19
1 Cun Jesuh cu Pilat nih a kalpi i a tukter hna.
2 Ralkap nih hling in siangpahrang luchin an kualh i a lu ah an chinh, angki fual sendung in an fam;
3 an va kal hnawh i, “Judah siangpahrang, na nunkhua sau ko seh,” an ti i a hmai ah an bengh.
4 Pilat cu a va chuak òhan i an sinah, “Zohhmanh u, a cungah sualnak ka hmu lo ti hngalhnak ah nan sinah ka chuahpi,” a ti hna.
5 Cuticun Jesuh cu hling luchin chinh le angki fual sendung fam bu cun a ra chuak. Pilat nih an sinah, “Zohhmanh u, mipa hi,” a ti.
6 Tlangbawi upa hna le cawngtu bawi hna nih an hmuh tikah, “Vailam ah tah ko, vailam ah tah ko,” tiah an au. Pilat nih cun, “Nanmah nih i lak u law vailam ah cun va tah u, kei cu a sualnak ka hmu lo,” a ti hna.
7 Judah mi hna nih cun hitihin an leh. “Phung kan ngei i cu phung ning cun a thih awk a si; zeitintiah Pathian Fapa ah amah le amah aa ser,” an ti.
8 Cu bia cu Pilat nih a theih tikah a òih chinchin;
9 zung chungah cun a vung lut òhan i Jesuh cu, “Khuazei mi dah na si?” a ti. Jesuh nih zeihmanh a let lo.
10 Cucaah Pilat nih, “Bia na ka let lai lo tih? Nangmah thlah khawhnak nawl ka ngei i vailam i tah khawhnak nawl zong ka ngei ti hi na hngal lo maw?” a ti.
11 Jesuh nih hitihin a leh, “Cunglei in pek na si lo ahcun ka cungah nawl na ngei hnga lo; cucaah na sinah a ka chuahpitu hna hi an sualnak a ngan deuh,” a ti.
12 Cu ruangah cun Pilat nih chuahter a tim nain Judah mi cu an au i, “Hi pa hi na chuahter ahcun Sizar siangpahrang hawi na si lo; zeitintiah siangpahrang ah amah le amah aa sermi cu Sizar siangpahrang ralchantu a si,” an ti.
13 Cu bia cu a theih tikah Jesuh cu a rak chuahpi i òuang cung i Hebru holh in Gabbatha timi Lungphah, biaceihnak òhutdan ah khan Pilat cu a òhu.
14 Lanhtak Puai Timh ni a si i chunlai a si. Judah mi hna sinah cun, “Zohhmanh u, nan siangpahrang hi!” a ti hna.
15 “That ko, that ko, vailam ah tah ko!” tiah an au. Pilat nih, “Nan siangpahrang cu maw vailam ah ka tah lai?” a ti hna. Tlangbawi upa hna nih, “Sizar dah ti lo cu siangpahrang dang kan ngei lo,” tiah an leh.
16 Cun vailam tah awkin Jesuh cu Pilat nih a chanh hna.
17 Cun Jesuh cu an kalpi. Luruh hmun, Hebru holh in Galgotha timi ah cun amah vailam tung i put in a kal.
18 Cuka ah cun vailam ah an tah; midang pahnih zong a sirlei veve ah an tah hna i Jesuh cu a laiah an tah.
19 Pilat zong nih ca a òial i vailam ah a taar; a òialmi cu “Nazareth khuami Jesuh, Judah mi Siangpahrang,” ti a si.
20 Vailam an tahnak hmun cu khualipi pawng a si caah ca òialmi cu Judah mi tampi nih an rel; Hebru, Latin le Grik holh in aa òial.
21 Judah tlangbawi upa hna nih Pilat cu, “Judah siangpahrang, tiin òial hlah, ‘Judah Siangpahrang ka si aa ti,’ tiin òial,” an ti.
22 Pilat nih, “Ka òialmi cu ka òial ko cang,” a ti hna.
23 Ralkap hna nih Jesuh vailam i an tah khawh cun a puan kha an lak i cheu li ah an chuah; ralkap pakhat nih cheukhat cio in an co. A angki fual zong an lak i hliah ngei lo a si, a lu in a ke tiang aa tlai in tahmi a si;
24 cucaah, “Thlek hlah u sih, ahodah a co hnga, camcawhfung in zuk u sih,” tiah pakhat le pakhat an i ceih; cucu Cathiang nih,
“Ka puan cu anmah le anmah an i phaw,
Ka angki cu camcawhfung in an zuh,”
a timi kha a tlin nakhnga caah a si.
25 Cuticun ralkap nih cun an tuah. Jesuh vailam pawngah cun a nu Mary le a nu unau Kleopas nupi Mary le Magdala khuami Mary hna zong an dir ko.
26 Jesuh nih a nu le a dawtmi a hnuzul an dir ko kha a hmuh hna i a nu sinah, “Ka nu, na fapa kha zohhmanh!” a ti.
27 Cun a hnuzul sinah cun, “Na nu kha zohhmanh!” a ti. Cu thawk cun a hnuzul nih cun a inn ah a tlunpi.
28 Cu hnu cun Jesuh nih zeizong vialte a tling dih cang ti a hngalh i (Cathiang a tlin nakhnga) “Ka ti a hal,” a ti.
29 Cuka ah cun mitsur zu thor umpu khat in a um; mitsur zu thor ah cun puan an hnim i fung par ah òemh in a kaa ah an hun tuh.
30 Jesuh nih mitsur zu thor cu a vun dawp i, “Aa lim cang,” a ti; a lu a khun i a cat.
31 Cucu Timh ni a si caah sabbath ni ah ruak cu vailam i an i thlai lo nakhnga (sabbath cu ni pipa a si caah) Judah mi nih Pilat kha an ke khiah i lak awkin an nawl.
32 Cucaah ralkap an ra i tonter pa le Jesuh khatlei kam i vailamtahmi kha an ke an khiah hna.
33 Jesuh sin an rak phanh tikah a rak thih cang kha an hmuh caah a ke cu an khiak lo.
34 Sihmanhsehlaw ralkap lak i pakhat nih a hnak ah fei in a chunh i chikkhatte ah ti le thi a hung chuak.
35 Nannih zong nih nan zumh khawh nakhnga a mit hrimhrim in a hmumi nih a chim. A chimmi cu ahmaan i biatak a chim ti a hngaltu a si.
36 Cathiang nih, “A ruh pakhat hmanh an khiak lai lo,” a timi kha a tlin nakhnga hi thil hna hi a tling.
37 Cathiang bia dang zong nih, “An chunhmi pa cu an zoh te lai,” a ti fawn.
38 Cu hnuah cun Judah mi òih ruangah a thli tein Jesuh a rak zultu Arimathea khuami Josef nih Pilat sinah Jesuh ruak lak awk a hal i Pilat nih laknak nawl a pek. Cucaah a ra i a ruak cu aa kalpi.
39 A hlan deuh i zan ah a sin i a rak ra cangmi Nikodemu zong kha a ra i mura le aloi cawhmi zihmui pawng zakhat a rak i put.
40 Jesuh ruak cu an lak i Judah mi vui phung in zihmui an thuh i puan hmangòhia in an zual.
41 Vailam an tahnak pawngah khan dum a um i cuka ah cun ahohmanh vui bal rih lonak thlan tharte a um.
42 Judah mi Timh ni a si ruang le thlan zong cu a naihte fawn caah cuka ah cun Jesuh cu an vui.