11
1 Zumhnak cu ruahchanmi thil fiannak le kan hmuh rih lomi thil hngalhnak a si.
2 Zeitintiah hlanlio mi hna zong nih zumhnak in Pathian lung an ton.
3 Pathian bia in vawlei hi ser a si i hmuh khawhmi thil hna hi a lang lomi in ser an si ti kha zumhnak in kan hngalh.
Abel, Enok Le Noah Tahchunhnak
(Gen 4:1-16; 6:5—8:22)
4 Zumhnak in Abel nih Pathian a pekchanhmi kha Kain thawinak nakin a lung a ton deuh caah cu thawng cun miding ah cohlan a si; Pathian nih cu a laksawng a cohlanpiaknak nih cun a langhter. A thi nain a zumhnak thawngin bia a chim ko rih.
5 Zumhnak thawngin Enok zong thih loin cawi a si i Pathian nih a lak caah hmuh khawh a si ti lo. Lak a si hlan khan Pathian lung a tong ti a rak si.
6 Zumhnak dah ti lo cun Pathian lungton khawh a si lo. Pathian a naihmi paoh nih Pathian a um ti le amah a kawltu hna cu lawmhman a pek hna ti kha a zumh awk a si.
7 Noah cu Pathian nih a cang laimi thil mit hmuh rih lomi kong ralrin a pekmi kha a ngaih i zumhnak in a chungkhar hna khamh awkah lawng a sak; cu zumhnak nih cun vawlei kha a hlawt i amah cu zumhnak in a chuakmi dinnak ro cotu ah a cang.
Abraham Zumhnak
(Gen 15:1-6; 21:1-7; 22:1-14; 48:8-16; 50:22-25)
8 Abraham nih a co hngami ram i kal awkah Pathian auhnak cu a ngaih i a kalnak ding hmanh hngalh loin aa thawh.
9 Zumhnak in kamhmi ram ah cun ramdang mi bantukin khual cam in a va cam i cu biakam ro a hrawm hngami Isak le Jakob le tiah thlam ah khua an sa òi.
10 Pathian nih a hram a derh i a sakmi khualipi cu ruahchan in a va orh. Sarah zong a kum a luan cang nain bia a kamhtu cu zumhtlak a si tiah a ruah caah
11 zumhnak thawngin fa a pawi kho.
12 Cu a si caah mithi khan a si cangmi mi pakhat nih van arfi zat tam le rel cawk lo rili thetse zat a hrin thlak hna.
13 Mah hna cu zumh buin an thi, biakam cu an co lo nain lamhlapi in an hei cuanh khawh i an conglawmh i vawlei ah hin khual le mising kan si ti an hngalh.
14 Cuti a chimmi hna nih cun innlo khuarnak ding ram kan kawl ti kha an langhter.
15 An chuahtakmi ram kha rak ruat rih hna seh law kirnak caan rem an ngei ko hnga.
16 Sihmanhsehlaw atu ning ah cun ram òha deuh an ngai, cucu vanram a si. Cucaah Pathian cu, kan Pathian, an ti ah khan an ning a zak lo, zeitintiah an caah khualipi a rak timhlamhpiak cang hna.
17 Hneksak a si ah khan Abraham nih zumhnak in a fapa ngeihchun Isak kha thawinak ah a pek.
18 Pathian nih, “Isak in na hrinsor cu rel an si lai,” tiah bia a rak kam ko nain,
19 Pathian nih cun mithi hmanh a nunter òhan khawh tiah a ruah caah a sian i a thi i a thoòhan bantukin a hmuh òhan taktak.
20 Zumhnak in Isak nih hmailei caah Jakob le Esau sinah thluachuah a pek hna.
21 Zumhnak in Jakob nih a thih lai ah Josef fapa kha thlua a chuah veve hna i a òhiangòhunh lu hngauhchan in Pathian a biak.
22 Zumhnak in Josef nih a thih laite ah Izipt ram in Israel mi hna chuah lainak a chim i amah ruak vuinak ding tiangin a chimh hna.
Moses Zumhnak
Exo 2:1-10; 12:31-51
23 Moses cu a chuah tikah aa dawh tuk caah a nu le a pa nih zumhnak in thla thum chung an thuh, siangpahrang nawl pekmi zong an òih lo.
24 Moses cu patling a hung si tikah zumhnak in Faro fanu fapa tiah auh kha a duh lo.
25 Caan tlawmte chung sualnak lak i nuamhnak nakin Pathian mi hna sin i sifah tuar ve kha aa thim deuh.
26 Khrih ca i serhsat temhin kha Izipt ngeihchiahnak nakcun ro sung deuh ah a ruah, zeitintiah lawmhman laksawng kha aa ruahchih.
27 Siangpahrang thinhun hmanh òih loin zumhnak in Izipt ram cu a chuah tak. Hmuh khawh lo Pathian a hmu bantukin lungsau tein a in.
28 Zumhnak in lanhtak puai cu a tuah tawn i Hrawkhraltu nih an fater a tawnghtham hna nakhnga lo thisen kha innka ba ah a theh.
A Dang Israel Miralòha Hna Zumhnak
29 Zumhnak in Rili sen ah khan leiro kal bantukin an kal, Izipt mi hna nih kal ve an i timh tik tu ah cun ti chungah an pil dih.
30 Zumhnak in Jeriko kulhnak hruang kha ni sarih chung an vel hnuah a cim dih.
31 Zumhnak in hlawhhlangnu Rahab nih ngiathlaitu kha a rak zohkhenh hna caah a zum lomi hna sinah an loral lo.
32 Zeidah ka chim ti lai? Gideon, Barak, Samson, Jefthah le David, Samuel te hna le profet te hna kong chimnak caan nih a ka zo ti lo.
33 Zumhnak in cu hna nih cun ram an lak. Thil dik an tuah, kamhmi an hmuh i Chiandeih kaa an huh.
34 Mei aa hlio hluahmahmi an hmih, vainam har in an luat, an der nain an òhawng, raltuknak ah an òhawng i ram dang ral kha an tei hna.
35 Nu hna nih an mi òhi hna kha thawhòhannak in an hmuh òhan hna. A cheu nih hremnak an in i luat zong an duh hlei lo, a òha deuhmi nunnak ah thawhter an si lai caah a si.
36 A cheu nih zomhtaih le fung tuk an in i a cheu cu cikcin in khih i thong hmanh thlak an si.
37 Lung in an cheh hna, hluah in tan hnih ah an chuah hna i vainam in thah an si. Meheh le tuu phaw hruk in an vak, sifak canfak le hliamkhuai le hremnak an tem ing.
38 Mah hna caah cun vawlei ah nun man an ngei lo, ramcar le tlangpang lungkua le khor chungah an vakvai.
39 Mah vialte cu an zumhnak in an langhter ko nain kamhmi cu an hmu lo.
40 Pathian nih kan caah thil òha deuh a hmuh chung caah kanmah tel lo cun tlinter an si lai lo.