15
Azariah Pennak
(2Cha 26.1-23)
1 Israel siangpahrang Jeroboam a bawi kum 27nak ah Judah siangpahrang Amaziah fapa Azariah cu bawi hram aa thawk.
2 Pen hram aa thawh tikah kum hleiruk a si i Jerusalem khua in kum 52 a pen hna. A nu min cu Jekoliah a si, Jerusalem khuami a si.
3 A pa Amaziah nih a rak tuahmi vialte ning khan amah nih Bawipa mithmuh i a dikmi thil kha a tuah.
4 Sihmanhsehlaw khuahrum bo hna kha cu an hrawk hna lo i mi nih khuahrum bo hna ah khan rai an thawi i zihmui an khangh òhiamòhiam ko.
5 Bawipa nih siangpahrang cu a tuk i cucaah cun a thih ni tiangin mithinghmui a si i inn dangte ah a um. Cun siangpahrang fapa Jotham nih khan innchungkhar cu a zohkhenh i rammi kha a uk hna.
6 Azariah tuahsernak a tang rihmi hna le a tuahmi vialte hna cu, Judah siangpahrang hna Chanrelnak Cauk chungah an i òial lo mei?
7 Cun Azariah cu a pupa hna sinah a it i David khua chungah a pupa hna sinah an vui, cun a fapa Jotham cu amah hmun ah khan a hung bawi. Ref 15.7: Isa 6.1
Zekhariah Pennak
8 Judah siangpahrang Azariah a bawi kum 38nak ah Jeroboam fapa Zekhariah nih Israel cu Samaria in thla ruk a pen.
9 A pupa hna nih an rak tuah bang khan amah nih Pathian mithmuh ah thil òhalo kha a tuah. Nebat fapa Jeroboam nih Israel mi a sualternak hna sualnak kha a kaltak lo.
10 Jabesh fapa Shallum nih a rawi i Ibleam ah a tuk i a thah i amah hmun ah cun bawi ah a cang.
11 Cun Zekhariah tuahsernak a tang rihmi cu, zohhmanh, Israel siangpahrang hna Chanrelnak Cauk chungah an i òial.
12 (Mah hihi Bawipa nih Jehu sinah biakamnak a pekmi cu a si, “Na fapa hna cu Israel bawi òhutdan cungah chan li tiang an òhu lai,” tiin. Cu bang cun a si taktak.) Ref 15.12: 2Sia 10.30
Shallum Pennak
13 Jabesh fapa Shallum cu Judah siangpahrang Uzziah a bawi kum 39 kum ah pennak a hram a thawk i Samaria ah thla khat a bawi.
14 Khi tikah Gadi fapa Menahem cu Tirzah khua in a hung i Samaria ah a phan i Jabesh fapa Shallum kha Samaria ah a tuk i a thah i amah hmun ah khan bawi ah a cang.
15 Shallum tuahsernak a taang rihmi hna le rawinak a tuahnak cu, zohhmanh, Israel siangpahrang hna Chanrelnak Cauk chungah an i òial.
16 Khi caan ah khan Menahem nih Tappuah khua kha a tei i a chung i a ummi vialte le a ram chung Tirzah khua thawk in a ummi vialte kha a hrawh hna; annih nih khua chung luh kha an onh duh lo caah a hrawh; cun a chung i a ummi nu fapawi kha a thler dih hna.
Menahem Pennak
17 Judah siangpahrang Azariah a bawi kum 39nak ah Gadi fapa Menahem nih Israel cu pen hram a thawk i Samaria in kum hra a pen.
18 Cun amah nih Bawipa mithmuh i thil òhalo kha a tuah. Nebat fapa Jeroboam nih Israel mi a sualter hnanak sualnak vialte kha a kaltak lo.
19 Assiria siangpahrang Pul nih an ram cu a hung doh i Menahem nih cun, siangpahrang òhawnnak aa tlaihmi kha a feh khawh nakhnga, Pul cu ngun talen 1-000 a pek.
20 Menahem nih tangka cu Israel mi kha a kholh hna, Assiria siangpahrang pek awkah cun, an mirum vialte kha ngun shekel 50 cio a kholh hna. Cucaah Assiria siangpahrang cu aa let òhan i ram chungah khan a um lo.
21 Menahem tuahsernak a tang rihmi hna le a tuahmi vialte hna cu, Israel siangpahrang hna Chanrelnak Cauk chungah an i òial lo mei?
22 Cun Menahem cu a pupa hna sinah a it i a fapa Pekahiah cu amah hmun ah khan a hung bawi.
Pekahiah Pennak
23 Judah siangpahrang Azariah a bawi kum 50nak ah Menahem fapa Pekahiah nih Israel cu Samaria khua in pen hram a thawk i kum hnih a uk.
24 Amah nih Bawipa mithmuh i òhat lonak kha a tuah; Nebat fapa Jeroboam nih Israel mi a sualter hnanak sualnak vialte kha a kaltak lo.
25 Cun a ralbawi Pekah, Remaliah fapa nih khan Gilead mi 50 he amah cu an rawi i Samaria khua chungah khan, siangpahrang inn chung ralhruang chin chungah an thah; i amah hmun ah khan a bawi.
26 Pekahiah tuahsernak a tang rihmi le a tuahmi vialte kha, zohhmanh, Israel siangpahrang hna Chanrelnak Cauk chungah an i òial.
27 Judah siangpahrang Azariah a bawi kum 52nak ah Remaliah fapa Pekah nih Israel cu Samaria in uk hram a thawk i kum kul a pen.
28 Amah nih Bawipa mithmuh i thil òhalo kha a tuah; Nebat fapa Jeroboam nih Israel mi a sualter hnanak a sualnak kha a kaltak hna lo.
29 Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.
30 Cun Elah fapa Hoshea nih Remaliah fapa Pekah cu a rawi i a tuk i a thah i Uzziah fapa Jotham a bawi kum 20nak ah khan, amah hmun ah cun bawi a cang.
31 Pekah tuahsernak a tang rihmi le a tuahmi vialte cu zohhmanh, Israel siangpahrang hna Chanrelnak Cauk chungah an i òial.
Jotham Pennak
(2Cha 27.1-9)
32 Israel siangpahrang Remaliah fapa Pekah a bawi kum hnihnak ah, Judah siangpahrang Uzziah fapa Jotham cu pennak hram aa thawk.
33 Amah cu pennak hram aa thawk tikah kum 25 a si i Jerusalem in kum hleiruk a bawi. A nu min cu Jerusha a si, Zadok fanu a si.
34 A pa Uzziah nih a tuah bantuk khan, amah nih Bawipa hmaiah a dikmi thil kha a tuah.
35 Asinain khuahrum bo cu an hrawk hna lo i mi nih khan khuahrum bo ah cun rai an thawi i zihmui an khangh òhiamòhiam ko. Amah nih Bawipa inn cunglei kutka kha a ser.
36 Jotham tuahsernak a tang rihmi le a tuahmi vialte cu, Judah siangpahrang hna Chanrelnak Cauk chungah an i òial lo mei?
37 Khi caan ah khan Bawipa nih Siria siangpahrang Rezin le Remaliah fapa Pekah kha Judah ram doh awkah thlah hram a thawk hna.
38 Jotham cu a pupa hna sinah a it i a pu David khua chungah a pupa hna sinah an vui; cun a fapa Ahaz kha amah hmun ah cun bawi a hung cang.