5
1 “Au tuah hna, an lettu ding
an um hnga maw?
Mithiang aho cu dah
na fuh bik hna lai?
2 Asi taktak ko, thinhunnak nih
mihrut kha a thah hna i
nahchuahnak nih lungthin
tlawmmi kha a nawn hna.
3 Mihrut nih ngeihchiah hram
an thlak kha ka hmuh,
sihmanhsehlaw an umnak cu
chiat ka serh colh.
4 An fale hna cu an him deng
naisai lo i
hauka ah khan lamh chih an si,
annih chanhtu ding kha
ahohmanh an um lo.
5 An rawl òuanmi cu rawlòammi nih
an ei i
hling lak rawl hmanh kha an laak;
Cun tihalmi nih an chawva kha
an chuh hna.
6 Zeicahtiah temhinnak cu
leidip chungin a ra lo i
harnak cu vawlei in a kheu lo;
7 Sihmanhsehlaw meici cu cunglei ah
a choi phung a si bantukin,
minung cu harnak hmu dingin
8 “Kei cu, nang ka si ahcun,
Pathian kha ka fuh ko hnga i
amah sinah khan ka konglam cu
ka chiah ko hnga;
9 Amah nih thil lianngan hna le
ruah phak lomi thil hna le
khuaruahharmi thil kha
rel cawk loin a tuah hna:
10 Vawlei cungah ruah a surter i
Lo chungah ti kha a luanter hna;
11 Minauta cu cungsang ah a chiah hna i
ngaihchiami cu himnak ah
a cawi hna.
12 Mizer hna khuakhannak cu
pakpalawng ah a canter,
cucaah an kut nih an i tinhmi cu
an tlinter kho hna lo;
13 Mifim hna cu anmah zernak lila ah
khan a foih hna i
mihrokhrawl hna timhtuahnak cu
khulrang in a dong. Ref 5.13: 1Kor 3.19
14 Chun ah muihnak he an i tong i
chunlai ah zan bantukin
an i dap lengmang.
15 Sihmanhsehlaw ngakòah hna cu
an kaa chung khan a khamh hna i
mipam hna cu a òhawngmi hna
kut chung khan a khamh hna;
16 Cucaah sifakmi nih ruahchannak
an ngei i
biadinglo nih khan a kaa a cip.
17 “Zohhmanh, Pathian nih a
chimhhrinmi cu lunglawmmi a si;
Cucaah Lianngan Bik chimhhrinnak
cu zeirello in um hlah. Ref 5.17: Phut 3.11; Heb 12.5-6
18 Zeicahtiah amah nih hriamhma
an inter,
asinain amah lila nih an men òhan;
Amah nih cun an tuk, sihmanhsehlaw
a kut nih an damter òhan. Ref 5.18: Hos 6.1
19 Amah nih harnak paruk chungin
an chuah lai,
pasarih chung zongah òhat lonak
zeihmanh nih an tawng lai lo.
20 Mangòam a tlun tikah amah nih
thihnak chungin an khamh lai,
ral chungah vainam òhawnnak
chungin an tlanh lai.
21 Congoihnak a um tikah a phaw
an chonkanh lai i
rawhralnak kha a rat tikah
na òih awk a herh lai lo.
22 Rawhralnak le mangòam
an tlun tikah na ni lai i
vawleicung sahrang kha
na òih hna lai lo.
23 Lo chung lung hna nih cun
hna an in hnawh lai lo i
lo chung sahrang hna he cun
rem tein nan um lai.
24 Na thlam cu a him kha
na hngalh lai i
na kawm kha na zoh lai i
zeihmanh a bau lai lo.
25 Na tefa hna cu tampi
an si lai kha le
Na hrinsor hna cu vawlei i
ram bantuk an si lai kha
na hngalh fawn lai.
26 Rawl phal tommi cu amah caan te ah
phuhri a phanh bantukin.
Chan tling cikcek tein
thlankhor na phan lai.
27 Zohhmanh, mah hihi kan dothlat
cikcek i ahmaanmi a si,
Biatak a si caah na ca i a òha dingah
i lak tuah,” tiah a ti.