18
Bildad Nih Miòhalo Hna Umtuning A Chim
1 Cun Shuh mi Bildad nih a leh i:
2 “Zei can dah bia cu na kawl
rih lai?
Ruat hmanh law kannih nih
kan chim lai.
3 Zeicahdah kannih cu saòil bantuk ah
na kan rel?
Zeicahdah kannih cu a hrutmi
saram bantuk ah na kan hmuh?
4 Nangmah nih cun, keimah hi
ka hmaan, na ti;
Hi na timi hi ahmaan taktak
ti nakding caah,
Vawlei hi chuahtak dih i lung hna hi
an umnak hmun in òhial dih maw
5 “Sihlah, a ceunak hmih a simi cu
miòhalo a si i
A mei cun meizik a chuak òhan
ti lai lo. Ref 18.5-6: Job 21.17
6 A thlam chungah ceunak cu a mui i
a chung i a meiinn cu a mit.
7 A kehlan cu a rak fek,
sihmanhsehlaw atu cu
a ther,
Amah khuakhannak lila nih khan
a thluk;
8 Sur chungah khan a lut i tlung kha
aa lamh.
9 Rap nih a kedil in a foih i a val nih
khan fek tein a hren.
10 Vawlei ah hri kha an valhhnawh,
lam ah rap kha an chiahhnawh.
11 Òihnak nih a kenkip in
an chuahhnawh i
a hnulei in an dawi lengmang.
12 A rak òhawng ngaingai nain, atu cu
òihnak in a zeng ko.
A pawng in vanchiatnak nih
a dirhnawh ko.
13 Zawtnak òhalo nih a pum cu
a zual dih i a kutke hna cu
an thu dih.
14 A inn chung i him tein a umnak
hmun khan an hnuh i
Thihnak Siangpahrang òihnung
hmaiah khan an chuahpi.
15 A innchung ah khan zeihmanh
a tang ti lo.
A umnak ah khan kaat a phulh.
16 A hram cu tanglei ah a car i
an nge cu cunglei ah a ro;
17 Amah hngalh camcinnak kha
vawlei in a lo i vawlei cungah
min a chia ta lo.
18 Amah cu ceunak in muihnak ah
nam a si i
minung umnak vawlei cungin
dawi a si.
19 A mi hna lakah tefa siseh,
ciruang siseh, a ngei hna lo;
A rak umnak tawn vawlei ah khan
a nung in a rohmi an um lo.
20 Nitlaklei mi hna nih a kong an theih
tikah an tuk a sum i
Nichuahlei mi hna cu an thlakawk
a bar hna.
21 Òhat lonak a tuahmi hna khuasaknak
hmun cu cu bantuk cu a si i
Pathian zei ah a rel lomi hna umnak
hmun cu
mah bantuk cu a si,” tiah a ti.