4
Elifaz Nih Job Kha A Mawhchiat
1 Kha tikah Teman mi Elifaz nih khan a leh i,
2 “Na sinah bia kaa khat in
chim ning law,
na thin a hung hnga maw?
Asinain, ahodah chim loin
a um kho hnga?
3 Zohhmanh, nangmah nih mi tampi
na rak cawnpiak hna i
kut a dermi cu na rak òhawnter hna.
4 A ril lengmangmi cu na bia nih
a tun hna i
a derthawmmi khuk cu nangmah nih
na fehter hna.
5 Sihmanhsehlaw atu cu nangmah
cungah harnak tlun caan
a phan i na thin a tawi,
nangmah cu an tawngh i
na lung a dong.
6 Pathian na òihnak cu naa bochanmi
a rak si lo maw?
Na ziaza tlinnak cu naa hngatchanmi
a si lo maw kha?
7 Atu hi ruat hmanh, zeihmanh
a sual lomi cu a rawkral bal maw?
Khuazei tal ah miding cu
hloh an si bal maw?
8 Keimah ka hmuhning ah cun
òhat lonak lei a thuangtu hna le
harnak a tuhtu hna nih cun,
cu òhiamòhiam cu an zun tawn.
9 Pathian thaw in an rawk i
a thinhunnak in a chem hna
thawngin an kang dih.
10 Miòhalo hna cu chiandeih bantukin
an ngur i an awn,
sihmanhsehlaw Pathian nih a daihter
hna i an ha a thlongh hna.
11 Seh awk le ei awk a hmu ti lomi
chiandeih bantukin an thi i
an fale cu an i òhek dih.
12 “A thli tein ka sinah bia a phan i
ka hna nih an i ceih sepmapmi cu
a theih.
13 Mi an i hngilh hluahmah lio i zan i
langhnak ka hmuhmi ka ruah tikah. Ref 4.13: Job 33.15
14 Òihnak le thathernak kha
ka cungah a tlung i
ka ruh vialte kha a therter dih hna.
15 Thaw nih ka hmai kha a ka chem i
ka hmulthi a ling;
16 Mui thluamthlam cu khika ah
a dir ko,
sihmanhsehlaw a mui kha
ka hliah kho lo;
Thil pakhat ka hmaiah a hung lang i
thawng pakhat, a aw
a kua ngaimi cu ka theih:
17 ‘A thi khomi minung hi Pathian
hmaiah cun a ding kho maw?
Minung hi a Sertu hmaiah
a thiang kho maw?
18 Pathian nih a sinum hna hmanh kha
a zum kho hna lo i
a vancungmi hna hmanh kha,
nan palh, tiah a ti hna;
19 Cucaah tlak inn ah khua a sa i
a hram cu leidip a si i
pelep bangin a man khomi cu
zeitluk in dah a ti chinchin hna lai.
20 Zinglei le zanlei karlak ah
an rawk dih;
ahohmanh i theihhngalh set loin
an lo lan.
21 An lak in an thlam hri cu cat lak in
hnuh a si ahcun,
fimnak ngei loin an thi men
ko lo maw?