22
1-2 Bawipa nih Judah siangpahrang inn ah khan kal a ka fial i, “Maw Judah siangpahrang, David bawiòhutdan ah a òhumi nangmah le na bawi hna le na mi hna, hi kutka chungin a chuak a lutmi hna nih ngai tuah u, hihi Bawipa bia cu a si.
3 Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakòah le nuhmei hna cungah òhat lonak siseh, zaang-ennak siseh, tuah hlah u.
4 Hi bia nan ngaih lawnglawng ah, David bawiòhutdan cungah a òhumi siangpahrang hna, rangleng le rangtum i cit in an miòhi hna le an lalang hna he hi inn kutka chungah a lutmi an um rih lai.
5 Sihmanhsehlaw hi bia hi zei ah nan rel hna lo ahcun, hi inn hi a rawk lai tiin keimah min chalh in chiat ka ser, tiah Bawipa nih a ti. Ref 22.5: Mat 23.38; Luk 13.35
6 Zeicahtiah Judah siangpahrang inn kong ah Bawipa nih hi bangin a ti:
Nangmah cu ka caah
Gilead bantuk le
Lebanon tlangpar bantukin
i dawh hmanh law,
Ahohmanh an um lonak hmun
thetse ram ah kan canter lai.
7 Nangmah dotu dingah hriamnam he
a um òhepòhupmi bu,
a rawl a òammi bu kha
ka rak thlah lai.
Na sidar thing òha bikbik hna cu
an hau hna lai i
Mei chungah an paih hna lai.
8 “Cun miphun tampi hna chung mi cu hi khua pawng hin an kal te lai i pakhat le pakhat cu, ‘Zeicahdah Bawipa nih hi bang hin hi khuapi cungah hin a tuah hnga?’ tiah an i ti te lai.
9 Cun an i lehnak cu, ‘Annih nih Bawipa an Pathian biakamnak kha an hlawt i pathian dang kha an biak hna i an rian an òuan hna caah a si,’ ti a si lai,” a ti.
10 Nannih Judah mi hna,
Siangpahrang Josiah kha
òah hlah u,
A thih zun zong ngai hlah u;
Sihmanhsehlaw a fapa Shallum tu
kha lunghno ngaiin òah u,
Zeicahtiah kir ti lo dingin
an kalpi lai,
A chuahnak ram kha
zeitik hmanh ah
a hmu òhan ti lai lo.
11 Judah siangpahrang Shallum, Josiah fapa, a pa Josiah a chaangtu kong ah Bawipa nih, “Hika hmun hin a chuak cang i a ra kir òhan ti lai lo. Ref 22.11: 2Sia 23.31-34; 2Cha 36.1-4
12 An kalpinak ram ah khan a va thi lai i hi ram hi a hmu òhan ti lai lo,” tiah a ti.
Jehoiakim Kong i Jeremiah Bia
13 Dinlonak in a inn a sa i
Hlennak in a inn cungdot
khaan hna kha a ser i
man loin a rammi kha rian
a òuanter i
An òuan man nihlawh a pe
duh lomi cu a cungah
ningzahnak tlung ko seh.
14 ‘Keimah caah inn nganpi
pakhat ka sak lai i
Cungdot khaan kau pipi
ka ser hna lai,
Thlalangawng ka ser hna lai,
Sidar thing in ka òamh lai i si sen
ka thuh lai,’ a timi cu
A cungah ningzahnak tlung ko seh.
15 Na sidar thing kha
a òhat deuh ahcun
cu nih cun siangpahrang
na si kha a langhter maw?
Na pa kha ruat hmanh: tlamtling tein
ei awk din awk a ngeimi a si,
dingte le aa ruang tein thil
a timi a si,
Cucaah a caah zeizong vialte
a òha dih.
16 Mirethei le misifak cungah khan
bia ding tein a ceih,
Cu nih cun keimah a ka hngalh kha
a langhter a si lo maw,
tiah Bawipa nih a ti.
17 Sihmanhsehlaw nang cu miaknak dah
ti lo ahcun mit na ngei lo,
Zei dang ruat loin miaknak
lawnglawng kha na ruat.
A sual lomi thisen chuah khawh
nakding le
Hremnak le zaang-ennak
tuah khawh nakding
lawng kha naa ruah chih, tiah a ti.
18 Cucaah Judah siangpahrang Josiah fapa Jehoiakim kong ah Bawipa bia cu hi bangin a si:
‘Aize, ka nau, ka dawtmi ka nau,’
tiin siseh,
‘Aize, ka bawipa le ka siangpahrang,’
tiin siseh, a òahtu ahohmanh
an um lai lo. Ref 22.18: 2Sia 23.36§24.6; 2Cha 36.5-7
19 Laa vui bantukin amah cu
vui a si lai i
Jerusalem kutka lengah khan
an hnuh lai i an hlonh lai.”
Jerusalem Kongah Jeremiah Bia
20 Jerusalem khuami hna,
Lebanon ah khin
hung kal u law hung au tuah u,
Bashan ah khin fak piin
hung au tuah u;
Abirim in fak piin au u,
zeicahtiah nanmah sin i
a òangmi vialte kha an sung cang.
21 Nan tlam a tlin lioah kan chawnh hna,
Sihmanhsehlaw ngaih nan duh lo.
Mah hihi nan tlanval lio in nan
umtuning a si tawnmi a si;
Zeitikhmanh ah ka bia
nan ngai bal lo.
22 Nan hawile vialte cu
thlitu nih a kalpi hna lai i
Nanmah an dawtu vialte hna kha
saltannak chungah an lut lai.
Khi tikah nan òhat lonak ruangah
ningzahnak le nautatnak nan in lai.
23 Maw Lebanon i a ummi hna,
Sidar thing lak i bu a sami hna,
Nau nganfahnak bantuk nganfahnak
nan cung i a phak tikah,
Zeitluk in dik nan hei i lawngh
len te lai!
Koniah Cungah Pathian Biaceihnak
24 “Ka nun bangin,” tiah Bawipa nih a ti: Jehoiakim fapa Koniah,b Koniah ti zong, Jehoiachin ti zong a si. Judah siangpahrang cu ka orhlei kut cung i min khenhnak kutdonghrolh na si ti lai lo. Koniah, nangmah cu kan phawi lai. Ref 22.24: 2Sia 24.8-15; 2Cha 36.9-10
25 Nangmah thah an duhmi, nangmah nih na òihmi hna Babilon siangpahrang Nebukhadnezzar le Khaldi mi hna kut chungah khan nangmah cu kaan chanh lai.
26 Cun nangmah le an hringtu na nu cu nan chuahkehnak ram a si lomi ramdang ah kan hlonh vurmar hna lai i khika ah nan pahnih in nan thi lai.
27 Nanmah ram, nan ngaih ngaingaimi ram ah khan nan kir òhan ti lai lo.
28 Hi mipa Koniah hi mi nawl lawng in a ummi, zeihmanh i rel awktlak lo le santlailo, ahohmanh i duh lomi thil a si maw? Amah le a fale hna cu an hngalh bal lomi ram ah hlonh vurmar le dawi an si hi zeidang ruangah a si hnga maw?
29 Maw ram, ram, ram,
Bawipa nih a chimmi cu ngai tuah.
30 “Hi pa hi upatnak vialte chuh dihmi,
amah chan chung i
a hlawhtling lo ding,
David bawiòhutdan cung i
òhu ding siseh,
Judah ram chung a uktu ding siseh,
Tefa zeihmanh a thlau lomi, tiin
òial tuah,” tiah Bawipa nih a ti.