33
Jerusalem A Sunglawi Òhan Lai
1 Jeremiah cu ralvengtu hna inntual i hren a si ko rih lioah khan Bawipa bia cu a voi hnihnak a sinah a ra.
2 Vawlei kha a ser i mui a ngeihter i a fehtertu Bawipa bia cu hi bangin a si; a min cu Bawipa a si:
3 “Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.
4 Keimah, Bawipa, Israel Pathian nih, Jerusalem khua chung inn hna le Judah siangpahrang inn cu an rawk lai; Babilon mi hna nih kulhnak chuntlung ah an sermi hna cu va chuah i va tuk kha santlailo a si,” ka ti.
5 “Cun nan va chuah; nan va tukmi hna nih cun ka thin hun le ka thin linh in ka tuk laimi hna ruak khan hi khua hi an khahter lai i cu vial ceo cu a si ko lai. A chung i a ummi minung hna nih òhat lonak an tuahmi ruangah hi khua cu ka mertak cang.
6 Sihmanhsehlaw hi khua cu ka damter òhan lai i a mi hna cu ka damter hna lai i lawmhnak le daihnak le himnak kha ka pek hna lai.
7 Judah le Israel cu an vanòhatnak kha ka pek òhan hna lai i hmasa ah an rak sining te bantuk khan ka sak òhan hna lai.
8 Ka cungah sualnak an tuahmi vialte khan ka thianh hna lai; an sualnak cu ka ngaihthiam hna lai i keimah an ka dohnak kha ka ngaihthiam hna lai.
9 Jerusalem khua nih hin vawlei cung miphun vialte hmaiah min òhatnak le thangòhatnak le sunparnak a ka pek lai. A cungah ka tluntermi thluachuahnak vialte kha an theih i a cung i ka tluntermi thluachuahnak le daihnak kha an hmuh tikah an lung a suk hna lai i an khuaruah a har lai,” a ti.
10 Bawipa nih hitihin a ti: “Nannih nih nan i thawh i, hi hmun cu a rawk cang, Judah ram khua chungah siseh, Jerusalem khua chungah siseh, mi siseh, saram siseh, an um ti lo. Pakpalawng ah a cang ko cang, mi zong an um ti lo, saram zong an um ti lo, nan ti.
11 Sihmanhsehlaw hi hmun ah hin thanuamnak thawng le lunglawmhnak thawng, nupi òhitu aw le a mo aw cu theih an si òhan lai. Mi nih ka biaknak inn ah lunglawmhnak laksawng an rak put tikah hla an sa lai i,
A lianngan bik Bawipa cu
lawm tuah u,
Zeicahtiah amah cu a òha,
A fekmi a dawtnak cu
zungzal in hmun, an ti lai.
Hi ram cu hmasa ah a rak rum tlukte khan ka rumter òhan lai,” tiah Bawipa nih a ti. Ref 33.11: 1Cha 16.34; 2Cha 5.13; 7.3; Ezr 3.11; Slm 100.5; 106.1; 107.1; 118.1; 136.1
12 Mah hihi Ralkapbu Bawipa bia a si: Hi hmun le a khua vialte hna, a rawk i a ril komi, a chungah mi siseh, saram siseh an um lonak ah hin, tuukhal hna nih an tuu an pumh hnanak himnak hmun a um òhan lai.
13 Tlangram khua ah si hna seh, Shefelah khua ah si hna seh, Negeb khua ah si hna seh, Benjamin ram chungah siseh, Jerusalem khua pawngkam ah siseh, Judah ram khua hna chungah siseh, tuurun hna cu anmah a reltu hna kut tang khan an kal duahmah òhan lai, tiah Bawipa nih a ti.
14 “Hngak ko, Israel le Judah cungah bia ka kamhmi hna thluachuahnak vialte ka tlunter lai ni a ra lio. Ref 33.14-16: Jer 23.5-6
15 Khi ni le khi caan ah, David Nge, a dingmi ka corhter lai; ram chungah a hmaanmi le a dingmi thil kha a tuah lai.
16 Khi ni ah cun Judah cu him tein a um lai i Jerusalem cu ahohmanh nih hnahnawh lo tein khua a sa lai; cun a min cu, ‘ Bawipa cu kan dinnak a si,’ ti a si lai,” tiah Bawipa nih a ti.
17 Zeicahtiah Bawipa bia cu hi bangin a si: Israel mi bawiòhutdan cung i a òhu ding kha David nih ngei loin a um bal lai lo i Ref 33.17: 2Sam 7.12-16; 1Sia 2.4; 1Cha 17.11-14
18 Levi tlangbawi hna zong nih khan ka hmaika i khangh thawinak pechantu ding le chang thawinak a khangtu ding le pekchanhnak a tuahtu ding minung kha ngei loin an um bal hna lai lo. Ref 33.18: Nam 3.5-10
19 Bawipa nih Jeremiah cu a thawh i,
20 “Hi hi Bawipa bia a si: Chun ca le zan ca i phung ka sermi hi hrawh khawh a si i annih nih ningcang loin an um khawh a si ahcun,
21 David ka sal he ka biakamnak zong kha a rawk kho ve lai i a tefa hna kha pakhat hmanh a bawiòhutdan cung i a òhu ding um loin a si kho ve ko lai; cun Levi mi ka tlangbawi ka rianòuantu hna he ka biakamnak zong, cu bantuk òhiamòhiam in a si ve kho ko hnga.
22 Van i arfi rel cawk lo le rili thetse rel cawk a si lomi bantukin, ka sal David i a tefa cu ka karhter hna lai i ka rian a òuanmi Levi mi hna zong ka karhter hna lai,” tiah a ti.
23 Bawipa nih Jeremiah cu a thawh i,
24 “Israel le Judah, ka thimmi innchungkhar pahnih hna hi Bawipa nih a hlawt cang hna, tiah mi nih an ka timi hi na ngia maw? Cucaah ka mi hna cu an nehsawh hna i miphun ah an rel ti hna lo.
25 Sihmanhsehlaw Bawipa keimah nih chun le zan he biakamnak kan ngei i vawlei le van a uktu phunglam kha ka ser hna.
26 Mah hihi ka tuah bantukte hin Jakob tefa hna le ka sal David sin i ka biakamnak cu ka fehter lai. Abraham, Isak le Jakob tefa hna uktu ah David tefa pakhat kha ka thim lai. Ka mi cu an van òhatnak kha ka pek òhan hna lai i an cungah zaangfahnak ka ngei lai,” tiah a ti.