12
(Mat 10:26-27)
1 Cu caan ah cun a thongthong in mi nih an fuh i pakhat le pakhat i pah lulhmalh in an i pumh lioah, a hnuzul hna cu, “Farasi mi hna thilnu khan i ralring u, cucu an ziathiamnak kha a si.
2 Zeihmanh thuh lan a si lai lo, a puang ko lai, asiloah, hngalh loin thuhmi a um lai lo.
3 Mui lak i nan chimmi cu ceu ah theih a si lai, innchung i biathli nan chimmi cu thlungpar in aupi a si lai.”
(Mat 10:28-31)
4 “Ka hawile hna, hitihin kan chimh hna, pum lawng a that i a hnuah zeihmanh a tuah kho lomi cu va òih hlah u.
5 Ahodah òih awk a si ti ralrinnak kan pek hna lai; pum a that i cu hnu zongah mitlomei i a thla khotu kha va òih deuh u, a si, cu pa cu òih ko u kan ti hna.
6 Pithlung panga cu phaisa pahnih ah an zuar tawn a si lo mei? Pathian nih cun an lak i pakhat te hmanh a philh lo.
7 Nan samfa hmanh a rel dih pei tiah, nan thin phang hlah u, pithlung tampi nakin nan sung deuh,” a ti hna.
8 “Biangaite kan chimh hna, mi hmaiah a ka òanhmi paoh cu Pathian vanmi hmaiah Mi Fapa nih a òanh ve hna lai.
9 Sihmanhsehlaw mi hmaiah a ka phehmi paoh cu Pathian vanmi hmaiah ka pheh ve hna lai.
10 Mi Fapa cu an thangchiat zongah ngaihthiam an si lai, sihmanhsehlaw Thiang Thlarau thangchiat in chiat a sermi cu ngaihthiam an si lai lo.
11 Nawlngeitu Sinakok uktu hna hmai i an in chuahpi hna tikah bialehnak ding le biachim awkah nan lungre va thei hlah u;
12 a caan a phak tikah cun Thiang Thlarau nih nan chim hngami kha an chimh te ko hna lai,” a ti.
13 Zapi lakin mi pakhat nih a hun thawh i, “Bawipa, ka unaupa hi ro a ka cheuh ve nakhnga ra ka chimhpiak,” a ti.
14 Anih nih cun, “Mipa, aho nih dah nan biaceihtu le rophawtu ah a ka tuah?” tiah a ti.
15 “I ralring u law hakkauhnak kha hrial i zuam u; zeitintiah minung nunnak hi a ngeihchiahmi tampi ah a um lo,” a ti.
16 An sinah bianabia in a chimh hna, “Mirumpa pakhat cu a lo ah rawl tampi a vui i
17 a lung chungin khuakhing a khak. ‘Zeitindah ka tuah lai? Rawlchiahnak ka ngei ti lo; hitihin ka tuah lai.
18 Ka rawlruk ka òheh hna lai i ngan deuh in ka sak òhan hna lai; cuka ah cun ka rawl le ka ngeihchiah vialte ka rawn dih hna lai.
19 Cun keimah le keimah cu, ‘Mi vanòhapa, kum tampi ca za dingin thil tampi na ngei cang, i din law na duhduh in eiding cang law i nuam ko, kaa ti lai,’ a ti.
20 Sihmanhsehlaw Pathian nih, ‘Mi hrut, tuzan ah na nunnak lakpiak na si lai. Na khonmi thil vialte hi aho ta dah a si kun lai?’ a ti.
21 Mah caah chawva a khong i Pathian lei ah a rum òung lomi cu cuticun an si ko,” tiah a ti.
(Mat 6:25-34)
22 A hnuzul hna sinah khan, “Cucaah nan nunnak caah zeidah kan ei lai i kan pum caah zeidah kan i fenhaih lai, tiah nan lungre thei hlah u, kan ti hna.
23 Rawl nakin nunnak a biapi deuh i fenhaih nakin takpum a biapi deuh.
24 Langak khi ruat hna hmanh u, thlaici an tuh lo i rawl zong an òuan fawn lo, rawl chiahnak buk le han zong an ngei lo, sihmanhsehlaw Pathian nih a cawm ko hna. Va nakin zeitluk in dah nan sun deuh?
25 Ahodah lungretheih ruangah a nunkhua dong khat tal a sauter kho deuh?
26 Cu bantuk tete hmanh a tuah kho lomi nih zeicahdah thil dang ah nan lungre a theih?
27 Bingbir par khi zeitindah an òhan ti kha va ruat hmanh u, rian an òuan lo, la zong an kher fawn lo; sihmanhsehlaw kan chimh hna, Solomon hmanh kha a sunparnak thuam in aa fam tikah hi pangpar tluk hin aa dawh lo.
28 Sihmanhsehlaw nihin ah a kho i thaizing ah a thi i mei ah an khanghmi ram hmanh Pathian nih cuti a thuamh ahcun, maw zumhnak tlawm hna, zeitluk in dah an thuamh deuh hna lai.
29 Cucaah zeidah kan ei lai i zeidah kan din lai, zeidah kan i fenh kan i aih lai, tiah kawl hlah u law nan lungre thei hlah u.
30 Cucu Pathian bia lomi hna nih an i tuaitampi tawnmi a si; nan Pa nih nan herh kha a hngalh ko.
31 Cu nakcun a pennak kha kawl u law cu thil vialte zong cu nan ta a si òhiamòhiam ko lai.,”
32 “Nannih tuurun hme tete hna, òih hlah u, nan sinah pennak pek cu nan Pa lunglawmhmi a si.
33 Nan ngeihchiah kha zuar u law sifak pe hna u; a òet kho lomi phaisabawm kha i zalh u law, mifir phanh khawh lonak le rungrul ei khawh lonak van ah va khawng u.
34 Zeitintiah nan chaw umnak ah nan lung zong a um ve lai.”
35 “Biartung leh cia le meiinn van cia tein um ko u.
36 Nupi òhitnak puai in a ra òinmi an Bawipa a hngak i innka a kingh cangka a rak hunpiakmi bantuk si ko u.
37 A Bawipa a òin tikah hriphrio tein a rak ummi miòhi cu mithluachuak a si, biangaite kan chimh hna, biartung leh cia in rawl a hunh hna lai i a bultawl hna lai.
38 Zanòim ah siseh, deilei ah siseh cu bantukin a hmuhmi miòhi cu mithluachuak a si.
39 Hihi hngal ko u, inntekpa nih mifir rat lai caan kha a hngalh ahcun hriphrio tein a rak um hnga i a inn cu a bauhter hna hnga lo.
40 I ralring ko u, zeitintiah nan awrh lo caan ah Mi Fapa cu a ra te lai,” tiah a ti.
(Mat 24:45-51)
41 Peter nih, “Bawipa, hi bianabia hi kanmah caah maw na chim, mi vialte caah dah na chim?’ a ti.
42 Bawipa nih; “An Bawipa nih a innchungkhar zohkhenhtu le an rawl ei caan te ah rawl pe tawntu dingin a chiahmi zumhtlak le a fimmi miòhi cu ahodah a si?
43 An Bawipa a rat tikah cu bantuk a tuahmi miòhi a hung hmuhmi cu mithluachuak a si.
44 Biatak tein ka chim, a ngeihmi vialte zohkhenhtu ah a ser lai.
45 Sihmanhsehlaw ‘Ka bawipa hi a ra leem rih lai lo’ tiah amah le amah i ti in a miòhi hawi kha nu he pa he rak vel hna in, eiding in rak ri ko seh law,
46 a bawipa cu a awrh lo caan le a hngalh lo caan ah a rat ahcun cu pa cu dan a tat lai i zumhtlak lo hna umnak ah a chiah lai.
47 Cu miòhi, a bawipa duhnak a hngal ko òung i a duh ningin a tuah lomi cu fak piin velh a huah lai.
48 Sihmanhsehlaw a hngalh lo ruangah velh awk aa tlakmi cu din deuh in velh an si lai. Tampi pekmi cu tampi in hal an si lai, tampi in kentermi cu tampi in hnek an si lai.”
(Mat 10:34-36)
49 “Vawlei hi mei i duah awkah ka ra i a tuah hin kang cang seh law ti ka hei duh dah!
50 Baptisma in awk ka ngei i ka tlamtlinh hlan paoh cu ka thaw a pit ko!
51 Vawlei ah remnak pek awkah maw a ra tiah nan ka ruah? Si hlah, òhennak chuahter awkah ka ra deuh, kan ti hna.
52 Atu thawk cun inn khat i panga hna cu an i òhen lai, pathum nih pahnih kha an ralchan hna lai i pahnih nih pathum kha an ralchan hna lai.
53 Pa le fa an i òhen lai i fa le pa zong an i ral lai. A nu le a fanu an i òhen lai i a fanu le a nu an i ralchan lai. Fapale nupi nih an vale nu an ralchan hna lai i an vale nu nih fapale nupi an ralchan hna lai,” a ti.
(Mat 16:2-3)
54 Mi runpi sinah cun hiti zong hin a chim. “Nitlaklei in minmei a rat nan hmuh tikah, ‘Ruah a fak lai,’ nan ti colh, cuticun a si taktak ko.
55 Chaklei thli a hran nan hmuh tikah, ‘Ni a lin ngaingai lai,’ nan ti i a lin taktak ko.
56 Mi ziathiam hna! vawlei le van umtuning cu nan hngalh ko nain zeitindah atu chan thil umtuning hi nan hngalh lo.
(Mat 5:25-26)
57 “Zeidah a dik ti cu zei caah nanmah te nih nan thleidan khawh lo?
58 Tazacuai awkin biaceih bawi sinah an chuahpitu kha kalpah ah rem vaa zuam, cutilocun biaceih bawi sinah an chanh lai i biaceih bawi nih palik sinah an chanh chin lai i palik nih thong ah an thlak lai.
59 Biangaite ka chim, phaisa phar khat hmanh tang lo tiangin na liam dih hlan cu na chuak lai lo.”