3
Zumhtlaklo Israel
1 “Mipa pakhat nih a nupi kha
a mak i
a nupi nih cun a kaltak i
midang nupi a si tikah,
cu pa nih cun cu nu cu
a fuh òhan lai maw?
Cu nu cu thurhhnawmh
a si cang lo maw?
A la òhan kho ti lo.
Sihmanhsehlaw nannih cu
duhtu tampi he
hlawhhlang nan i celh i
atu cu ka sinah ra kir
nan duh!” tiah Bawipa nih a ti.
2 Tlangpar kolh khi
hei cuan hna u law
zoh hna hmanh u,
Khuazei ah khin dah
it òi loin nan um?
Ramlak i Arab mi hna bantukin
an duhtu hna kha hngak in
lam pawngah nan òhu.
Hlawhhlan òhalo nan tuahnak
thawngin ram kha
nan thurhhnawmh cang.
3 Hi ruangah hin ruah kha sur
ka thlauh i òhal ruah kha a sur lo.
Asinain, na cal cu hlawhhlang
cal a si i na ning a zak
duh hrimhrim lo.
4 Cun atu naite ah naa thawh i,
“Nangmah cu ka Pa,
ka no lio in ka hawi òha
zungzal na si, na ti.
5 Zungzal in a thin a hung lem
hnga maw;
a dongh tiangin a thin
a lin lem hnga maw?”
tiah na ruah.
Na chimning cu hitihin a si ko,
Sihmanhsehlaw òhat lonak
na tuah khawhmi paoh cu
na tuah òhiamòhiam,” tiah a ti.
Israel le Judah, I Ngaihchih U
6 Josiah Siangpahrang chan ah Bawipa nih a ka thawh i, “Hi zumhawktlak lo Israel nih hin zeidah a tuah kha na hmu cang maw, tlang sang kip i a kai i thingkung hring kip toi i hlawhhlangnu aa celh hi? Ref 3.6: 2Sia 22.1§23.30; 2Cha 34.1§35.27
7 Mah hi vialte hi a tuah dih cun ka sinah a kir rua lai tiah ka rak ruah; sihmanhsehlaw a kir lo i a unaunu hlenhmang Judah nih cun mah cucu a hmuh ve.
8 Kha zumhawktlak lo Israel kha, vacung in pa aa duh caah maknak ca he ka kalter zong kha a hmuh fawn. Sihmanhsehlaw a unaunu, hlenhmang Judah kha a thin a phang lo, amah zong cu a kal i hlawhhlangnu kha aa celh ve lehlam.
9 Zeihmanh ruahnak ngei loin hlawh a hlan le vacung pa duh bantuk a simi lung le thing a biaknak thawng khan ram cu a thurter.
10 Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.
11 Cun Bawipa nih a ka thawh i, “Zumhawktlak lo Israel hi hlenhmang Judah nakin mawhchiat awk a tlawm deuh lehlam.
12 Va kal law hi bia hi chaklei ah va thanh law hitihin va ti:
Zumhawktlak lo Israel,
ra kir tuah, tiah
Bawipa nih a ti;
Nangmah cu thinhunnak in
kan zoh ti lai lo,
Zeicahtiah kei cu
zaangfah thiammi ka si,
tiah Bawipa nih a ti;
Zungzal in ka thin a hung lai lo.
13 Palhnak na tuahmi kha
ka tuah taktak ti ko law
Bawipa na Pathian
na dohnak kha i phuang ko.
Thing thladem toi kip ah
ram dang pathian hna he
nan i duhnak kha i phuang law
Ka bia na ngaih lonak kha
i phuang ko,
tiah Bawipa nih a ti.
14 Maw zumh awktlak lo fale hna,
ra kir tuah u,
tiah Bawipa nih a ti;
Zeicahtiah keimah cu
nan Bawipa ka si;
Nanmah cu khua khat
chungin pakhat,
innchungkhar pakhat chungin
pahnih in kan lak hna lai i
Zion ah kan kalpi hna lai.
15 Cun ka lung a ka tongmi
tuukhal kan pek hna lai i
Fimnak le hngalhthiamnak in
an in cawm hna lai.
16 Cun ram chungah cun
nan hung karh i
nan punzam tikah
Mi nih Bawipa Biakamnak
Kuang kong kha an chim ti lai lo,
A ruah zong an ruat ti lai lo,
a hngalh zong an hngal ti lai lo;
A herh zong an herh ti lai lo i
a dang zong an ser ti lai lo.
17 Khi caan a phak tikah
Jerusalem cu Bawipa
bawiòhutdan ti a si lai,
Miphun vialte cu Jerusalem ah cun
Bawipa min upat awkah
an i pum lai;
Annih nih a òha lomi
an lungthin kha
fek òhup in an zul ti lai lo.
18 Khi tikah cun Judah chungkhar le
Israel chungkhar cu an i fon lai i
Hmun khat ah chaklei ram khan,
ro caah an pupa ka pekmi hna
ram ah khan an ra òi lai.
Pathian Mi Hna Siasal Biaknak
19 Zeitluk in dah nannih cu
lawmhnak he fa bantukin
ka hei in tuah hna hnga i
A nuammi ram, miphun vialte hna
ram lak i aa dawh bik ro cu
ka hei in pek ko hna hnga, ka ti.
Cun nannih nih keimah cu,
ka Pa, tiah nan ka ti lai i
Keimah zulhnak lam khan
nan pial ti lai lo, tiah ka ruah.
20 Sihmanhsehlaw zumh awktlak lomi
nupi bantukin
Ka cungah zumhawktlak loin
nan um, maw Israel mi hna,
tiah Bawipa nih a ti.
21 Tlangpar kawng i òah thawng cu
ngai hmanh.
Israel mi hna nih zaangfah
hal in an aunak aw cu!
Zeicahdah hitin a si ti ahcun,
annih nih lam kawi kha an zul i
Bawipa an Pathian kha
an philh caah a si.
22 Maw a tlaumi ka fale hna,
ka sinah ra kir u,
Nan tlaunak kha kan damter hna lai.
Maw Bawipa, na sinah kan ra,
nangmah sinah kan ra;
Zeicahtiah nangmah cu
kan Pathian na si.
23 Tlangpar i tuahmi biaknak sin khin
bawmhnak zeihmanh a ra lo i
Tlang sang cung i au lennak zong
khin zeihmanh a ra lo;
A ngaingai ti ahcun, Bawipa
kan Pathian chung lawngah hin
Israel khamhnak cu a um.
24 Hlan lio pi in ningzahnak
pathian Baal nih cun
kan pupa hna nih an òuanmi
theitlai hna le, an tuurun hna le
an cawrun hna le,
an fapa hna le an fanu hna kha
a ei dih hna.
25 Ningzak in it ko u sih,
kan mualphonak nih khan
kan khuh ko seh,
zeicahtiah kanmah le
kan pupa hna nih
Bawipa kan Pathian cungah khan
hlanpi in atu tiang kan sual i
Bawipa kan Pathian kha
a bia kan ngai lo,” nan ti.