26
Jeremiah Thah An Timh
1 Judah siangpahrang Josiah fapa Jehoiakim bawi hramthawk ah, hi bia hi Bawipa sinin Jeremiah sinah a ra: Ref 26.1: 2Sia 23.36§24.6; 2Cha 36.5-7
2 Bawipa nih Jeremiah cu a thawh i, “ Bawipa inntual ah va dir law, khika ah biak awkah a rami Judah ram chung mi vialte hna sinah cun, bia va chim tuah. Annih kha na chimh hna lai tiah nawl kan pekmi vialte kha zeihmanh ngan loin na chimh hna lai.
3 Annih nih an hei ngaih phum in an lam òha lo cio khan an hei i mer phum ko hmanh hnga maw. Cu ti a si ahcun òhat lonak an tuah ruang i an cung i òhat lonak tuah ka timhmi kha kaa let ko hnga.
4 Annih cu na thawh hna lai i, Bawipa bia cu hi bangin a si: Ka bia nan ngaih lo i nan hmai i ka chiahmi ka nawlbia kha nan zulh lo i
5 nan sinah ka thlahmi ka profet hna bia kha zei ah nan rel lo ahcun, zei ah nan rel bal hna lo va si kaw,
6 hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti. Ref 26.6: Jos 18.1; Slm 78.60; Jer 7.12-14
7 Tlangbawi hna le profet hna le mi vialte nih hi bia cu Jeremiah nih Bawipa inn chungah a chim kha an theih.
8 Cun annih sinah na chim lai tiin Bawipa nih nawl a pekmi vialte kha a chim dih tikah, tlangbawi hna le profet hna le mi zapi nih khan an tlaih i, “Na thi lai,” tiah an hro.
9 “Zeicahdah Bawipa min in bia na chim i, hi inn cu Shiloh bantuk a si lai i hi khua cu a chung ummi pakhat hmanh um lo tiangin a òiao lai, na ti,” an ti. Cun mi vialte nih cun Jeremiah cu Bawipa inn ah khan an kulh.
10 Cun Judah bawi hna nih hi thil cu an theih tikah siangpahrang inn khan Bawipa inn ah cun an kal i Bawipa inn i kutka thar luhnak ah cun an òhu cio.
11 Cun tlangbawi hna le profet hna nih cun bawi hna le mi vialte cu an thawh hna i, “Hi pa hi thih awk a tlak. Hi khua kha rawk seh, tiah a chim: nan hna in nan theih cio,” an ti.
12 Cu tikah Jeremiah nih bawi vialte le mi vialte cu a thawh hna i, “Hi inn kong le hi khua kong i nan theihmi bia vialte hi chim awkah Bawipa nih a ka thlah.
13 Nannih nan lam le nan tuahnak kha nan i remh i Bawipa nan Pathian kha a nawl nan ngaih ahcun, a lung aa let lai i, nan cungah ka tlunter lai ti in an hro hnanak òhat lonak kha a lak òhan lai.
14 Sihmanhsehlaw kei tu cu nan kut chungah ka um ko; a òha le a hmaan nan tining paoh in ka cungah tuah ko u.
15 Sihmanhsehlaw nan ka thah ahcun, nanmah le hi khua le a chungah a ummi vialte hi, nan dihlak in, a sual lomi thisen kan chuah caah hin kan sual ti bel hi fiang tein run i hngal u, zeicahtiah hi bia vialte hi nan theihhngan i chim awkah Pathian nih a ka thlah taktak,” tiah a ti.
16 Cun bawi hna le mi vialte nih cun tlangbawi le profet kha an thawh hna i, “Hi mipa hi thah awk a si lo, zeicahtiah kan sinah Bawipa kan Pathian min in bia a chim ko,” tiah an ti.
17 Cu ram upa a cheukhat hna zong cu an dir i aa pummi hna cu,
18 “Judah siangpahrang Hezekiah chan ah Moresheth khuami Mikah nih bia a chim i Judah ram mi vialte cu, hi hi Ralkapbu Bawipa bia a si:
Zion cu thuanmi lei ah a cang lai i
Jerusalem cu a rawkmi
hnawmpon ah a cang lai,
Biakinn tlang cu
hlingbur hmun ah a cang lai,
tiah a ti hna. Ref 26.18: Mik 3.12
19 Judah siangpahrang Hezekiah le Judah mi vialte nih amah cu an thah maw? Siangpahrang nih khan Bawipa cu a òih i zaangfahnak a hal lo maw? Cu tikah Bawipa nih cun a lung a thlen i an cungah ka tlunter lai tiin a hro hnanak rawhralnak kha a let òhan. Asinain, kannih cu kan cungah òhat lonak nganpi kan i tlunter hnik,” tiah an ti.
20 Bawipa min in bia a rak chim vemi midang pakhat a rak um ve, amah cu Kiriath Jearim khuami Shemaiah fapa Uriah a si. Jeremiah nih a chim bantuk hin amah zong nih hi khua le hi ram a rawhnak ding kha a rak chim ve.
21 Siangpahrang Jehoiakim le a ralkap vialte hna le a bawi vialte hna nih a bia kha an theih i siangpahrang nih cun amah cu thah awkah a kawl. Cucu Uriah nih a theih tikah a thin a phang i Izipt ram ah a zam.
22 Khi tikah Siangpahrang Jehoiakim nih cun Akbor fapa Elnathan le midang kha Izipt ram ah cun a thlah hna i
23 Izipt ram cun Uriah cu an vung lak i Siangpahrang Jehoiakim sinah an ratpi. Vainam in a rak thah i a ruak cu mi sawhsawh vuinak hmun ah khan an hlonh.
24 Sihmanhsehlaw Safan fapa Ahikam kha Jeremiah leiah cun a òan caah mizapi kut chung i va thihnak khan a luat.