4
Sualchir Dingin Auhnak
1 “Maw Israel, ka sinah ra kir ko,
ka sinah ra kir ko, tiah
Bawipa nih a ti.
Ka hmaika in fih a nungmi
na siasal kha na òhial hna i
pial ti loin na um i,
2 ‘ Bawipa a nun bangin,’ tiin
biatak le biading le dinnak in
chiat na ser ahcun,
Miphun hna nih nangmah bantukin
thluachuakmi si ve awkah
thla an cam lai i
Nangmah ah cun sunparnak
3 Bawipa nih hi bangin
Judah ram mi hna le
Jerusalem khuachung mi hna sinah a ti:
Nan dinhtermi vawlei cu let u law
hling lakah thlaici tuh hlah u. Ref 4.3: Hos 10.12
4 Bawipa rian òuan awk caah
nan cuarpar i tan u,
nan lung cuarpar i tan u,
Maw Judah ram mi hna le
Jerusalem khuami hna;
Cu ti a si lo ahcun, òhat lonak
nan tuahmi ruangah khan
ka thinhunnak kha
mei bangin a alh lai i
Hmih khawh lo in a kang sual lai.”
Judah Cu Ral Nih An Chim Lai
5 Ram chung dihlak ah muko kha
tum u!
Fakpi le fiang tein au u!
Judah rammi Jerusalem khuami kha,
kulhmi khua ah tli u, tiah chim hna u.
6 Zion lei lam cu hmuhsak hna u!
Himnak hmun leiah khan le u!
Rau hlah u!
Bawipa nih chaklei in òhat lonak le
rawknak nganpi a rak put lio.
7 Rambur chungin chiandeih
a hung chuak cang
Miphun hna hrawktu aa thawh cang;
Nan ram kha hrawh awkah
a umnak hmun in a chuak cang;
Nan khuapi hna cu an chungah mi
um loin an rawk cikcek lai.
8 Hi ruangah hin buri i aih u law
òap u law fak piin ai tuah u,
Zeicahtiah Bawipa thinhunnak
òih a nungmi cu kan sinin aa mer lo.”
9 Khi ni ah cun siangpahrang le bawi hna cu an thin a phang lai i tlangbawi hna cu an khuaruah a har lai i profet hna cu an lung a dong lai, tiah Bawipa nih a ti.
10 Cun kei nih ka thawh i, “A, Bawipa Pathian, hi mi hna le Jerusalem khua cu, ‘Daihnak nan hmu lai,’ tiin na rak timi hna kha na hlen diam hna a si ko, zeicahtiah vainam tu nih pei an nunnak cu a chunh kun hna hi,” ka ti.
11 Khi tikah hi mi hna le Jerusalem
khuami hna cu hitin chimh an si lai:
Thetse ram tlangpar kawng in
ka mi hna leiah thli lin a hrang,
Cu thli cu vamhnak caah a si lo,
thianternak ca zongah a si lo;
12 Vamhnak ca le thianhnak caah
a òhawng tukmi thli cu
ka fial lai i a hrang lai i
Atu cu an cung i ka chim duhmi
bia kha ka chim lai.
13 Zohhmanh, khuadawm bantukin
ral cu hmaiah an fong,
An rangleng hna cu
phuchim bantuk an si;
An rangtum hna cu muvanlai hna nakin
an khul a rang deuh §
Aize! Kannih cu kan lo cang ai!
14 Maw Jerusalem,
palhnak na tuahmi kha
na lung chungin i thianh law,
khamh na si ko rih hnga dah kaw!
Zei can dah na ruahnak òhalo cu
na chungah a cam lai?
15 Dan ram in zualko pakhat a ra i
Efraim Tlang in thawng òhalo
pakhat a thang.
16 Mah thil vialte hi miphun kha
thanh hna u,
Jerusalem rawknak kha thanh u:
Ram hlat piin ral namtu kha an ra i
Judah ram khua kha an auhnawh hna.
17 Keimah kha a ka doh caah,
Ral nih a velchum in an kulh dih,
tiah Bawipa nih a ti.
18 Na umtuning le na thil tuahmi nih
mah hihi na cungah an tlunter,
Mah hihi na dantatnak a si i
mah thil vialte hi
na ka doh ruangah an chuak.
A Mi Hna Caah Jeremiah A Ngaih A Chia
19 Maw ka thin aw, maw ka thin aw!
Ka ngan a fah tuk caah
a ngerh in kaa ngerh.
Ka lung cu a tor dutmat i
dai tein ka um kho lo,
Zeicahtiah raltuk launak thawng,
muko thawng kha ka theih.
20 Chiatnak nih chiatnak kha
a hun zulh colh,
Ram cu a ningpi in a rawk.
Ka thlam hna cu an tlu i
an khuhnak puan hna cu
an tlek dih cikcek.
21 Zei can dah alan cu thlai a si kha
ka hmuh peng ko lai i
Muko aw thawng cu ka theih lai?
22 Ka mi hna cu mihrut an si, keimah
kong kha zeihmanh an hngal lo;
Annih cu fa lungping,
hngalhthiamnak ngei lomi an si.
Òhat lonak tuah bel an thiam ngai,
sihmanhsehlaw òhatnak cu
zeitindah ka tuah lai ti kha
23 Khi tikah vawlei kha ka zoh i,
zohhmanh, a rawk dih i
a lawngpi a si ko;
Vancung khi ka hei zoh hna i
an ceunak kha a um ti lo.
24 Tlang khi ka hei zoh hna i
an sawn len ko,
Mual vialte cu an i hnin dih.
25 Khua ka zoh i mi an um lo,
van i a zuangmi va kha
an zam dih.
26 Theitlai òhatnak lo òha kha
thetse ram a si cang i
Khuapi vialte kha an rawk dih cang,
A thin a hungmi Bawipa
hmaika ah cun.
27 Bawipa nih hi bangin a ti,
“Ram cu a ning piin a òiao dih lai,
Sihmanhsehlaw a donghnak
taktak cu ka phakter lai lo.
28 Cucaah vawlei cu a ngaih
a chia lai i
cunglei van hna cu an nak dih lai;
Keimah nih ka chim cang i
ka timh cangmi a si caah
kaa ngaihchih lai lo i
ka lung zong kaa let lai lo.”
29 Rang cung ralkap hna le
thalkah thiam hna thawngpang in
khua kip cu an zam dih;
Lungkua chungah an lut,
rambur lakah an i thup,
lungpang ah an kai;
Khua paohpaoh cu òiaotak
an si dih,
an chungah ahohmanh an um ti lo.
30 Maw nang, òiaotakmi, puan sen in
naa thuamh i sui hlawn in
naa òamh i
Na mit hna cu thuhmi si in na kauhter
hna hi, a sullam zeidah a si?
Pakpalawng ah pei naa òamh ko cu.
Na tlangval hna nih an in nihsawh i
na nunnak kha
lakpiak an in timh.
31 Nau nganfah a ing liomi nu
aihramnak bantuk a simi
aihramnak,
a fater a hring liomi nu
nganfahnak bantuk a simi
aikionak kha ka theih.
Zion fanu, a thaw a suk in aa su i
a kuttum heh tiah
a rengmi kha a si.
Aize! ka ba tuk ko cang,
thah len ko cu ka ba tuk ko cang.