21
Levi Mi Khua Hna
(1Cha 6.54-81)
1 Cun Levi chung upa hna cu tlangbawi Eleazar le Nun fapa Joshua le Israel miphun hna i an chung cio lu hna sinah cun an ra i
2 Kanaan ram chung i Shiloh khua ah cun annih sinah, “ Bawipa nih kannih cu umnak khua hna le kan saòil ca i tlonnak ram pek dingin Moses sin in nawl a rak pek cang,” tiah an ti. Ref 21.2: Nam 35.1-8
3 Cucaah Bawipa nawl peknak bangin Israel mi nih Levi mi hna cu a tanglei khua hna le saòil tlonnak ram hna hi an vo chungin an pek hna.
4 Kohath mi innchungkhar hna caah cun camcawh fung cu a hung chuak. Cucaah Levi mi chungin tlangbawi Aaron tefa a simi nih khan camcawh fung khiah in Judah, Simeon, le Benjamin phun hna sinin khua hleithum an hmuh.
5 Cun a taang rihmi Kohath mi hna nih khan Efraim phun, Dan phun le, Manasseh phun cheu hna innchungkhar hna sin khan camcawh fung khiah in khua pahra an hmuh.
6 Gershon mi hna nih Issakhar phun, Asher phun, Naftali phun le Bashan i a ummi Manasseh phun cheu hna innchungkhar hna sin khan camcawh fung khiah in khua hleithum an hmuh.
7 Merari mi hna nih an innchungkhar ning cio in Reuben phun le Gad phun le Zebulun phun hna sinin khua hleihnih an hmuh.
8 Bawipa nih Moses sinin nawl a pek bang khan, hi khua hna le an pawngkam i saòil tlonnak ram hna cu Israel mi nih camcawh fung khiah in Levi mi kha an pek hna.
9 Judah phun le Simeon phun chungin an min in chimmi a tanglei khua hna cu an pek hna.
10 Levi phun i a ummi Kohath phun chungah innchungkhar pakhat, Aaron tefa hna nih cun, an co hna, zeitintiah camcawh fung cu annih cungah hmasa bik ah a tla.
11 Judah tlangram chung i Kiriath-arba (cucu Hebron; Arba cu Anak pa a si) le a velchum i saòil tlonnak ram cu an pek hna.
12 Sihmanhsehlaw khuapi pawng lo hna le a khuate hna cu Jefunneh fapa Kaleb kha a covo caah an pek.
13 Cun tlangbawi Aaron tefa hna cu mi thattu ca i himnak khua Hebron le a saòil tlonnak ram hna, Libnah le a saòil tlonnak ram hna,
14 Jattir le a saòil tlonnak ram hna, Eshtemoa le a saòil tlonnak ram hna,
15 Holon le a saòil tlonnak ram hna, Debir le a saòil tlonnak ram hna,
16 Ain le a saòil tlonnak ram hna, Juttah le a saòil tlonnak ram hna, Beth-shemesh le a saòil tlonnak ram hna, § hi phun hnih hna chungin khua pakua cu pek an si;
17 cun Benjamin phun chungin Gibeon le a saòil tlonnak ram hna, Geba le a saòil tlonnak ram hna,
18 Anathoth le a saòil tlonnak ram hna le Almon le a saòil tlonnak ram hna § khua pali cu pek an si.
19 Aaron tefa hna, tlangbawi hna cu, an khua a dihlak ah hleithum, an saòil tlonnak ram cio he, an si.
20 Levi mi chung i Kohath innchungkhar hna lakah a taang rihmi Kohath mi hna cu, annih an pekmi hna khua cu Efraim phun chungin an si.
21 Annih cu mi thattu caah himnak khua a simi Shekhem, Efraim tlangram i a ummi le a saòil tlonnak ram hna, Gezer le a saòil tlonnak ram hna,
22 Kibzaim le a saòil tlonnak ram hna, Beth-horon le a saòil tlonnak ram hna § khua pali cu pek an si;
23 cun Dan phun chungin Eltekeh le a saòil tlonnak ram hna, Gibbethon le a saòil tlonnak ram hna,
24 Aijalon le a saòil tlonnak ram hna, Gath-rimmon le a saòil tlonnak ram hna § khua pali cu pek an si;
25 cun Manasseh phun cheu chungin Taanak le a saòil tlonnak ram hna le Gath-rimmon le a saòil tlonnak ram hna § khua pahnih cu pek an si.
26 Kohath mi lakah a taangmi innchungkhar hna i an khua kha a dihlak ah pahra an saòil tlonnak ram cio hna he, an si.
27 Cun Levi mi innchungkhar hna lakah pakhat a si vemi Gershon mi hna cu Manasseh phun cheu chungin Bashan i a ummi Golan, mi thattu ca i himnak khua a simi le, Beeshterah khua le a saòil tlonnak ram hna, § khua pahnih cu pek an si;
28 cun Issakhar phun chungin Kishion le a saòil tlonnak ram hna, Daberath le a saòil tlonnak ram hna,
29 Jarmuth le a saòil tlonnak ram hna, En-gannim le a saòil tlonnak ram hna, § khua pali cu pek an si;
30 cun Asher phun chungin Mishal le a saòil tlonnak ram hna, Abdon le a saòil tlonnak ram hna,
31 Helkath le a saòil tlonnak ram hna le Rehob le a saòil tlonnak ram hna § khua pali cu pek an si;
32 cun Naftali phun chungin mi thattu caah himnak khua a simi Kedesh, Galilee ram i a ummi, le a saòil tlonnak ram hna, Hammoth-dor le a saòil tlonnak ram hna le, Kartan le a saòil tlonnak ram hna § khua pathum cu pek an si.
33 Gershon mi innchungkhar hna nih an co ciomi khua hna cu a dihlak ah hleithum, an saòil tlonnak ram cio hna he, an si.
34 Cun Levi mi a taang rihmi Merari innchungkhar hna cu Zebulun phun chungin Jokneam le a saòil tlonnak ram hna, Kartah le a saòil tlonnak ram hna,
35 Dimnah le a saòil tlonnak ram hna, Nahalal le a saòil tlonnak ram hna § khua pali cu pek an si;
36 cun Reuben phun chungin Bezer le a saòil tlonnak ram hna, Jahaz le a saòil tlonnak ram hna,
37 Kedemoth le a saòil tlonnak ram hna le Mefaath le a saòil tlonnak ram hna, § khua pali cu pek an si;
38 cun Gad phun chungin Gilead ah a ummi Ramoth, mi thattu caah himnak khua a simi le a saòil tlonnak ram hna, Mahanaim le a saòil tlonnak ram hna,
39 Heshbon le a saòil tlonnak ram hna, Jazer le a saòil tlonnak ram hna § a dihlak ah khua pali cu pek an si.
40 Levi phun chungin a taang rihmi Merari innchungkhar hna cu khua an pekmi hna a dihlak ah hleihnih an si.
41 Israel mi hna covo lakah Levi mi khua hna cu a dihlak ah 48, an saòil tlonnak ram cio hna he, an si.
42 Hi khua hna nih hin an velchum ah saòil tlonnak ram hna kha an ngei cio; cuticun hi khua hna hi a dihlak in an si.
Israel Mi Nih Ram An Co Dih
43 Cu bangin Bawipa nih Israel mi cu an pupa hna sinah pek awkin chiat a sermi ram vialte kha a pek hna. An tei i khika ah um hmun an khuar.
44 Cun Bawipa nih an pupa hna sinah chiat a rak ser bantukte khan, a kenkip ah dinhnak a pek hna. An ral ahohmanh nih an celh hna lo, zeitintiah Bawipa nih an ral hna cu an kut chungah a pek hna.
45 Bawipa nih Israel chungle hna sinah biakamnak òha a sermi vialte lakah khan pakhat hmanh pakpalawng ah a cangmi a um lo; an dihlak tein a tling dih.