13
1 Cu liote ah cun cuka i a rak um vemi hna nih Galilee mi an thahmi hna an thisen le raithawinak he Pilat nih a cawh dihnak kong kha an rak chimh.
2 Cun hitihin a leh hna, “Cuti an in ruangah cun cu Galilee mi hna cu Galilee miding hna nakin an sual deuh tiah maw nan ruah?
3 An sual hlei lo, kan ti hna, nannih zong nan nun nan òhinh lo ahcun cu hna bantuk cun nan lo ve ko lai.
4 Asiloah, Siloam pura a cimmi nih a nenh i a thimi pahleiriat hna kha Jerusalem i a ummi vialte hna nakin an sual deuh tiah maw nan ruah?
5 A si lo, kan ti hna, nannih zong nan nun nan òhinh lo ahcun cu bantuk cun nan lo ve ko lai,” tiah a leh hna.
6 Cun hi bianabia hi a chimh hna, “Mi pakhat nih a mitsur dum ah theipi kung pakhat a phun, a tlai zoh awkah a ra i zeihmanh a hmu lo.
7 Dum zohtu sinah khan, ‘Kum thum chung hi theipi tlai hi ka ra veh tawn i zeihmanh ka hmu lo. Hau ko cang, zeicahdah vawlei cu a hrawnh ko lai?’ a ti.
8 Anih nih a thawh i, ‘Sayapa, um ko rih seh, a hram ka vorh lai i non ka toih rih lai.
9 Kum voi ah a thei a tlai ahcun a òha, a tlai lo ahcun na hau te ko lai,” a ti.
10 Sabbath ni voi khat cu sinakok ah a cawnpiak hna.
11 Kum hleiriat chung khuachia thur nih a tuahmi nu pakhat a rak um, a keng a kul dih i a dir hmanh ding tein a dir kho ti lo.
12 Jesuh nih a hmuh tikah a auh i, “Minu, na zawtnak nih an thlah cang,” a ti.
13 A cungah a kut a chuan i chikkhatte ah ding tein a dir kho i Pathian a thangòhat.
14 Sihmanhsehlaw Jesuh nih sabbath ni ah mi a damter ruangah khan sinakok uktu cu a thin a hung tuk i mi zapi hna sinah khan, “Rianòuannak caan zarh khat chungah ni ruk a um i sabbath ni ah si loin cu ni hna ah cun ra u law i damter hna ngat u,” a ti hna.
15 Bawipa nih hitihin a leh, “Ziathiampa, sabbath ah nan caw le nan khacer hna kha an rawl einak inn in a hri nan phoih i ti umnak ah nan hruai tawn ko lo mei?
16 Cu bantukin Abraham fanu Satan nih kum hleiriat chung a òemòawnmi hi zeicahdah sabbath ah thlah a si lai lo?” a ti.
17 Cuti a hun chim cun a ralchanhtu hna cu an ning a zak; mi zapi tu cu a tuahnak a liannganmi ah cun an i lawm hringhran.
(Mat 13:31-32; Mar 4:30-32)
18 Cucaah cun hitihin a ti hna, “Pathian pennak cu zeidah a lawh? Zei he dah ka tahchunh hnga?
19 Mipa nih a dum chungah a cinmi anòam ci bantuk a si. A hung òhang i thingkung ah a can tikah vanva hna nih a nge ah bu an ser,” a ti.
(Mat 13:33)
20 Hitihin a chim òhan, “Pathian pennak cu zei he dah ka tahchunh hnga?
21 Minu pakhat nih changvut rel thum chungah thilnu a phulh i a dihlak in a thawh bantuk a si,” a ti.
(Mat 7:13-14)
22 Jerusalem lei kal pah in khuapi he khuate he a pal i a cawnpiak hna.
23 Mi pakhat nih, “Bawipa, khamhmi cu an tlawmte ko lai maw?” a ti. Anih nih,
24 “Innka bi in luh i zuam ko u, zeitintiah mi tampi nih luh an i zuam lai nain an lut kho lai lo, tiah kan chimh.
25 Inntekpa nih innka a khar hnuah cun innka lengah dir in ‘Bawipa, innka rak ka hunh,’ na ti tikah anih nih cun ‘Khoika in dah na rat kan hngal lo,’ an ti lai.
26 Cu tikah nang nih cun, ‘Nangmah he kan ei kan ding òi i kan tlanglam ah na kan cawnpiak ko,’ na ti lai.
27 Sihmanhsehlaw anih nih, ‘Biangaite kan chimh, khoika in dah na rat ka hngal lo, nannih sualnak a tuahmi hna, kal ko u,’ an ti hna lai.
28 Cuka ah cun nan òap lai i nan hacang nan rial lai. Abraham le Isak le Jakob le profet vialte hna cu Pathian pennak chungah an um i nannih tu cu lengah chuah nan si kha nan hmuh lai.
29 Nichuahlei le nitlaklei le chaklei le thlanglei in mi an ra lai i Pathian pennak ah cun rawl an dum òi lai.
30 Ngaihmanh u, a hmasa zong a hmanung ding an um i a hmanung zong a hmasa ding an um,” a ti hna.
(Mat 23:37-39)
31 Cu lio te ah cun Farasi mi cheukhat hna a sinah an ra i, “Hika hin chuak law kal, Herod nih thah an duh,” an ti.
32 A thawh hna i, “Kha cenghngia kha, ‘zohhmanh, nihin zongah, thaizing zongah, khuachia ka chuah i mizaw ka damter hna, ni thumnak ah ka rian ka lim lai.
33 Sihmanhsehlaw nihin le thaizing le kiptuh tiang zongin ka tuah ko rih lai; Jerusalem lengah profet thah khawh a si lo,’ tiah va chim u.
34 Maw Jerusalem, Jerusalem, profet na thah hna, na sin i thlahmi zong lung in thi lakin na rak cheh hna. Arpi nih a fale a thla tangah a huh hna bantukin voi zeizat dah huh kan timh i na duh lo kha!
35 Ngaihmanh, na inn cu òiotak a si cang. Bawipa min in a rami cu mithluachuak an si, na ti hlan paoh cu na ka hmu ti lai lo,” a ti hna.