1 Lanhtak Puai hlan khan hi vawlei kaltak i Pa sinah kal caan a phan cang ti kha Jesuh nih a hngalh. Hi vawlei ah a ummi a mi hna cu a dawt tawn hna bantuk khan a dongh tiangin a dawt hna. 2 Zanriah an ei lioah khan Simon Iskariot fapa Judah Iskariot lung chungah amah rawi dingin khuachia nih a rak chiah. 3 Pa nih zeizong vialte a kut ah a pek ti le Pathian sinin a rami a si i Pathian sinah a kal lai ti kha Jesuh nih a hngalh. 4 Zanriah an ei lioah cun Jesuh cu a tho i a angki fual aa phoih, hmaihnawhnak puan a tai ah a menh. 5 Hmaihum ah ti a thlet i a hnuzul hna kha an ke a òawl hna i a tai i aa menhmi puan cun hnawh a thawk. 6 Simon Peter sin a phanh tikah, “Bawipa, ka ke maw na ka òawl hnga?” a ti. 7 Jesuh nih, “Ka tuahmi hi zei a si ti awk atu ah na hngal rih lo, asinain a hnuah cun na hngalh te ko lai,” tiah a leh. 8 Peter nih a thawh i, “Ka ke cu na òawl bal hnga lo,” a ti. Jesuh nih, “Ka òawl lo ahcun keimah ah naa pehtlai hnga lo,” a ti. 9 Simon Peter nih, “Ka ke lawng si loin ka kut he ka lu he tah,” a ti. 10 “Aa khawlh cangmi cu a ke dah ti lo cu òawl a hau ti lo, zeicahtiah a pumpuluk in a thiang; nannih zong nan thiang, nan dihlak belte in nan thiang lo,” tiah Jesuh nih a ti. 11 Zeitintiah aho nih dah a rawi lai kha a hngalh. Cucaah, “Nan dihlakin nan thiang lo,” a tinak cu a si.

12 An ke a òawl dih hna hnu cun a hnipuan a lak i a òhutnak ah khan a òhu òhan. A thawh hna i, “Nan sinah ka tuahmi hi nan hngal maw? 13 Cawnpiaktu le Bawipa, tiah nan ka ti; nan hmaan ko, zeitintiah ka si taktak. 14 A si ahcun, nan Bawipa le Cawnpiaktu keimah nih nan ke kan òawlpiak hna ahcun nannih zong pakhat le pakhat nan ke nan i òawlpiak ve awk a si. 15 Zeicahtiah zohchunh awk kan pek cang hna, nan cungah ka tuah bantuk khan nannih zong nih nan tuah ve awk a si,” a ti. 16 Biangaite ka chim, a miòhi cu a Bawipa nakcun a ngan deuh lo; thlahmi zong thlahtu nakin a ngan deuh fawn lo. 17 Hi thil hna hi nan hngalh ahcun nan tuah tikah mithluachuak si ko u. 18 Nan dihlakin kan ti hna lo; ka thimmi cu ka hngalh hna. Cathiang ah, “Ka changreu eitu nih a kuttum in a ka zuanh,” a timi kha a tlin nakhnga caah a si. 19 A phanh hlanah atu in kan chimh chung hna; cucu a phanh tikah Keimah a simi ka si hi nan hngalh nakhnga caah a si. 20 Biangaite kan chimh hna, ka thlahmi paoh a cohlangmi cu keimah a ka cohlan a si i a ka cohlangmi paoh cu a ka thlahtu a cohlan a si,” a ti hna.

21 Jesuh cu cuti a chim hnu cun a si a vang i, “Biangaite kan chimh hna, nanmah lak i pakhat nih nan ka rawi lai,” tiah a ti. 22 A hnuzul hna cu pakhat le pakhat an i zoh i aho bik dah a si hnga ti an fiang lo. 23 Jesuh nih a dawtmi hnuzul pakhat cu amah chang ah a òhu; 24 Simon Peter nih a kut a hei zauh i, “Ahodah a kan ti hnawhchan, hei chim,” a ti. 25 Jesuh cu a hei naih deuh i, “Bawipa, ahodah a si?” a ti. 26 Jesuh nih, “Mah hi changcheu hi hnimcia in ka pekmi pa kha a si,” a ti. Cucaah changcheu cu a hnim i Simon Iskariot fapa Judas kha a pek. 27 Cun chang a pek hnu cun Satan a chungah a lut. Jesuh nih a thawh i, “Na tuah hngami cu tuah zokzok ko,” a ti. 28 Zeicahdah cuti a chim ti kha rawl a dummi ahohmanh nih an hngal lo. 29 Acheu nih Judas nih cun tangka kuang a ken caah Jesuh nih, “Puai ca i kan herhmi va caw,” ti maw, asiloah, sifakmi zeital pek a fial rua, tiah an ruah. 30 Cucaah changcheu a lak hnu cun a chuak colh; cu caan cu zan a si.

31 A chuah hnuah cun Jesuh nih, “Atu cun Mi Fapa cu sunlawiter a si cang i amah ah cun Pathian zong sunlawiter a si cang. 32 Pathian cu amah ah sunlawiter a si ahcun Pathian zong nih amah ah cun Mi Fapa cu a sunlawiter lai i a sunlawiter colh ko lai. 33 Fale hna, nan sinah caan tlawmpal lawng ka um rih lai. Nan ka kawl lai; sihmanhsehlaw Judah mi hna sinah ka rak chim cang bantuk khan atu nan sin zongah ka chim, ‘Ka kalnak ah cun nan ra kho lo.’ 34 Nawlbia thar kan pek hna; nannih pakhat le pakhat i daw u; keimah nih kan dawt hna bantuk hin nannih zong pakhat le pakhat i daw ve u; 35 pakhat le pakhat nan i dawtnak thawngin mi vialte nih keimah hnuzul nan si kha an in hngalh hna lai,” a ti.

36 Simon Peter nih, “Bawipa, khuazei ah dah na kal lai?” a ti. Jesuh nih, “Ka kalnak ah cun atu ah cun nan ka zul kho rih lai lo; sihmanhsehlaw a hnu deuh ah nan ka zulh te lai,” a ti. 37 Peter nih, “Bawipa, zeicahdah atu ah kan zulh khawh lo? Na caah cun ka nunnak zong ka pek ko lai,” a ti. 38 Jesuh nih a thawh i, “Ka caah na nunnak na pek taktak lai maw? Biangaite kan chimh, ar a khuan hlanah voi thum tiang na ka hlawt lai,” a ti.