12
(Phut 3:11-12)
1 Kannih cu biatheitu hi tluk tam nih hin tichum zelh in an kan zelh caah nenhtu thilrit le a kan khihawh pengmi sualnak cu phenghei u sih law kan hmai i tlik zuamnak chiahpiakmi ah hin lungsau tein tli u sih.
2 Kan zumhnak ah a kan hmaisaktu le tlintertu Jesuh cu zoh peng u sih. Amah cu a hmaiah chiahpiakmi lawmhnak ruangah ningzahnak cu zeirel loin vailamtah thihnak kha a in i Pathian bawi òhutdan orhlei ah a òhu cang.
3 Misual hna huathaihnak a temingtu kha ruat u law zaangbang le hnabeidong in nan um lai lo.
4 Sualnak nan dohnak ah hin thi chuak tiangin nan ingtuar rih lo.
5 Fale bantukin an chimhrinnak hna kha nan philh dahra?—
“Ka fapa, Bawipa chimhhrinnak cu zei sawngthlai loin um hlah,
Dan an tat tik zongah na lung dong hlah.
6 Zeitintiah Bawipa nih a dawtmi cu a chimhhrin hna i
Fa ah a cohlanmi cu a velh tawn hna,” ti a rak si.
7 Chimhhrinnak cu ing hranhram ko u. Pathian nih fale bantukin an chimhhrinnak hna a si: Pa nih a chimhhrin lomi fa ahodah a um bal?
8 Fale vialte kha chimhhrin an si òung i nannih vialte chimhhrin nan si lo ahcun fa taktak si loin lakfa nan si hnga.
9 Cu hlei ah vawlei ah hin chimhhringtu pa kan ngei cio hna i kan hmaizah cio hna. Thlarau lei kan Pa bia cu ngaih chinchin in kan nun awk a si hnga lo maw?
10 Vawlei lei kan pale nih cun anmah duh ningin caan tawite chung cu an kan chimhrin i anih tu nih cun a thiannak kan i hrawm ve khawh nakhnga kan òhatnak dingah a kan chimhhrin.
11 Chikkhatte chung cu chimhhrinnak paoh cu a fak ko a lo i a nuam lo, asinain a hnuah cun cuti i cawnpiakmi hna cungah cun dinnak le daihnak theitlai a chuahter.
12 A thlepmi nan ban hna cu hler u law a dermi nan khuk hna cu òhawnter hna u.
13 Nan ke a bami cu a hliah pelh loin a dam deuh nakhnga nan ke caah lam ding sial u.
(Gen 25:29-34; 27:30-40)
14 Mi vialte he rem i zuam u; nunthiang in nung u, cuti lo cun ahohmanh nih Bawipa an hmu lai lo.
15 Ahohmanh nih Pathian vel hmuh an tlolh nakhnga lo le “hrihhram kha a,” a corh i harnak a chuahtermi nih mi vialte aa thur hnawmhternak hna hnga lo i ralring u.
16 Ahohmanh nu le pa sualnak tuah hlah u. Esau bantuk rawl voi khat ei ah fa upa sinak a zuarmi biaknak zeirel lo si hlah u.
17 Nan hngalh cio bang khan a hnu thluachuahnak roco a duh òhan tikah khan hlawt a si cang, mitthli he kawl hmanh seh law aa ngaihchihnak kha a òhahnem ti lo.
18 Nannih cu kut tongh khawhmi meizik a rak i hlionak, a muimi le a mawmi thlichia a hrannak,
19 muko aw a thannak le aw an theih i an òih caah cu bantuk bia cu chim ti lo dingin a theitu nih an nawlnak tlang kha nan phan lo.
20 “Saram hmanh nih cu tlang cu a tongh ahcun lung in thi lakin cheh awk a si,” tiah nawlpekmi cu an celh lo.
21 Òih a nun tuk caah Moses hmanh nih khan “Ka òih tuk ah a ther in ka ther,” a rak ti.
22 Asinain Zion tlang, a nungmi Pathian khualipi, van Jerusalem, vanmi rel cawk lo puai tuahnak
23 van ah min khumhmi fater an i pumhnak zeizong vialte biaceihtu Pathian umnak, mitling ah ser cangmi miding Thlarau umnak
24 Biahren thar lamkaltu Jesuh umnak le Abel thisen nakin velngei deuhmi thisen thehmi kha nan phan cang.
25 Bia a ra chimmi pa hi nan donh lo nakhnga i ralring u. Kan vawlei ah ralrinnak a kan petu sin hmanh in luat khawh a si lo ahcun van in ralrinnak a kan petu kan hlawt ahcun zeitindah kan luat chinchin hnga.
26 A aw nih khan vawlei a rak hninh i atu ah cun “Vawlei lawng si loin van hmanh voi khat cu ka hninh dih rih lai,” tiah bia a kam.
27 “Voi khat in,” timi bia nih hin sermi thil vialte aa hninmi paoh òhial dih an si lai i aa hnin kho lomi lawng a tang lai ti kha a langhter.
28 Cucaah cun aa hnin kho lomi pennak kan co caah i lawm ko u sih law upatnak le òihzahnak he Pathian cohlanmi biaknak cu pechan ko u sih.
29 Zeitintiah kan Pathian cu khangtu mei a si.