lioah cun vawlei cung thlaici vialte lakah a hme bikmi a si.
32 Asinain an hun tuh i a kho i anhringso vialte lakah a ngan bik in a hung òhang i nge ngan pipi a ngei. Van i va hna zong nih a thladem ah riahnak bu an ser tawn,” tiah a ti.
33 Cu bantuk bianabia hmang in an theihthiam awkah bia cu a cawnpiak hna; bianabia hmang loin a cawnpiak bal hna lo.
34 A hnuzul hna sin lawngah zeizong vialte a fianter tawn.
(Mat 8:23-37; Luk 8:22-25)
35 Cu ni ah cun khua a hung tlai i zanlei ah khin a hnuzul hna cu, “Ralkhat leiah khin kal u sih,” a ti hna.
36 Mizapi cu an kaltak hna i a hnuzul hna cu a rak òhut konak lawng chungah cun an lut i an kalpi. Cuka ah cun lawng dang zong an rak um ve.
37 Thlichia a tho ciammam i tilet cu lawng chungah khan a lut i ti cu a khat chin lengmang ko.
38 Anih tu cu lawng hnulei ah chantling aa tlinh i a rak it; a hnuzul hna nih an va hlauh, “Cawnpiaktu, kan thih lai hi na zei a poi lo maw?” an ti.
39 A hun i hlau i thli cu a caak; rili zong cu “Dai, caang ti hlah,” a ti. Thli hran cu aa ngol i a dai dup ko.
40 “Zeicahdah nan òih? Zumhnak nan ngei ikpak lo maw?” a ti hna.
41 An khuaruah a har dih i pakhat le pakhat an i ceih i, “Hihi aho hen a si, thli le rili hmanh nih dahngai a bia an ngaih,” an i ti.