23
A Tangmi Tlawmte An Kir Lai
1 Ka tuurun chung tuu a òhek i a tlautertu hna tuukhal cu an cungah ningzahnak tlung ko seh, tiah Bawipa nih a ti.
2 Cucaah ka mi a zohkhenhtu tuukhal hna kong ah Bawipa, Israel Pathian bia cu hi bangin a si: “Nannih nih ka tuurun cu nan òhek hna i nan dawi hna. Nan zohkhenh hna lo, sihmanhsehlaw òhat lonak nan tuahmi ruangah nanmah kha dantat awkah keimah nih nanmah cu kan zoh ko hna, tiah Bawipa nih a ti.
3 Ka tuu a tangmi hna cu ka dawinak hna ram kip khan keimah hrimhrim nih ka pumh òhan hna lai. Anmah le an inn cio ah ka òinpi òhan hna lai i an pungzam lai i an karhcho lai.
4 Anmah khaltu dingah tuukhal ka chiah hna lai, òihnak siseh, hnabei donghnak siseh, dantatnak siseh, an tong òhan ti lai lo, tiah Bawipa nih a ti.
5 David ruang in a dingmi Nge pakhat
ka corhter lai caan a ra lio,
tiah Bawipa nih a ti.
Cu siangpahrang nih cun
fimnak in a uk hna lai i
Ram chungah phung le dinnak kha
a hmunhter lai. Ref 23.5-6: Jer 33.14-16
6 Amah chan ah cun
Judah cu him tein khua a sa lai i
Israel cu hnahnawh lo tein a um lai.
Amah a min cu, Bawipa cu
kan Dinnak a si, ti a si lai.
7 “Cucaah cun zohhmanh, mi nih, ‘Israel mi Izipt ram in a chuahpitu hna Bawipa a nun bangin,’ ti si ti loin,
8 ‘Israel tefa hna chaklei ram in le a òhawl hnanak ram kip chungin, anmah le an vawlei cio i khuasakter òhan awkah a ratpitu hna Bawipa a nun bangin,’ tiin chiatsernak an tuah lainak caan kha a ra lio,” tiah Bawipa nih a ti.
Lihchimmi Profet hna
9 Profet hna kong ah Jeremiah nih
hitin a ti:
Ka chung thukpi ah hin
ka lung cu a kuai i
Ka ruh hna chungah hin thazang
zeihmanh a um lo;
Bawipa bia ruangah,
òih a nungmi a bia ruangah
zuri bantuk ka si cang,
zu nih a teimi bantuk ka si cang.
10 Zeicahtiah ram cu
va cung pa duhmi in a khat i
Anmah ruangah cun vawlei cu
a ro dih i
Ramlak ram hno vialte cu
an car dih.
An zulhmi lam cu òhat lonak a si i
an òhawnnak hna cu
a ning loin an hman.
11 “Profet nih si hna seh,
tlangbawi nih si hna seh,
An phu hnih in Pathian kha
zei ah an rel lo;
Òhat lonak an tuahmi kha ka inn
chung hmanh ah ka hmuh,
12 Cucaah an lam cu
an lamh tikah a nal lai;
Mui lakah an i òhek lai i an tlu lai,
an cungah harnak ka tlunter lai,
an dantatnak caan cu a ra lio,
13 Samaria profet hna cu ruahnak
zeihmanh a ngei lomi an si kha
ka hmuh:
Baal min in bia an chim i ka mi
Israel mi kha a pingah
an hruai hna.
14 Jerusalem profet hna chungah thil
fihnung bik pakhat ka hmuh:
Va cungin pa aa duhmi an si i
miziathiam an si,
Òhat lonak a tuahmi hna kha
thazang an pek hna i
Cucaah ahohmanh nih
an sualnak kha an mertak duh lo.
A chung i a ummi vialte hna cu,
Ka caah Sodom le Gomorrah
bantuk an si ko. Ref 23.14: Gen 18.20; Eze 16.49
15 Cucaah profet hna kong ah
Ralkapbu Bawipa nih,
“Annih cu ei awkah anfangkha
ka pek hna lai i
Din awkah a khaami sivai
ka pek hna lai;
Zeicahtiah Jerusalem profet hna
sinin ram dihlak ah
Pathian zeirellonak kha
a karh cang,” tiah a ti.
16 Ralkapbu Bawipa nih
hi bangin a ti:
Profet nih an chimmi bia kha
ngai hlah u,
ruahchannak pakpalawng in
nan lung an thawhtertu hna kha
an bia ngai hna hlah u;
Annih nih an chimmi langhnak
kan hmuh an timi cu
anmah lung chungin thil
an suaimi chungin a chuakmi a si,
Bawipa kaa chungin a chuakmi a si lo.
17 Bawipa bia zei ah
a rel lomi kha an thawh hna i,
‘Khuaawng na tong lai,’ an ti hna;
An lung a khonning cio in
a kalmi hna kha an thawh hna i
‘Na cungah vanchiatnak
a tlung lai lo,’ an ti hna.
18 Sihmanhsehlaw annih lakah
ahodah Bawipa
khuakhannak chungah aa tel i
aho nih dah a bia kha a theih?
Annih lakah aho nih dah
a bia cu an ngaih i an zulh?
19 A kangh in mi a kangmi thli,
Bawipa sinin a chuakmi khi
zohhmanh,
Òotho phuchim a si khi!
Miòhalo hna lung chungah
aa zi len ko.
20 Bawipa thinhunnak cu,
a lung chung tinhmi kha a tuah i
a tlinh hlanah cun aa let lai lo.
Hmailei caan ah mah hihi
fiang tein nan hngalh te lai.
21 Hi profet hna hi ka thlahmi an si lo,
asinain a tlik ko in an tli;
Bia zeihmanh ka chim hna lo,
asinain, heh tiah an chim.
22 Ka khuakhannak chungah
an rak i tel ve a si ahcun,
Ka bia kha ka mi hna sinah
thanh hna seh law,
òhat lonak lam an zulhmi le
thil òhalo an tuahnak khan
kirter hna seh.
23 Keimah cu lamnaite i a ummi
Pathian lawng maw ka si?
Lamhlat ah tah ka um ve lo maw?
24 Ka hmuh khawh lonak hmun
pakhatkhat ah minung hi
aa thup kho hnga maw?
Van le vawlei hi ka khat dih lo maw? tiah Bawipa nih a ti.
25 Ka min in lih a chimmi profet hna nih, ‘Mang ka manh cang, mang ka manh cang,’ an ti cu ka theih.
26 Hi profet hna, lih lawngte a chim i anmah nih an phuah chommi lawng a aupi lengmangtu hna nih hin, zeitik ah khin dik an aw hi an hei thlen te lai?
27 Hi an mang, pakhat le pakhat an i chimhmi thawng hin, ka mi hna cu ka min kha kan philhter hna lai, tiah an ruah; an pupa hna nih Baal min ruangah ka min an rak philh bantuk khan.
28 Profet pakhatkhat nih mang a manh ahcun, a mang cu chim ko seh, bia chim awk a ngeih ahcun, ka bia cu a ning tein chim ko seh. Favai le a fang cu nan thleidang kho hna lo maw, tiah Bawipa nih a ti.
29 Ka bia cu mei bantuk i kangh hmang a si lo mei? Lungpi a cheutu sobul bantuk a si lo mei?
30 Pakhat nih a dang pakhat sinin, cun a dang pakhat nih a dang pakhat nolh sinin, anmah hman awk cio ah ka bia a fir lengmangmi profet hna cu ka ralchanh hna, tiah Bawipa nih a ti.
31 Cun anmah bia kha keimah sinin a rami bia a si tiin a timi profet zong kha ka ralchanh hna, tiah Bawipa nih a ti.
32 Lih kha mang i a manh i a zuar òhan i ka mi hna kha hrokhrawl le pakpalawng in a pingah a hruaitu profet cu ka ralchanh hna, tiah Bawipa nih a ti. Annih a thlahtu hna kha keimah ka si lo, a fialtu hna zong ka si lo, cucaah hi profet hna nih hin hi mi hna hi zeihmanh an òhathnem hna lai lo. Mah hihi Bawipa bia hrimhrim a si.
33 Hi mi hna nih si hna seh, profet nih si hna seh, tlangbawi nih si hna seh, ‘ Bawipa bia thilrit cu zeidah a si?’ tiah an in hal ahcun, annih cu, ‘Nanmah hi a thilrit cu nan si, Bawipa nih nannih cu kan hlonh hna lai,’ a ti, tiah na leh hna lai.
34 Cun profet nih siseh, tlangbawi nih siseh, hi mi hna lak i pakhatkhat nih si seh, ‘ Bawipa bia cu thilrit a si,’ timi bia kha a hman ahcun, cu mipa cu le a innchungkhar cu dan ka tat hna lai.
35 Nanmah lakah nan i chawnh tikah nan hman awk hnga bia cu, ‘ Bawipa nih zeitindah a leh?’ ti maw, asiloah, ‘ Bawipa nih zeidah a chim,’ ti a si lai.
36 ‘ Bawipa bia cu thilrit a si,’ ti cu nan chim hrimhrim lai lo, zeicahtiah cu bantukin a chimmi cu a caah thilrit a si taktak lai; nan chim a si ahcun, Ralkapbu Bawipa, Pathian nung, kan Pathian a bia kha pakpalawng ah nan canter hna lai.
37 Profet sinah bia nan chim tikah nan chim ding ning cu, ‘ Bawipa nih zeitindah an leh?” ti maw, asiloah, ‘ Bawipa nih zeidah a chim?’ ti a si lai.
38 Sihmanhsehlaw ‘ Bawipa bia cu thilrit a si,’ tiah a timi paoh cu nan sinah Bawipa nih hitihin a ti: ‘ Bawipa bia cu thilrit a si,’ tiah nan ti lai lo, tiah bia kan cah hna nain, ‘ Bawipa bia cu thilrit a si,’ tiah nan ti caah, keimah hrimhrim nih thilrit bantukin kan phorh hna lai i kan hlonh hna lai,
39 cun nan pupa hna le nanmah kan pekmi hna khua cu nanmah he ka mit hmuh phak lo ah kan hlonh hna lai.
40 Nan cungah a dong lomi nihsawhnak le a dong lomi ningzahnak zeitikhmanh i philh ti lo ding kha ka tlunter lai, tiah a ti.