HOSEA 1 (HKB)

HOSEA

Hosea

1 Judah mi hna siangpahrang Uzziah, Jotham, Ahaz le Hezekiah le Israel mi hna siangpahrang Jeroboam, Jehoash fapa, an bawi lio caan i Beeri fapa Hosea sinah Bawipa bia a rami: Ref 1.1: 2Sia 14.23§15.7; 15.32§16.20; 18.1§20.21; 2Cha 26.1§27.8; 28.1§32.33

Hosea Nupi

2 Bawipa nih Hosea sinin Israel sinah a hmasa bik bia a chim tikah, Bawipa nih amah cu a thawh i, “Va kal law mizuangzamnu kha va òhi law cu mizuangzamnu he cun fa va ngei u; zeicahtiah hi ram hi Bawipa sinah zumhawktlak loin a um caah mizuangzamnu bantuk a si cang,” tiah a ti. 3 Cucaah cun a kal i Diblaim fanu Gomer kha a va òhit; cun fa a pawi i fapa a hrinpiak. 4 Cun Bawipa nih a thawh i,

“A min ah Jezreela Jezreel cu Bawipa nih a tuh lai, ti a si. va sak tuah;

Zeicahtiah Jezreel i thisen

an chuahmi

ruangah khan Jehu tefa hna cu

dan ka tat hna lai i

Israel pennak cu ka donghter lai. Ref 1.4: 2Sia 10.11

5 Khi ni ah Israel likuk cu Jezreel

nelrawn ah ka khiah lai,” tiah a ti.

6 Fa a pawi òhan i fanu a hrin i

Bawipa nih a thawh i,

“A min ah Lo-ruhamahb Lo-ruhamah cu Hramh Lo tinak a si. tiah

sak tuah,

Zeicahtiah Israel cu ka hram bal ti

lai lo i ka ngaihthiam bal ti

lai lo,” tiah a ti.

7 Sihmanhsehlaw Judah cu ka dawt lai i ka khamh lai. Li in siseh, vainam in siseh, ral hriamnam in siseh, rangtum in siseh, rangcung ralkap in siseh, ka khamh hna lai lo, sihmanhsehlaw Bawipa an Pathian in ka khamh hna lai.

8-9 Lo-ruhamah cu hnuk a thlei dih in fa a pawi òhan i fapa a hrin; cun Bawipa nih a thawh i,

“A min ah Lo-ammi” c Lo-ammi ti cu ka mi a si lo, tinak a si. sak tuah,

Zeicahtiah nannih cu ka mi

nan si lo i

Kei cu nan Pathian ka si lo,” tiah a ti.

10 Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai. Ref 1.10: Rom 9.26 11 Cun Judah mi le Israel mi hna cu hmunkhat ah fonh an si lai i anmahte nih hruaitu pakhat kha an i thim lai, cun annih nih ram kha an co lai, Jezreel ni cu a lianngan lai.