2
Hlawhhlangnu Gomer—Zumhtlaklo Israel
1 Na òa Ammid Ammi ti cu ka mi nan si, tinak a si. le na far
Ruhamah cu chim hna law
2 Nan nu cu lem tuah u,
Amah cu keimah nupi a si lo maw?
Keimah cu a va ka si lo maw?
Hlawhhlangnu muisam
a kenmi cu a hlawt i
a duhtu hna cu a òang in
a òhen hna nakhnga, lem tuah u.
3 Cu ti a si lo ahcun ka phoih
dih lai i
a chuah ni i taklawng in a um
bantuk khan ka hlih dih sual lai;
Ram car bantukin ka tuah lai i
thetse car in ka car sual lai i
tihal in ka thihter sual lai.
4 A fale zong kha ka daw phit
hna lai lo;
Annih cu nu zuangzam fa an si i,
5 An nu kha hlawhhlangnu a si ai,
Annih a pawitu hna cu
ningzah a hngal lomi,
Aa thawh i, “A ka duhtu cu
ka dawi ko hna lai;
rawl le din awk le
sahmul le laa le chiti le zihmui
an ka pek paoh ahcun,”
a timi kha a si.
6 Cucaah a lam cu hlingbur in
ka kham hna lai i dai kha
ka chon hna lai,
Cuticun a zulh tawnmi a lam kha
zul kho loin ka tuah lai.
7 A duhtu kha a dawi hna tikah
a phan hna lai lo,
A kawl hna tikah a hmu hna lai lo;
Cu tikah aa thawh lai i, “Ka va sinah
khan ka kir òhan lai, amah sin i
ka rak um ah khan atu nakin
ka caah a òha deuh,” a ti lai.
8 Anih nih cun rawl le mitsur hang
thar le chiti a petu kha keimah
ka si kha a hngal lo i
Baal siasal sernak ca i an hmanmi
sui le ngun tam piin
amah a petu kha keimah
ka rak si kha a hngal fawn lo.
9 Cucaah rawl òuan caan ah
ka rawl cu ka lak òhan hna lai i
Mitsur hang nen caan ah ka mitsur
hang cu ka lak òhan hna lai;
A taklawng i khuhnak ding caah
ka pekmi sahmul le la kha
ka lak òhan hna lai;
10 Cuticun zei bantuk mihur dah
a si kha ka langhter lai i
Ahohmanh nih ka sinin
amah fir kha an duh ti lai lo.
11 Aa nuamhnak vialte,
a khualtlawnnak tehna,
thla thar tehna,
sabbath tehna, puai tehna cu
ka donghter hna lai.
12 A duhtu hna nih an ka phalhmi
a si tiah a timi mitsur ruang le
theipi kung hna kha
ka hrawh hna lai i
Ramlak saram an tlonnak
ramlak ah ka ser hna lai.
13 Baal sin i raithawinak a khangh ni,
a ni thiang hna,
Hnatonh aa tonh i òhi aa oih i
a duhtu hna a dawi hna i
keimah a ka philh ni hna
ruangah khan dan ka tat lai,
tiah Bawipa hrimhrim nih a ti.
Bawipa Nih A Mi Kha A Dawt Hna
14 Sihmanhsehlaw atu cu ngaihmanh,
Ka lem òhan lai i ramlak ah cun
ka kalpi lai i ka hnemh lai.
15 Khika ah a mitsur dum cu
ka pek òhan lai,
Harnak Horkuang cu Ruahchannak
Kutka ah ka ser lai i
Izipt ram in a chuah i a no lio bantuk
khan khika ah a ka leh lai. Ref 2.15: Jos 7.24-26
16 Khi ni ah cun, “Ka va,”
a ka ti lai i, “Ka Baal,”
a ka ti ti lai lo.
17 Baal hna min hrimhrim kha
a hmur in ka hnawh hna lai i
an min hi a chim in chim an si ti lai lo.
Hihi Bawipa bia hrimhrim a si.
18 Khi ni ah Israel aiawh in ramsa hna le van i a zuangmi va hna le vawlei i a lawn mi thilnung hna he biakamnak ka ser lai i nunnak a ngeimi thil paohpaoh nih òihnak zeihmanh um loin an um òi khawh nakhnga likuk le vainam le ral hriamnam hna cu ka hrawh dih hna lai i vawlei cungin ka hloh hna lai i ka mi cu daite le him tein ka umter hna lai.
19 Maw Israel, nangmah cu
ka nupi ah
kan lak lai i na cungah
dinnak le zumhtlak in ka um lai;
dawtnak fek le zaangfahnak
dong lomi in kan dawt lai i
Bawipa cu na ka hngalh lai.
20 Ka biakam kha ka zulh lai i
nangmah cu keimah ta ah
kan ser lai i
nang zong nih na Bawipa ah
na ka ser lai.
21-22 Khi tikah ka mi Israel mi
an thlacamnak kha
ka leh hna lai.
Vawlei ah ruah ka surter lai i
rawl le mitsur le oliv thei kha
an chuah hna lai, tiah
Bawipa nih a ti.
23 Ram chungah khan ka mi kha
fek tein ka umter hna lai i
ka òhanchoter hna lai.
“Dawt lomi” hna tiah timi hna
cungah khan
dawtnak ka ngei lai i
“Ka mi an si lo,” timi hna kha,
“Ka mi an si,” ka ti hna lai.
Annih cu an pahnih in ka mi
nan si ka ti hna lai i,
Annih nih, “Kan Pathian na si,”
an ka ti lai. Ref 2.23: Rom 9.25; 1Pet 2.10