21
Benjamin Mi Hna Caah Nupi Ca Khuakhannak
1 Cun Israel mi hna nih Mizpah ah khan, “Ahohmanh nih kan fanu hna cu Benjamin mi sinah òhit awkah kan pe hna lai lo,” tiah chiat an ser.
2 Cun mi hna cu Bethel ah an ra i Pathian hmaiah zanlei tiang an òhu i aw thang piin, lunghno ngaiin an òap.
3 Cun annih nih, “Maw Bawipa, Israel mi Pathian, zeicahdah Israel mi chungah hi thil hi a hung um i Israel mi lakin nihin ah hin phun khat cu an bau?” tiah an ti.
4 Cun a thaizing ah mi cu zingka tein an tho i khika ah biakòheng pakhat an ser i khangh thawinak le daihnak thawinak kha an pekchanh.
5 Cun Israel mi nih, “Israel miphun vialte lakah ahodah Bawipa sin i i pumhnak ah a chuak lo?” tiah an ti. Zeitintiah annih nih Mizpah ah Bawipa sin i a ra lomi kongah khan chiatsernak nganpi pakhat an ser i, “Thah a si lai,” an ti.
6 Cun Israel mi nih an nau Benjamin cungah cun zaangfahnak an ngei i, “Nihin ah hin Israel mi sinin phun khat cu chok an si.
7 Kannih nih Bawipa min in kan fanu hna cu an nupi caah kan pe hna lai lo tiah chiat kan ser cang caah, a tang rihmi hna caah cun an nupi caah zeidah kan tuah lai?” tiah an ti.
8 Cun annih nih, “Israel miphun hna lakah aho set dah Bawipa sinah Mizpah ah a hung kal lomi a si?” an ti. Cun zohhmanh, Jabesh-gilead in, aa pummi bu sinah riahhmun ah ahohmanh an ra lo.
9 Zeitintiah mi cu an pumh hna tikah zohhmanh, Jabesh-gilead i a ummi cu khika ah pakhat hmanh an um lo.
10 Cucaah aa pummi nih an mi ralòha bik 12-000 hna cu khika ah an thlah hna i, “Va kal u law, Jabesh-gilead mi hna cu vainam in va sam hna u, nu zong, ngakchia zong.
11 Mah hihi nan tuah awk cu a si lai; pa vialte le pa he a it cangmi nu vialte cu nan thah cikcek hna lai,” tiah an ti.
12 Cun Jabesh-gilead i a ummi hna lakah cun pa a hngal rih lomi ngaknu 400 an hmuh hna; annih cu Kanaan ram chung i a ummi Shiloh i riahhmun ah khan an ratpi hna.
13 Cun aa pummi vialte nih cun Rimmon lungpi i a ummi Benjamin mi sinah khan bia an hei cah hna i annih kha remnak bia an thanh hna.
14 Khi caan ah Benjamin mi cu an ra kir i Jabesh-gilead i an zuahmi nu hna kha an pek hna; sihmanhsehlaw an i za lo.
15 Bawipa nih Israel miphun hna chungah kuainak pakhat a ser caah, Benjamin mi hna cungah cun zaangfahnak an ngei.
16 Cun aa pummi hna lak i upa hna nih cun, “A tang rihmi hna cu an nupi caah zeidah kan tuah lai, Benjamin mi hna lak i nu hna cu hrawh an si cang òung?” an ti.
17 Cun annih nih, “Benjamin mi hna lakin a nung rihmi hna caah hin ro a um hrimhrim awk a si lai, Israel mi chungin miphun pakhat cu a loh nakhnga lo.
18 Sihmanhsehlaw kan fanu hna cu nupi caah kan pe kho hna lo,” an ti. Zeitintiah Israel mi nih chiat an ser cang i “Benjamin mi nupi a pemi cu chiat si seh,” an ti.
19 Cucaah annih nih, “Zohhmanh, Bethel chaklei, Bethel in Shekhem i a hung kalmi lam nichuahlei, Lebonah thlanglei ah a ummi Shiloh ah kumfatin Bawipa caah puai an tuah tawnmi a um,” tiah an ti.
20 Cun Benjamin mi kha nawl an pek hna i, “Va kal u law, mitsur dum chungah khan va bawh hna u law, va ngia hna u.
21 Cun Shiloh khua ngaknu hna nih lamnak chung i i tel ve awkah an ra chuah tikah, mitsur dum chung cun ra chuak u law, Shiloh ngaknu hna cu pakhat nih pakhat cio nupi ah i tlaih hna u law, Benjamin ram ah kal tuah u.
22 Cun annih an pale nih maw an òale nih maw kan sinah zai awkah an rat tikah kannih nih annih cu, ‘Raldoh lioah khan an nupi ca ding cio kan rak lakpiak òung hna lo, nannih zong nih nan rak pe hna lo, rak pe hna u law, atu ah mawhchiat nan si hnga, cu caah zaangfahnak in kan pe ko hna u,’ tiah kan rak ti hna lai,” an ti.
23 Cun Benjamin mi hna nih cu bangin an tuah i, an kalpimi hna a lammi hna lakin anmah zat tein nupi an i lak hna. Cun an kal i an covo ram ah khan an kir i khua kha an ser òhan hna i an chungah an um.
24 Cun Israel mi cu khi caan ah khika in anmah le an phun le an innchungkhar sin cio ah khan an kir i, khika in anmah le an covo ram cio ah khan an kal.
25 Khi caan lioah khan Israel mi lakah siangpahrang an um lo; ahopaoh nih anmah duhmi cio kha an tuah ko. Ref 21.25: Biac 17.6