34
Jeremiah Nih Zedekiah Ralrinnak A Pek
1 Babilon siangpahrang Nebukhadnezzar le a ralkapbu nih amah uknak tang i a ummi ram vialte le miphun vialte he Jerusalem le a khuate hna kha an doh hna lioah, Bawipa sinin Jeremiah sinah a rami bia cu hihi a si. Ref 34.1: 2Sia 25.1-11; 2Cha 36.17-21
2 Mah hihi Bawipa, Israel Pathian bia cu a si: “Va kal law Judah siangpahrang Zedekiah cu va chim, mah hihi Bawipa bia a si: Hi khua hi Babilon siangpahrang kut chungah ka pek lai i mei in a khangh lai.
3 A kut chungin na luat lai lo, tlaih na si hrimhrim lai i a kut chungah chanh na si hrimhrim lai. Amah cu hmaitonh tein na hmuh lai i nan pum hrimhrim in bia nan i ruah lai, cun Babilon ah na kal lai.
4 Maw Judah siangpahrang Zedekiah, Bawipa nih nangmah an cahmi bia cu thei rih tuah. A bia cu hihi a si: Vainam in na thi lai lo.
5 Dai tein na thi ko lai. Na pupa hna, nangmah hlanah a ummi siangpahrang hna caah meiphu an tih bantuk khan nangmah upatnak caah an tih ve lai. Nangmah cu an in òah lai i an òang an i cumh pah in, ‘Aize, bawipa!’ an ti lai. Mah hihi keimah chimmi a si,” tiah Bawipa nih a ti.
6 Profet Jeremiah nih hi bia vialte cu Judah siangpahrang Hezekiah kha Jerusalem khua ah,
7 Babilon siangpahrang ralkap hna nih Jerusalem khua an tuk lioah khan a chimh. Ralkap pawl nih cun Lakhish le Azekah zong kha an tuk, hi hna lawng hi Judah ram chung i kulh ngeimi khua a tangmi cu an si.
Hebru Mi Nih Hebru Mi Cu Sal Ah Zuat Lo Ding
8 Siangpahrang Zedekiah nih Jerusalem khuami vialte he an sal hna luatter awkah biakamnak a ser hnuah Bawipa sinin Jeremiah sinah a rami bia cu hihi a si.
9 Hebru mi nih Hebru mi sal i nan zuatmi hna vialte cu, nu an si ah, pa an si ah, nan luatter hna lai; nanmah nan phunhawi a simi Judah mi kha sal ah nan zua hna lai lo, tiah a ti.
10 Cun bawi vialte hna le mi zapi hna nih, an salle hna cu nu an si ah, pa an si ah, luatter i sal i zuat ti lo dingin biakamnak an tuahmi cu an tlinter i an salle cu an luatter hna.
11 Sihmanhsehlaw a hnuah an lung an i let òhan i an thlah ciami salpa le salnu hna kha hramhram in sal ah an zuat òhan hna.
12 Khi tikah hi bia cu Jeremiah sinah Bawipa sinin a ra.
13 Hihi Bawipa, Israel Pathian bia cu a si: Nan pupa hna cu Izipt ram in, saltannak ram chungin ka chuahpi hna tikah annih sinah biakamnak ka ser.
14 Cucu hihi a si: ‘Nan sin i a hun i zuarmi Hebru mi, kum ruk an rian cangmi hna kha, nannih nih kum sarihnak chungah nan luatter hna lai. Ref 34.14: Exo 21.2; Deu 15.12
15 Nan pupa hna nih cun ka bia cu ngaih an duh lo i ka nawl zong zulh an duh lo. Sihmanhsehlaw nannih tu nih cun tunaite ah sal luatnak ding caah thawng nan thanh i ka hmaika ah, ka min a pumi inn chungah biakamnak nan ser i cucaah ka mithmuh ah a òhami thil kha nan tuah.
16 Asinain, nannih zong nih ka min cu nan thurter òhan cang. Nannih nih nan luatter cangmi sal hna kha nan dihlak in nan lak òhan hna i nu he pa he nan sal ah hramhram in nan ser òhan hna.
17 Cucaah hitin Bawipa nih a ti: Ka bia nan ngai lo; nan phunhawi Hebru mi kha luatnak nan pe hna lo. Cucaah keimah zong nih luatnak kan pek ve ding hna cu: tuknak le rai le mangòam in thihnak kha a si lai. Nan cung i ka tuahmi ruangah vawlei cung ram vialte cu an tuksa nan purh hna lai.
18-19 Judah le Jerusalem hruaitu hna nih khan, siangpahrang inn i bawi hna le tlangbawi hna le hi ram chung mi vialte hna he khan, cheu hnih ah an chuahmi cawtum a laifang i an kalnak in ka sinah biakamnak an tuah. Sihmanhsehlaw ka hmaika i biakamnak an tuahmi cu an hrawh i a chung i zulh awk hna cu an zul lo. Cucaah hi mi hna cungah hin, cawtum cung i an tuahmi kha an cungah ka tuah ve lai.
20 An ral hna sinah ka pek hna lai. Anmah thah a duhmi hna sinah khan ka chanh hna lai i an ruak cu va le ramlak saram nih an ei hna lai.
21 Judah siangpahrang Zedekiah le a bawi hna cu anmah thah a duhtu an ral hna sinah khan ka pek hna lai. Cun nanmah doh a ngol cangmi Babilon siangpahrang ralkapbu sinah khan annih cu ka sanh hna lai.
22 Keimah nih nawl ka pek hna lai i hi khuapi ah hin an ra kir òhan lai. An tuk lai, an lak lai i an khangh dih lai. Judah ram khua hna cu ahohmanh an um lonak thetse ram bantuk ah ka ser hna lai, tiah Bawipa nih a ti.